قريوش بطريقة جديدة للسهرة - الصفحة 5

غزالة الصّحراء · 2010-08-28, 23:15

اقتباس:

المشاركة الأصلية كتبت بواسطة شقراء

صح فطورك وفطور الجميع
الحمد لله الي اصدقلك تاكلوه بالصحة ان شاء الله
بصح قوليلي وين راكي هذي غيبة والله توحشناك
ربي ايخليك ويعزك
سلام

اللّه ايسلمك ياحنونة. ربّي ايعزّك ويخليك.
هاذي الأيام راهي الأنترنيت عندنا مقطوعة. راهم غير كيرجعوها.هههههههههههههههههههههههه .
وانتي واش راكي ؟ كيف أحوالك.؟؟ واش راكي مع رمضان والكوزينة؟؟؟ راني طليت على صفحة كوزينة رمضان لأم أنفال مالقيتش الجديد. وين راهم الأخوات ؟؟؟. انشاء اللّه ايكونوا كلهم بخير.
سلام.

شقراء · 2010-08-28, 23:19

والله الحمد لله درك رانا مع التخمام تاع القاطو
لبنات كل وحدة فاه راه لاهية ماهومش يدخلو كل يوم للكوزينة تاع انفال
كما قلت ان شاء اله ايكون بخير برك

غزالة الصّحراء · 2010-08-28, 23:30

اقتباس:

المشاركة الأصلية كتبت بواسطة شقراء

والله الحمد لله درك رانا مع التخمام تاع القاطو
لبنات كل وحدة فاه راه لاهية ماهومش يدخلو كل يوم للكوزينة تاع انفال
كما قلت ان شاء اله ايكون بخير برك

واللّه غير عندك الحق. إن شاء اللّه ايكونوا بخير. قوليلي راكي ابديتي اتحضري حلويات العيد وإلّا مازال؟ واللّه غير راني حيرانة.. واشن أندير . . راهي عجبتني وصفة . قاطو القطيفة. جربتها ونجحت . بزاف أبنينة . راهي في المنتدى من طرف إحدى العضوات... واش قلتي؟؟؟؟؟؟؟؟؟؟

شقراء · 2010-08-28, 23:43

لالا مازال مابديتش لوكان انديرو درك ايكملوه الذراري قبل العيد
المهم مازالني نخمم
اني حطيت وحد الكتاب البرح اضربي عليه طلت بلاك تصيبي حاجة تعجبك
انا راني رايحة اندير من وحد ال2
وكي ندير اني انقولك

الزهرة المضيئة · 2010-08-28, 23:48

شكرا لك اختي
لكن هل تقصدين ب 1 كأس ايدام الزيت؟

غزالة الصّحراء · 2010-08-28, 23:53

اقتباس:

المشاركة الأصلية كتبت بواسطة شقراء

لالا مازال مابديتش لوكان انديرو درك ايكملوه الذراري قبل العيد
المهم مازالني نخمم
اني حطيت وحد الكتاب البرح اضربي عليه طلت بلاك تصيبي حاجة تعجبك
انا راني رايحة اندير من وحد ال2
وكي ندير اني انقولك

]لالا مازال مابديتش لوكان انديرو درك ايكملوه الذراري قبل العيد ...... عندك الحق. بصحّ واش أنقولك: ربّي يحفظهم لك ويخليهم. ويطوّل في عمرك ، باش أتشوفيهم ولاو أكبار .
المهم مازالني نخمم . ... رجعيلي بالخبر راني نستنا.
صراحة ماكانش كيما القاطو أنتاع بكري . ( أنتاع الزّيت والسّكر والخميرة . ومع الأخير أتزينيه بصفار البيض واشويا أنتاع السّكر . واللّه غير أتعبنا من كثرة الأوان وكثرة تواجد السّكر في العجينة وخارجها.
رايح نضرب طلّة على كتابك. أن شاء اللّه نلقى فيه واش راني أنحوّس. .ومع كلّ هذا راني نستنا في ردّك بعد ماتقّرري.

