لي رب لن ينساني

[7anine 87]

ربي يفرج عليك اختى ويديلك حق من هدا الظالم المتجبر ربي كبير وحتى هو يجيه نهار

[ام مهدي2010]

اختي نقولك بكل صراحة هدا ماشي راجل و هادو ماشي فاميليا ماذكرتي عليه حتى حاجة مليحة اختي ادا ماعندكش دراري طلقيه وروحي عيشي حياتك الحمد لله راكي بخدمتك و حاجة ما تخصك يتمناك الف واحد.............. و الله قلبي وجعني ان شاء الله نقدر نرقد لانو هاذ النوع من المشاكل ياثر في نفسيتي بزاااااااااااااف

[kaout]

نوصيك اختي المراة سلاحها الخدمة وخاصة انه عندك بنت ربي يحفظها
والراجل عمره مايتبدل الا اذا هداه ربي وافقي على كلش الا خدمتك ماتلعبيش بروحك راهي مستقبل بنتك
انا نقلك حاولي تصبري وان شاء الله سحابة وتفوت وترجعي لدارك
ادعي ربي في اخر ساعة قبل الفجر واكيد راح يستجيب لك
الحاجة الوحيدة لي ربي ماقالش فيها قل
قال ادعوني استجب لكم
حسبي الله ونعم الوكيل وماتخافي من حتى حاجة تفكري ديما اسم الله "الولي" راح تحسي بالحماية و الامان وربي ديما معاك ان شاء الله

[بيان 5]

بارك الله فيكم
لا ماعنديش اولاد راني غير حامل
ربي هو القادر عليه

[بيان 5]

المشاركة الأصلية كتبت بواسطة mounaminou

ya okhti rabi yferraj 3lik rani chafya 3lik ki konti twejdi l 3arssek .......bessa7 raki khawaftini ana khatibi man3arfouch mli7 ....tichi goulili kifeh ndir beh ne3ref 3aklito wellah wlad le7lal wellaw nakssin w grib yweliw introuvable

والله يا اختي مانكدبش عليك انا زوجت تقليدي ومانعرفش للرجال عمري ماخالط
هو وقت الخطبة كان يقول زي وبعدها ظهر كلشي كدب في كدب مانكدبش عليك انا من الدار للخدمة مانخرجش وحتى لعراس مانروحش ومانحكيش بزاف

[mounaminou]

المشاركة الأصلية كتبت بواسطة بيان 5

والله يا اختي مانكدبش عليك انا زوجت تقليدي ومانعرفش للرجال عمري ماخالط
هو وقت الخطبة كان يقول زي وبعدها ظهر كلشي كدب في كدب مانكدبش عليك انا من الدار للخدمة مانخرجش وحتى لعراس مانروحش ومانحكيش بزاف

madamek b nytek matkhafich ya khti ...nchalleh rabi yferraj 3lik

nssit massekssitekch esk saliti istikhara fi fetrat el khoutouba wella non ???????

[بيان 5]

اكيد صليتها
مي صرات ظروف مرض ابي رحمه الله وتم كل شيء بشكل غريب بعدها توفى ابي

[لينا الجنة]

السلام عليكم اختي بيان تشفى عليك وقت كنت تجهزي و فارحة و زاهية

المهم يا حبيبتي كان الله في عونك و حسبك هو وحده عليه توكلي وفقط و الحمد لله ان لك عائلة تقف الى جانبك و تدعمك فكثير من

العائلات الجزائرية ترفض طلاق بناتها و لوعلى حسابهن المهم السمعة و الشرف ,,,,, الخ

واش نقلك انت باينة مرا و فحلة درقازة و هو الخاسر عاجلا ام اجلا غبي يفرط فيك و في شبيهاتك ا يكون عير هو الخاسر و النادم في الاخير

يا ختي اللي طامع فيك و دراهمك غير فكك منو و تاكدي ان هذا بلاء ة اخره ثواب من رب العالمين

و كما كتبت غي عنوانك لك رب لن ينساك و ما ابتلاك الا ليزيدك اجرا

كان الله في عونك كرري دائما حسبي الله ونعم الوكيل

الله ياجرك في مصيبتك

دعواتي لك

[أم محمد ريان]

سلام اللي عندو واحدة في عائلتها مطلقة تعاوني ربي يخليكم
https://www.djelfa.info/vb/showthread...post3991645008

[بيان 5]

بارك الله فيكم جميعا
ان شاء الله كل ايامكم سعادة يارب

[محمد جديدي التبسي]

المشاركة الأصلية كتبت بواسطة kaout

نوصيك اختي المراة سلاحها الخدمة وخاصة انه عندك بنت ربي يحفظها
والراجل عمره مايتبدل الا اذا هداه ربي وافقي على كلش الا خدمتك ماتلعبيش بروحك راهي مستقبل بنتك

المراة سلاحها الخدمة تبا لهكذا كلام نفعتكم الخدمة الله يهديكم كلام يوجع القلب!!
العاملة في الغالب يديها غير واحد طماع ولا ما عندوش كرامة وغيرة ربي يهديكم
ربي يصبرك أختي لازلت أتذكر دخولك لقسم الماجستير تاريخ وموضوعك يؤكد حسن خلقك وطيبتك التي استغلها هذا الذكر ولا أقول رجل .. ربي يصبرك ويعوضك بما هو خير في دينك ودنياك

[شاوية حرة 05]

سلام اختي ربي يفرج همك في القريب اختي كثري الدعاء والاستغفار اختي اقراي هذا الدعا ء لا اله الا انت سبحانك اني كن من الظالمين واطلب ربي يهدي

[Majrouha]

Rabi m3ak okhti rani hassa bik sah,rabi yfaraj karbak W ysahalek amrak Ya rabi

[نسيم الإيمان]

حسبنا الله و نعم الوكيل
والله نتفكرك اختي من قسم العرائس
لا حول ولا قوة الا بالله
انسان طماع باه مانقولش كثر
ماخممش بلي عندو ولدو ولا بنتو جايين للدنيا و قلبو ماحنش
ربي يجيبلك الخير و يصبرك و يفرج عليك ان شاء الله

[wafaa22]

rabi tfarej 3lic hanouna