مكالمات مستفزة لي

[مشكلتي]

السلام

ندخل فالمووضع مباشرة

انا طالبة طب سنة 3 كي كنت 1 تعرفت على واحد حتى هو يقرا كان اخر عام ليه
و ذرك راهو خلص و يخدم

و ذرك عندنا تقريبا 4 شهر مخطوبين
انا نموت عليه

بصح المشكلة اللي تكرهني فيه مش نكرهو بصح نديقوتيه و نعفو هي كي يعود يخلط فالهدرة

يا جماعة يعيطلي ساعات فالليل و يقولي وش لابسة
و يهدر غي بالشوي
انا يظربني السكن نقولو لابسة برقع و نكوبي في وجهو
و تاني اسفة عالجراة بصح مرة كان يخدم فالليل عيطلي قالي واحد الفرملية تلبس بالاك 46
قريب قتلتلو وين وصل يهدر

و تاني يقولي لوكان جيتي مش محجبة تلبسي سروال و ودي راكي بومبة


و مرة قتلو خويا شرالي كادو هكذا قالي ايه يشريلك بصح ما يقدرش يشريلك ..... والا.....
تاني نكوبي عليه

ما نحبش نغلط معاه فالهدرة
انا فاهماتو لواه حاب يوصل بصح مازال عالهدرات هاذو

كي يعيطلي يبانلي متخدر كي يكون يهدر هكذاك
و غير نكوبي في وجهو يزيد شوي و يعاودلي يكون نورمال و ينسى كلش

راح يهبلني


واش ندير معاه

[dahbi01]

أختي الكريمة
انتما الإثنان مثقفان وعليك مقاطعته في الهاتف تدريجيا وافهميه ان هاته الامور حرام وحسيسيه بذكر الله والموت
وقولي له يدعي الله ان يكمل لكما بالخير ويعجل لكم بالزواج ويحقق مبتغاه واقعيا بدل من الاحلام التافهة

[jihanne]

سحا حكيمة
شوفي ختي
ابقاي بالعقلية تاع تكوبي عليه حتى يكره
و الا اهدري معاه و بينيلو بشوي زعاف قوليلو باللي فاهماتو واش حاب و باللي عيب و انك تقلقي منو كي يعود يطيش هكذاك لكلام

برك
ما عندي ما نقولك مش مشكلة كبيرة
فهميه و نقطة انتهى

و ربي يكمللكم على خير
و تجيبو صبيان و بنات يخرجو هوما تاني اطبااء
ربي يبارك
ههه

[sstolga]

فهميه و نقطة انتهى

[الفاتحة]

الخطوبة لا تجيز لكما الحديث في الهاتف حتى وإن كان الكلام عاديا ، حرام يا اختي توبي إلى الله فنحن لا نعلم متى يستلم أمانته ، وأمرا آخر الخطوبة ليست أمر مضمون على ان هذا السيد سيتزوجك فأنت لا تعرفين ماذا سيحدث في المستقبل ، في ذلك الوقت فقط ستشعرين بأن كرامتك قد فقدت وستتألمين مع كل كلمة غير شرعية قالها لك خطيبك اتقي الله في نفسك ، وحاولي بأي طريقة أن تقنعيه بأنه يفعل شئ محرم ...
وما دام السيد كل مرة يحاول أن يتجاوز الحدود التي لا تصح إلا بين زوجين ، فليعجل بالزواج ويفعل ما يحلو له في الحلال، لا سيما وانه يعمل وإلا فليصبر الى حين يكون جاهز والله الموفق .

[جواد رامي]

شيء غريب ماتنتجه الجامعة الجزائرية مستوى ثقافي متواضع جدا واسفاه طبيب يسأل ماذا تلبس خطيبته في ساعة متأخرة من ليل . هذا الذي يداوي المرض . هذا الذي تأتي عنذه النسوة ليداويهن . . يا أمت ضحكت من أجلها الأمم

[غيداق]

السلام عليكم ورحمة الله تعالى : اختي الكريمة ما دامك تموتي عليه يعني انك ما تقدريش تفارقيه هذا مفهوم فالحل هو انك تفتحي وتعقدي وتولي مرتو حلالو وتبقى فترة ما قبل العرس تقدري تحكي فيها معاه في كل المواضيع بدون حرج لانو على حسب معلوماتي العلماء اجازو ا للرجل وامراته اللذان بينهما عقد ان يقع بينهما ما احل للرجل الداخل بامرأته الا ان العرف يمنع ذلك فالانسب لك هو ان الفاتحة والعقد لتخرجي من من كل الالتباسات وما تخسري روحك ما تخسري خطيبك والله اعلم وزيدي سقسي مليح علماء الدين يفيدوك اكثر وربي يوفق بيناتكم في الخير امين

[**د لا ل**]

لا تكلميه ليلا مهما حصل

الحل بسيط اختي

[نسمة تفاؤل]

حاولي انت تأثري فيه وتقوليلو كثر من الذكر وقوي صلتو بربه ونقصومن الهدرة في الهاتف راهي ماشي مليحة الله يكون معاك

[kimotechgirl]

المشاركة الأصلية كتبت بواسطة جواد رامي

شيء غريب ماتنتجه الجامعة الجزائرية مستوى ثقافي متواضع جدا واسفاه طبيب يسأل ماذا تلبس خطيبته في ساعة متأخرة من ليل . هذا الذي يداوي المرض . هذا الذي تأتي عنذه النسوة ليداويهن . . يا أمت ضحكت من أجلها الأمم

:1 9:

[شخصية نرجسية]

لو كنت مكانكلفسخت خطبتي به لأنه غير نحترم كيف يتجرا أولا على الاتصال بك ليلا فهدا وقت بالنسبة لي محرج و عيب الاتصال فيه و كيف يتجرأ على سالك مادا تلبسين ما هده الوقاحة لا خلق لا شي

[مراد الأمل]

السلام عليكم
اعانك الله أختي

[doba]

إحذري وبس يا اختي

[bakoissi]

واش ندير معاه[/QUOTE]



ساهلة ديري renvoi des appels في الليل

[lynoor]

اوووووووووووووواه ما هذا اختي انتي اللي ديريلو الحد نورمالمو يفهم ولا ما كاش اغلقي البورطابل فاللييل و هي فرات
انا عندي هاذ الشي عيب ان مراحش نقولك ديريلو مواعظ و اهدريلو عل الاخرة كملي كوبي عليه وهو يفهم
تحياتي و ربي يهنيك