**نور اليقين** · 2010-08-28, 23:54

مشكورة اختي على الطريقة

شقراء · 2010-08-28, 23:58

اقتباس:

المشاركة الأصلية كتبت بواسطة الزهرة المضيئة

شكرا لك اختي
لكن هل تقصدين ب 1 كأس ايدام الزيت؟

لا شكر على واجب عزيزتي
كأس تاع زبدة ذائبة

شقراء · 2010-08-29, 00:01

اقتباس:

المشاركة الأصلية كتبت بواسطة غزالة الصّحراء

]لالا مازال مابديتش لوكان انديرو درك ايكملوه الذراري قبل العيد ...... عندك الحق. بصحّ واش أنقولك: ربّي يحفظهم لك ويخليهم. ويطوّل في عمرك ، باش أتشوفيهم ولاو أكبار .
المهم مازالني نخمم . ... رجعيلي بالخبر راني نستنا.
صراحة ماكانش كيما القاطو أنتاع بكري . ( أنتاع الزّيت والسّكر والخميرة . ومع الأخير أتزينيه بصفار البيض واشويا أنتاع السّكر . واللّه غير أتعبنا من كثرة الأوان وكثرة تواجد السّكر في العجينة وخارجها.
رايح نضرب طلّة على كتابك. أن شاء اللّه نلقى فيه واش راني أنحوّس. .ومع كلّ هذا راني نستنا في ردّك بعد ماتقّرري.

ربي يحفظك ويرزق الذرية الصالحة
احنا انقولو تاع الطابع هذا مكاش عيد ما نديروش والسنة تاني ان شاء الله
ما تخمميش غير نرسى على راي انت اول وحدة اتقولك وتلقاي جوابي في هذا الموضوع
تحياتي

شقراء · 2010-08-29, 00:02

اقتباس:

المشاركة الأصلية كتبت بواسطة **نور اليقين**

مشكورة اختي على الطريقة

زادك الله نوا على نور
شكرا لمرورك

غزالة الصّحراء · 2010-08-29, 00:08

اقتباس:

المشاركة الأصلية كتبت بواسطة شقراء

ربي يحفظك ويرزق الذرية الصالحة
احنا انقولو تاع الطابع هذا مكاش عيد ما نديروش والسنة تاني ان شاء الله
ما تخمميش غير نرسى على راي انت اول وحدة اتقولك وتلقاي جوابي في هذا الموضوع
تحياتي

يعطيك الصّحة. واللّه ايخليك لينا ويحفظك ويسترك في الدنيا وفي الآخرة.
راني نستنا. برك ان شاء اللّه الأنترنيت أتكون كاينة. مايقطعوهاش علينا.
سلام.

شقراء · 2010-08-29, 13:09

اقتباس:

المشاركة الأصلية كتبت بواسطة غزالة الصّحراء

يعطيك الصّحة. واللّه ايخليك لينا ويحفظك ويسترك في الدنيا وفي الآخرة.
راني نستنا. برك ان شاء اللّه الأنترنيت أتكون كاينة. مايقطعوهاش علينا.
سلام.

بلا مزية اختي
ربي ايخليك
سلام

جيهان99 · 2010-08-29, 14:07

مشكورة بارك الله فيكي ان شاء الله نجرب طريقتك

ام احمد · 2010-08-29, 15:08

شكرا جزيلا وصفة روعة

غزالة الصّحراء · 2010-08-29, 15:46

اقتباس:

المشاركة الأصلية كتبت بواسطة شقراء

السلام عليكم
كيفكم يا رب تكونو بخير

اليوم رايحة نقدملكم طريقة جديدة للقريوش توالم سهرات رمضان

3 كيسان فرينة
1 كأس ايدام
حبة بيض
2/1ملعة صغيرة خمارة
ماء وماء الزهر

لمي العجينة وقسميها الى اثنين خليها ترتاح
حلي العجينة رقيقة بزاف ورشيها بالمايزينة كامل الوجه ماشي الفرينة راه تثقلها لازم المايزينة ولوي حتى تتحصلي على حربوش
والقسم الثاني تان نفس الطريقة

وحطيهم فالثلاجة ساعة ولا اثنين
خرجي الحربوش التاعك وقطعيه الى حلقات مايلين شوي ويكونو بسمك 1سم ثم فوتي عليهم بالحلال باه ترققيهم ومن ثم اقليهم ونبعد عسليهم ورشيهم بالجلجلان

ان شاء الله اتكونو فهمت الشرح لان بدون صور

اسفة الصور ماعنديش وما صورتهمش من قبل

انتظر ردودكم وصح فطوركم

أختي شقراء . راني ارجعت مرّة أخرى لهذه الصّفحة المميّزة. كنت خبرتك أمبلي راني أنحوّص على كاش وصفات جديدة للحلويات . ولقيت إحدى الأخوات قدمت لنا رابط. ويعطيها الصحّة.
إليك الرّابط ولجميع الأخوات للتعرّف على شكل لحنيفيات الذّي يشبه شكل لقريوش الجديد الّذي قدمتيه . ملاحظة : الأخت قطعت لحنيفيات بسمك 2سم . ولهذا نلاحظ أنها عريضة نوعا ما. ممكن أن نقطعها أيضا بسمك 1سم. لك الاختيار أختي العضوة.

https://amourdecuisine.over-blog.com
صحّ فطوركم جميعا. للأمانة منقول.