صابلي الياؤورت اقتصادي وطعم رهييييييييييييب

[*وردة الشرق*]

مساء الانوار حبيباتي الحلوين كيف الاحوال احضرت اليكن اليوم وصفة معروفة كتيرا لكن الاكيد الكل يحب التغيير لكن هنا ليس بتغيير بسيط هو اقتصادي وطعم رهيب يجعلك تستمتعين باحلى حبة صابلي تصنعينها بيديك الحلوتين

قبل ان اضع الوصفة احببت ان اشرح كيف وصلت الى هذه النتيجة الاممممممممممم الرائعة في الاول جربت صابلي الزيت لكن في الحقيقة احسسست انه طعم حلوى الطابع وليس صابلي اضفت النشاء غيرت الكتير لكن دون نتيجة ترضيني اتجهت اتجاها اخر اخدت وصفتي المعتمدة عليها في صنع الصابلي بالزبدة ووضعت زيت بدل زبدة لا لا ليست مرضية تم غيرت السكر فوجدتها بالسكر العادي ليست لذيذة تاتي مقرمشة قليلا .بالسكر الاناعم تاتي مطاطية اين الخلل لكن بعد تجارب كتيرة ممكن وصلت الى 10 مرات وصلحت الوصفة واصبحت رائعة الان تفضلي اختاه وخدي المقادير

المقادير كلها بكاس عادي تاع القازوز

كاس زيت
كاس نشاء
4 صفار بيض
1علبة ياؤورت طبيعي او اي نوع تفضليه كش شرط طبيعي
فانيلا
نصف ملعقة صغيرة خميرة الحلويات
فرينة حسب الحاجة
السكر كاس سكر لكن هذا الكاس تضعيه في الخلاط وتمكسيه مليح لمدة 3الى 5 دقائق رايح يصبح رقيق بزاف لكن مش غبرة ادا ما عندكش الميكسور ديري نصف كاس سكر عادي ونصف كاس سكر ناعم هذا الشرط اساسي

نبدأ في الاول بوضع الزيت مع السكر وحكي باليد انا الصابلي عمري ما نديرو بالباطور رايح يدوب السكر هنا رايحة تلاحظي انو الخليط سلئل لكن بعدها ضيفي الياؤورت ومزجي رايحة تلاحظي انو الخليط اصبح ثقيل هنا السر في نجاح الوصفة امزجي بعدها ضيفي 4 صفار بيض الواحد ة تلوى الاخرى بعدها ضيفي النشاء ولما تمتزج ضيفي مباشرة كاسين من الفرينة ومعاهم الخميرة والفانيلا اكيد بدون عجن وتبقاي تضيفي في الفرينة حتى تحصلي على عجينة لينة وما تلصقش اتركيها ترتاح لمدة 15 دقيقة وبداي تطرحي هنا اطرحيها بين كيسين باش يسهل عليك المهمة ولا ديري النشاء في طاولة العمل وليس الفرينة لان الفرينة رايحة تزيد تنشفلك العجينة لكن النشاء رايح يساعدها باش تبقى طرية وهشة السمك كما تفضليه انت ديري اشكال والى الفرن ساخن على 180 درجة لمدة 10 الى 15 دقيقة وبعدما يبرد لصقيه بالمعجون بالنوتيلا كما تحبي راهو خفيف وبنين وليس صابلي الزيت الذي تعودتي عليه صدقيني
ملاحظة: الخميرة ممكن تحطي اكتر يعني من ملعقة صغيرة حتى ملعقتين صغار انا في الحقيقة نحبو هكدا معملر لحم وانت كما تحبي اكيد لما تديري خميرة اكتر رققي شوية العجينة لكن مش بزاف
ممكن ايضا تضيفي قطرات من عطر اللوز الحلو يعطيه لذة رائعة

اترككم مع الصور انا نقصت شوية من السكر لاغرض صحي فقط يخص زوجي لكن في الحقيقة كاس هو مضبوط تماما

وهذه بعض الاشكال

شوفيه من الداخل كيف اممممم رائع ولذيذ

حبيباتي احببت ان اضع لكن تطبيق اختي وحبيبتي عازفة الناي في الحقيقة انا طلبت منها تطبقها لاني ما نحبش نحط وصفة غير مجربة والحمد لله جربتها ونالت اعجابها واعجاب العائلة الكريمة اشكرها جزيل الشكر

انتظرونني في وصفات اخرى لازال في جعبتي الكتير

[um alaa]

اممممممممممم زينوبة يهبل راني ديت باش نشرب القهوة

[sinner]

يعطيك الصحة هايييييييل

[زهرة الريف*]

بارك الله فيك اختي وصفتك جاتني في وقتها كنت حايرة بين الوصفات
ربي يجازيك كل خير ودمتي متألقة دائما شكراً لك بإذن الله تعالى رايحة نجربو وندعيلك من قلبي

[..بسمة أمل ..]

يعطيك الف صحة اختي زينب

شكرا على الوصفة فيك بارك الرحمن

اختاه حفظك الله

[tong2]

مممممممممممممممم يشهي
الله يعطيك الصحة حبيبة

[fadila34]

بارك الله فيكي اقتصادى ولذيذ ربي يحفظك ويعطلك ما تتمناي

[scorpionoir]

شكرا غلى الوصفة يبان هشوووووووووووووووووووووووووووش

[canopus]

اممممممممممم الله يعطيك الصحة
باين عليك درتي مختبر دكستر للتجارب

[ام محمد78]

الله لا يحرمنا منك ولا من ابداعاتك الغالية
يسلموووووووووووووووووووو

[طير الرحمة]

الوصفة فى القمة
والصابلي الكل نحبووووووووووه واي وصفة من عندك هاتيها بلا ما تشاوري
يعطيك الصحة وتسلم الايادي زينوووووووووووووووبة

[أم ماجد]

امممممممممممممممممممممممم
انتظري تطبيقي في اقرب فرصةةةةةةة

[حورية38]

تبان تشهي شكرا على الافادة

[عازفة الناي]

الله يبارك راااااااااااااااااااااااااااائع
صراحة طعمه هايل و خفيف اممممممممممممممم
في انتظار المزيد من الوصفات الرائعة
واحلى تقييم

[wahibaazel]

ماشاء الله عليك زينب ،ربي يحفظك ويهنيك ،الصابلي يبان خفيف ريشة تسلم الايادي.