طريقة تحضير القلب اللوز

l'aigle noir · 2012-07-19, 21:54

السلام عليكم ورحمة الله تعالى وبركاته

رمضان كريم وكل عام وانتم بالف خير ان شاء الله

حبيت ندير هذ ا لموضوع ردا على جميع الاخوات الي تسالن على طريقة صنع قلب اللوز او الشامية

عندي طريقة وكل الي جربها يعرف انها ناجحة باذن الله

قلب اللوز

المقادير

كيلو سميد متوسط او خشين

رطل سكر

ملح
كاس دهان ذائب
كاس ماء الزهر

الشاربات
رطل سكر
لتر ماء
ماء الزهر لتعطير
الطريقة

حطي السميد في قصعة ضيفي الدهان وحبكي جيدا بيديك حتى يمتزج معه جيدا ثم بلي بماء الزهر

وحركي كيما تكوني تفتلي حتى تتشرب هداك الكاس نتاع ماء الزهر حذي صحن ميكونش كبير بزاف

وميكونش صغير بزاف حطي الخليط نتاعك فيه وخبزيه بيدك بالضغط عليه ثم دهنيها بقليل من الزيدة

او ماء الزهر ثم موري معينات او مربعات ثم دخليها تطيب

حضري الشاربات حطي السكر مع الماء وخليها حتى تثقل عطريها بماء الزهر

لما تطيب الحلوى نتاعك خرجيها سقيها بالشاربات حتى تطفو فوقها ثو رجعيها للفرن

تكوني طفيتيه وخليها تتشرب الشاربات خليها تبرد ثم قطعيها

اضافة :

يمكن اضافة اللوز او اي مكسرات اخرى في وسط الخليط

تقسمي الخليط على 2 حطي شوية وضغطي عليها ثم حطي المكسرات بدون اضافة اي شيء لها ثم ضفي باقي الخليط

ملاحظة ضروري التقيد بكمية المقادير جيدا

*شهية طيبة للجميع*

serine alger · 2012-07-19, 22:20

شكرا على الوصفة أختي

فيروز الجلفة · 2012-07-20, 12:12

شكرا جزيلا اختي راح نجرب الكيفية وان شاء الله تنجح

المستعينة بالله · 2012-07-20, 14:44

و عليكم السلام و رحمة الله تعالى و بركاته

رمضان مبارك و كل عام و انتم بخير

بارك الله فيك أختي هذه هي الطريقة لي تعمل بيها أمي و فعلا صحيحة

صح فطوركم

yyakouta · 2012-07-20, 14:53

بارك الله فيك

mary-93 · 2012-07-21, 11:36

وماتحليهاس ترتاح؟؟؟؟؟؟؟؟؟؟؟؟؟؟؟؟؟؟

MERIEM SETIF-2- · 2012-07-21, 11:53

شكرا جزيلا على الوصفة لكن عندي إستفسار : أنا نديرو هكذا لكن ندير السميد والسكر و الدهان(ندير زيت ) و قرصة الملح و نحكوا بيدي مليح ونتركوا يبات ليلة كاملة في الثلاجة و في الغد نبلوا بكاس ماء الزهر و نكمل كيما قلتي يا أخت l'aigle noir و الشاربات نديرها خفيفة ما نثقلهاش ، هل أنت تتركيه يبات أو لا ،لأنك لم تذكري ذلك في الوصفة .ا