صابلي بالنيسكافي روعة روعة من كوزينتي

أم محمد تاج · 2013-05-21, 23:14

الطريقة بالصور:300 غ زبدة لينة أو مارغارين طرية نزيدولها 200غ سكر قلاصي و زوج بيضات كاملين وزوج صفار ونزيدولهم مغرف صغيرة فاني نخبطهم بالباتور مليح ثم نزيدلهم 8 مغراف كبار نشا وباكي خميرة والباقي نلم بالفرينة وتتشكل عندنا عجينة طرية نقسمها على زوج متساويين نحط جزء في كيس بلاستيكي ونخليه يرتاح والجزء الآخر نضيفلو زوج باكيات نيسكافي مذوبين في شوي قهوة تاع الدار عادي ونزيد نحط العجينة لي بالنيسكافي في كيس بلاستيكي ونحطها ترتاح 20 دقيقة كي ترتاح نحلها بواسطة القنوط ونحط فوقها نيلو السني باه يجي الوجه أملس نطبع عجينة النيسكافي بالطابع ونحطها طيب ونزيد نحل العجينة الأخرى ونعمل ثقب أنا استعملت مقفال أحمر الشفاه ونزيد نطيب العجينة الأخرى كي يطيبو نلصق كل حبة بالكريمة التالية: باطة صغيرة حلوة الترك الغزالة نزيدلها 8 نغارف كبار معجون مشماش معبيين هاذ لعبار يكفيك وبدقة لآخر حبة ونخبطهم بالباتور مليح حتان يتجانسو ونلصق الحبات ونذرذر عليهم بالصفاية السكر قلاصي
ملاحظة: حنوناتي لو حابين الجزء تاع النيسكافي هو لي يجي لفوق فأعكسو الطريقة يعني طبقة النيسكافي هي لي فوق ومثقوبة والطبقة البيضاء هي لي تحت راني طولت عليكم ونخليكم مع الصور
هاذ الكمية تخرجلك 60 حبة

شوفو كيفاش يبانو الطيقات

المستغفرة · 2013-05-21, 23:16

بارك الله فيك على الوصفة

بريق الامل& · 2013-05-21, 23:23

روعة يعطيك الصحة موالفة ندير كاكاو بالنيسكافي جامي ذقتو نجربو صحيتي

scorpionoir · 2013-05-21, 23:24

واااااااااااااو ديما بوصفاتك الهايلة
بارك الله فيكي

مرام اروى · 2013-05-21, 23:26

امممممممم الصابلي وذوق النيسكافي نمووووووت عليهم يعطيك الصحة هاااااايل

ام ملاك. · 2013-05-21, 23:27

روعة خرجلك بصحتكم

أم محمد تاج · 2013-05-21, 23:27

بارك الله فيكن أنتن الأروع مووووووواح حنوناتي

ساندي 28 · 2013-05-21, 23:33

متالقه كعادتك وهل يخفى القمر يسلمو ايديكي حبيبتي ام تاج

لمسة حنية · 2013-05-21, 23:52

ماشاء الله يشهي بصحتك اختى

درة بيتي · 2013-05-22, 00:02

أنا من بكري نموت على الصابلي وزحت عشقته بالوصفة تاعك باينة تشهييييي يعطيك الصحة راح نجربه كاش نهار ونوريلك التطبيق سلمت يداك حبيبتي عجبتني حتى الدقة فالمقادير الله يبارك كل شي بإحتراف