كعك تلمسان بالصور والشرح من مطبخ النرجووووووووووسة امممممممممم

النرجووسة · 2015-02-18, 09:20

السلام عليكم
اليوم جبتلكم كعك تلمسان اللديد والمقرمش ان شاء الله ينال اعجابكم لبنات بلا منكثر عليكم دودودودودودو نروحو للمقادير والطريقة هده اقل كمية درتها غير باش نوريلكم ولي حاب تكثر ضاعف المقادير

نحتاجكيلو ونص فرينة
قبصة ملح
4مغرف ك ماء زهر
مغرف ونص خل
كاس سكر شفتو لعبرت بيه
كاس زيت
3 كيس خمارة
ونحتاج هدا المهم فالكعك
2 مغرف ك جنجلان
2 مغارف ك حبة الحلاوة نصف مطحونة يعني نخليوها حبيبات
2 مغارف ك النافع (الشمر)نصف مطحونة

ملاحظة الي تحب تستعما خميرة الخبز دير مغرف ك ونص والى درتيه فاليل طيبيه الصباح والى درتيه فالصباح طيبيه اليل

نضع النواشف الفرينة النافع حبة الحلاوة والجنجلان والسكر والملح ونخلط مليح

وبعد دلك ندير حفرة فالوسط ونصع الزيت والخل والماء الزهر ونبسس مليح حتى تتجانس المواد

على هدا الشكل بعد التبسيس

ونبدا نعجن ونلم العجينة نضيف الماء غير بشوية لان نريد عجينة متماسكة وقاسحة هده عجينة الكعك تجي قاسحة كما هكدا ولازم تندلك مليح سواءا بيدنا ولا بالعجانة انا دلكتها بيدي لمدة 20د ولعندها العجانة تخليها اكثر

ونغطيها ونخليها ترتاح 2 ساعات
وبعد دالك نرفد العجينة ونبداا نشكل على شكل كعكات
نشكل حربوش كبير ونقس بالموس كويرات قدقدl]

النرجووسة · 2015-02-18, 09:25

وهنا ندير حربوش ونقس فنهاية الحربوش كما فالصورة

النرجووسة · 2015-02-18, 09:27

وتقدري تخليه هكدا على هدا الشكل متقطعيهش بالموس فالجوانب كل وحدة ودوقها

وهنا نلسق و وندور ونقس فالجوانب
ونخليه يخمر ملييييييييييييييييييح انا خلته 5 ساعات
وطيبته وهده المرحلة لنمووووووت عليها لما يوكن يطيب الريحة منحكلكمش لتتنطلق فالدار امممممممممممممممممممم
ومتنسيش دوقي جارتك لان اكيد توصلها الريحة الزاكية

ملاحظة لازم يكون الفور حامي بزاااااااف كي ندخلوه ودرجة الحرارة 200 وعينك هي ميزانك
لازم ياخد اللون الدهبي ويجي مقرمش
ولما تحفظيه مدرهش في مكان فيه رطوبة

النرجووسة · 2015-02-18, 09:29

وهنا كي وجد مطاب ان شاء الله ينال اعجابكم وتجربوه

نتمنى كل وحدة تشوف الموضوع تعطيه حقه تنورني بردها ويكون ردود كثيرة ماشي غير مشاهدة وشكرا لكم

نافلة · 2015-02-18, 09:39

يعطيك الصحة نرجوستي المشاغبة جاك شباب
وانا نموت عليه مع قهوة الصباح كلما راح زوجي لتلمسان و لا رحت انا نجيبو بالباكيات من اليوم نبدا نديرو
صحيتي حبيبتي

نافلة · 2015-02-18, 09:40

ياس انا الاولى رديت عليك ههههههههههههه
ابعثيهولي كامل
هههههه

idron0 · 2015-02-18, 13:00

الله يعطيك الصحة

النرجووسة · 2015-02-18, 13:50

اقتباس:

المشاركة الأصلية كتبت بواسطة idron0

الله يعطيك الصحة

شكرا اختي انرون اله لا يحرمني من ردودك داءما تكوني من السباقين فمواضيعي شكرا

مياسم75 · 2015-02-18, 14:03

الله يبارك خرجلك
هاتيلي حبة انا جامي كليت كعك نتاع الغرب الريحة راهي وصلت
وصفة ساهلة. ان شاء الله نجربها

lyzzabel · 2015-02-18, 14:28

ممممممممم يا نرجووووستييي وانا قاعدة نقول هاد الريحة مين راهي تجيييي مممممم يعطيييك الف عااافية نموت عليه بصح جامي ما درته ،، راكي سهلتي عليا بادن الله نديره و لك مني احلى تقيييييييييم و معاه مواااااااح