مافهمتش عليه

[مشكلتي]

مرحبا بيكم

هدا واحد خوها لي صاحبتي حايب يتزوج بيا بصح الوضع المادري نتاعو مايسمحش عندو عامين من لي عرفني

وهوما يقولولي صابريه حتى يفرج ربي

ياجماعة ادا باغيني على الاقل يخلي كلمة ؟ ولا انا غالطة

صبرت عليه المهم ماتقدملي حتى واحد في هديك الفتره

دوكا راني كبرت حكيت مع ختو قوتلها مارانيش رايحة نستناه

كي سمعت يماه وسمع هوا تكسرت الدنيا وبكاوات وهداير زايدة


مافهمتش ادا راهم حايبين يخطبوني واش مانعهم ؟

والله مافهمت حاجة


راسي داخ

[سَامِيَة]

واش موقف داركم من هاذ الحكاية كامل ياخي علابالهم. ....ولا الهدرة كانت معاك نتي برك ؟

[محمد ايوب طيب]

[quote=مشكلتي;3996710578]مرحبا بيكم

هدا واحد خوها لي صاحبتي حايب يتزوج بيا بصح الوضع المادري نتاعو مايسمحش عندو عامين من لي عرفني

السلام عليكم ورحمة الله وبركاته
لم افهم ما نوع هده المعرفة ؟
يجب التوضيح أكتر هل تكلمت معه في الزواج ام لا

[ايمان4]

اذا انت عاجبك و باغياته صح مش نتزوج برك اصبري اذا راها كامل العائلة باغياتك و اذا انت اصلا ميعجبكش غير هاكك برك و جاك لي يوالمك راها المحبة مشي بسبف تقدري تشوفي حياتك مع اخر
هذا في حالة ما وعدتيهش بالزواحج و ما عطيتيه حتى امل

[الطيب الجزائري34]

الرسميات الاخت.

[kacimo.samy]

هدرتك صحيحة إلا حاب يتزوج بيك
يجي يحط الكلمة على اقل والرزق على ربي

[sarl02]

هذا استخفاف بك وبكرامتك وكرامة عائلتك...واضح من كلامك ان عائلته وحيه وولايته كلهم على علم بعلاقتكم الا اهلك انت...ما هذا اللعب والتبهليل ...انت معلقة بحبال واهية لانه ليس فيه رسميات...ما المانع من ان تاتي امه واخته التي هي صديقتك على الاق في زيارة عائلية ويحكو عليك؟؟لم افهم ذالك صراحة ام وصل استغباء ينات الناس لهاته الدرجة ..لكنك انت وصلتي روحك ورخستي بيها فتحملي النتائج.

[زبدة ذايبة]

الثقة في الوثيقة

هذا كامل تمسخير وهدرة ماعندها حتى معنى

غدوة يصيب وحدة صغيرة عليك

يجو مواليه يقولولك كنا ناوين وماكتبش المكتوب الله غالب

ماتتمسخريش بروحك

وخل الرجال هما اللي يهدروا مع الرجال

هذا الزواج تاع الشوارع والخطبة تاع الشوارع والفيسبوك ماتجيب حتى نتيجة

[خالد عنابي]

" هدا واحد خوها لي صاحبتي حايب يتزوج بيا "

بففففففففففففففففففففف

ما تعرفيش تقولي صاحبتي عندها خوها حاب يتزوج بيا ولا خو صاحبتي حاب يتزوج بيا ؟

ما تدوخونااااااااااااااااش

اما المفيد فالرسميات وما يربطكش بالهدرة الفارغة

[رندة.]

ربي يفرج عليك ويسهلك ان شاء الله، بصح راكي تقولي عامين وانتي تستناي بلا فائدة.
كيما قالولك لازم الرجال هوما الي يهدروا واذا قضية ماديات يجو يبينوا الموقف تاعهم والرزق على ربي سبحانه.
المهم الامور تكون واضحة برك انهم باغيينك ومتمسكين بيك.

[رندة.]

ربي يفرج عليك ويسهلك ان شاء الله، بصح راكي تقولي عامين وانتي تستناي بلا فائدة.
كيما قالولك لازم الرجال هوما الي يهدروا واذا قضية ماديات يجو يبينوا الموقف تاعهم والرزق على ربي سبحانه.
المهم الامور تكون واضحة برك انهم باغيينك ومتمسكين بيك.