غسل المصارن على طريقة الجزار من ام فاطمة

أم فاطمه · 2017-09-08, 13:04

جبتلكم اليوم سري في غسل المصارن على طريقة الجزار بي طلب من اختي زخرفة الله يبارك فيها

اولا غسلي المصارن مليح بالماء ثم ضعيهم في الماء و الخل بعض الوقت ثم شليهم وعمريهم بي الملح ومن الداخل والخارج و فركيهم بين
يديك مليح باش تمشي منهم ريحت الدوارة ويرجعو بويض

وضعيهم في كيس ودخليهم الثلاجة اوالمجمد كي تحبي تخدمي المرقاز غسليهم مليح من الملح وبما أن المصران يكون مالح شوية ماتكتريش الملح في الحشوة

والمرقاز تاع الدوارة لي ينباع عند الجزار . يوجدوا الدوارة يغلوها حتى تطيب و من بعد يرحيوها ويحرجو عليها بالكمو ن والفلفل الاسود والتوم والملح . يكتروا فيها الحار كمية كبيرة. والمعدنوس والبصل وحتى هو يجي رائع وثمنه اغلى من المرقاز العادي
اتمنى نكون افدتكم وتعجبكم لان هذه الطريقة خونتها من عند ابني عبد الرحمان لانو يخدم مع جزار

kamili1 · 2017-09-09, 00:56

جزاك الله خيرا

أم فاطمه · 2017-09-10, 11:42

السلام عليكي اختي كمليابهجني دخولك تحياتي

nihal159 · 2017-09-10, 12:01

بارك الله فيك على المعلومات القيمة؛ إن شاء الله نجرب المرقاز تاع الدوارة لأني عمري ماذقتو؛ شكرا و دمتي متألقة.

*توبــــة* · 2017-09-10, 12:46

شكرا حبيبتي على كل معلومة تقدميهالنا وكل وصفة من قلبك
ربي يجعلها في ميزان حسناتك يااارب

zokhrofa · 2017-09-10, 14:00

اه يعطيك الف عافية

حبيتي تقوليلي بلي المرقاز تاع الجزار هو عبارة عن دوارة طايبة و مرحية و ماشي لحم ؟

أم فاطمه · 2017-09-10, 19:18

السلام عليكي اختي زخرفة عاش منشافك حبيبتي المرقاز كاين زوج انواع كاين العادي لي يجي بالحم الحمر وكاين تاع الدوارة يجي لونه ابيض وينباع اغلى من الاخر في تلمسان الجزارين يخدموه ويجي بنين وحار رني حطتلكم الطريقة بي التفصيل اتمنى تعجبك وتجربيها تحياتي

أم فاطمه · 2017-09-10, 19:23

السلام عليكم اخواتي نهال وتوبةاسعدني مروركم وتعليقكم الجميلل ولكم مثل مادعوتم لي تحياتي

zokhrofa · 2017-09-10, 21:04

الله لا يغيبك اختي لعزيزة صراحة يعطيك الصحة على الاسرار هاذي و الله ما كنت نعرفها

علابالك راهي عندي دوارة من بعد نجربها بنفس التوابل معليش بدون مصارن هههه المهم نذوق البنة