مساعدة من فضلكم

[sido-mascara]

سلام خاوتي انا مواليد 1990 تخرجت في 2012 la licence ما رانيش مفوت لافيزيت كنت داير سورسي في عام الاخير تاع الجامعة كملت قرايتي في جوان 2012 وصلني استدعاء في سبتمبر 2012 ماروحتش و مازدت حوست عليهم ما حوسوا عليا ما زاد وصلني اي استدعاء حبيت نعرف الا راني عاصي و روشارشي و اذا قررت نسافر رحلة سياحية تركيا مثلا ينجموا يحكموني في المطار ساعدوني خاوتي من فضلكم

[خالد القانوني]

من اكمل دراسته قبل 2013 لديه الحق في الاعفاء
خرج قانون يقول ذالك
و لازم ما تكونش روشارشي حتى تستفيد منه
الطريقة الوحيدة باش تعرف اذا انت روشارشي او لا
روح لمكتب التجنيد الاقرب لمقر سكناك و اطرح عليهم وضعيتك و انك من اصحاق الحق تاع الاعفاء
بالتوفيق

[sido-mascara]

شكرا أخى على اهتمامك لكن لا أظن أنني استطيع الذهاب اليهم و انا لست متأكد بأننى روشارشي أو لا
أريد طريقة أخرى و امنة للمعرفة ذلك .

[Gestapo88]

المشاركة الأصلية كتبت بواسطة sido-mascara

شكرا أخى على اهتمامك لكن لا أظن أنني استطيع الذهاب اليهم و انا لست متأكد بأننى روشارشي أو لا
أريد طريقة أخرى و امنة للمعرفة ذلك .

ادهب لمكتب الخدمة الوطنية ليطلعوك على وضعيتك حتى ولو كنت عاصي او مبحوث عنه لا يستطيعون القبض عليك هي من مهام الشرطة والدرك وعليك تجنبهم, شهادة لله انا دهبت بنفسي لدفع ملف اعفاء رايت احدهم في مكتب الخدمة الوطنية قالو له انت عاصي عليك بالدهاب للمحكمة العسكرية لتسوية وضعيتك والا جهز الحقيبة ولم يقومو بالقبض عليه ابدا او اعتقاله

[sido-mascara]

شكرا لك أخى لي صديق يشتغل في الدرك يقدر يشوفلي ؟؟ و اذا شالفلي فهل تكون هذه عملية سرية أم يقدروا يعرفوا انه أدخل اسمي ؟

[خالد القانوني]

يا اخي روح لمكتب الخدمة الوطنية لي يلبسو لبست العسكر
حتى لو كنت روشارشي ما عندهمش الحق يرفدوك او يأخدوك و بزااف قالو لهم راكم روشارشي ماشي غي انت
و قالو لهم روحو للمحكمة العسكرية
يعني العسكر ليس له علاقة بالحياة المندنية في اعتقال المبحوث عنهم
روح برك راك تضيع في الوقت و تخاف ترجع روشارشي

الدرك الوطني هم فقط لي يستطيعو ياخدوك في الطريق مين تكون مسافر
و ما يقدروش يجو يدوك من الدار
بالتوفيق

[sido-mascara]

شافولي و الحمد لله مارنيش روشارشي الان حبيت نعرف هل يمسني قانون التسوية 2013 ؟؟؟

[DaDiDoo]

المشاركة الأصلية كتبت بواسطة sido-mascara

شافولي و الحمد لله مارنيش روشارشي الان حبيت نعرف هل يمسني قانون التسوية 2013 ؟؟؟

نعم لديك الحق في التسوية ان شاء الله ، عليك الدهاب في أقرب وقت الى مركز الخدمة الوطنية التابع اليه وأخد اخر شهادة دراسية لك وهم سيوجهونك

[علي لقواطي]

يا خوتي لي راه مش متأكد بلي مش روشارشي غير مايروحش لمكتب الخدمة الوطنية لأنهم صارو يشغلو معاهم دركي فالمكتب و اذا لقاوك روشارشي ممكن الدركي يهزك من ثم

[DaDiDoo]

المشاركة الأصلية كتبت بواسطة lilou lilou

يا خوتي لي راه مش متأكد بلي مش روشارشي غير مايروحش لمكتب الخدمة الوطنية لأنهم صارو يشغلو معاهم دركي فالمكتب و اذا لقاوك روشارشي ممكن الدركي يهزك من ثم

على حساب علمي في مركز باب الواد لا يوجد هدا ، هناك الاف الأشخاص يأتون يوميا لتسوية وضعيتهم ويوجد منهم روشارشي ولكن لا يأخدونهم بل يوجهونهم فقط

[علي لقواطي]

يا أخي في مكتب التابع لمدينة تاعنا صارو يحطو دركي مع جندي عند الإستقبال لهذا حذرته

[Dr.Gho]

المشاركة الأصلية كتبت بواسطة sido-mascara

شكرا أخى على اهتمامك لكن لا أظن أنني استطيع الذهاب اليهم و انا لست متأكد بأننى روشارشي أو لا
أريد طريقة أخرى و امنة للمعرفة ذلك .

في السيكتور ميليتار حتى اذا كنت روشارشي مايدوكش ، يعطوك برك رسالة يبعثوك لبليدة و يقولوا لك مافتحهاش.
الخدمة تاع يرفدوك هي تاع الدرك الوطني و انا شفت بعيني حالات في سيكتور ميليتار روشارشي مارفدوهمش
بالتوفيق