موضوع مميز الجزء الثالث من وصفات حراير واش طيبتي اليوم - الصفحة 68 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

الجزء الثالث من وصفات حراير واش طيبتي اليوم

إضافة رد
 
أدوات الموضوع انواع عرض الموضوع
قديم 2017-06-11, 17:19   رقم المشاركة : 1006
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

سلطة لفت سخونة امنية غفران

قطعي اللفت الى قطع صغيرة و اسلقيه في ماء مملح

و قومي بشواء سنينات ثوم كيما نشوو الفلفل

كي يطيب اللفت صفيه و خليه يقطر

في كسرونة فوق النار ضعي من اثنين الى ثلاث ملاعق زيت الزيتون و ادا ما حبيتيهش ديري زيت عادي و ضيفي ملعقة كبيرة عصير ليمون و زيدي شوي ملح ما تنسايش

بلي راكي طيبتي اللفت في الملح و زيدي شوية كمون و شوي فلفل اسود و زيدي ضيفي ليهم معدنوس و قصبر حشيش مقطعين رقيق و ضيفي الثوم المشوي و من بعد نضيف

اللفت و نخلط مليح حتى تندمج المكونات مع اللفت اتركيه مدة من سبعة حتى عشرة دقائق و نحيه من فوق النار

حقا ادا حبيتي تجيك شوية حارة ضيفي ليها فلفل احمر حار

و بصحتك احلى سلطة لفت ممكن تذوقيها.









 


رد مع اقتباس
قديم 2017-06-11, 17:31   رقم المشاركة : 1007
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

أجنحة الدجاج في اكياس الشواء امنية غفران

وضعت اجنحة الدجاج في اكياس الشواء تبلتهم ملح ما كثرتش على جال الصلصة ما تجيش مالحة فلفل اسود كمون كركم مغيرفة طماطم مصبرة مغيرفة صغيرة موطارد فصوص ثوم مقطعة شرائح و حبة بصل صغيرة مسكرفجة و ملعقتين كبار زيت وو ريقات رند و زدت قيس فنجان قهوة ماء غلقت الكيس و الى الفرن

و من بعد كي طابو حطيتهم في مول الفرن و شعلت من فوق باش يتحمرو مليح و الصلصة خليتها بجيه باش نقدمهم مع الاجنحة ما نحكيلكمش على البنة اممممممم












رد مع اقتباس
قديم 2017-06-11, 17:34   رقم المشاركة : 1008
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

كريات البطاطا بصلصة او كريمة السلق امنية غفران

سلقي حبيبات البطاطا المقطعة في ماء مملح و ضيفي وريقة رند و طحنيهم و تبلي البطاطا و عمليها كويرات و في كل كويرة ديري شوية جبن طري و ستفيهم في مول الفرن

الكريمة

في مقلى حطي شوي زيت و ضيفي حبة بصل صغيرة مسكرفجة وقليها مليح و ضيفي السلق الي فورتيه من قبل و ضيفي ثوم و شوي ملح وقلي مليح و ضيفي البهارات من كركم و فلفل اسود و شوي كمون و ضيفي زوج مغارف فرينة و خلطي مليح و ابداي تضيفي في الحليب حتى تثقال الصوص طفي النار و ضيفي جبن طري و خلطي مليح حتى يذوب و من بعد ضيفي هاد الصلصة الى حبيبات البطاطا و دخليها للفرن دقائق و شعلي من فوق تاخد تحميرة خفيفة و هنايا ادا حبيتي ضيفي جبن شيدار مبشورة

و بصحتكم أخواتي












رد مع اقتباس
قديم 2017-06-11, 17:38   رقم المشاركة : 1009
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

جلبانة بالبطاطا المشوكة في الفرن ام وليد











رد مع اقتباس
قديم 2017-06-11, 17:44   رقم المشاركة : 1010
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

اللحم باللفت merry_mora




_










رد مع اقتباس
قديم 2017-07-05, 13:08   رقم المشاركة : 1011
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

لكيش kouka a


عملت 250غ فرينة ومعها 100غ زبدة وثï»»ث مغارف كبار زيت وصفار بيضة وملح وتلمي بلماء بارد تجيك ï»»بات تهبل ولحشوة كيما تحبي انا حشيتم لحم وفرماج جاو يشهو ممممممممممم .











رد مع اقتباس
قديم 2017-07-05, 13:36   رقم المشاركة : 1012
معلومات العضو
fleur de lili
عضو فعّال
 
إحصائية العضو










افتراضي

اأهلا odrn0.طولتي الغيبة
صح عيدك ولو متأخر










رد مع اقتباس
قديم 2017-07-07, 11:54   رقم المشاركة : 1013
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

بطاطا سوفلييه امنية غفران

شوفو نعطيكم مقادير نتاع 3 غامكا و هنايا من الاحسن قديمها فردية و انتوما ضاعفو المقادير على حساب افراد عائلتكم الكريمة

المقادير

زوج حبات بيض
زوج حبات بطاطا متوسطة
زوج ملاعق كبار زبدة
جبن ابيض المتوفرعندك سواء مثلثات ولا شاف ولا باربار
6 ملاعق كبار حليب سائل
شوية ثوم مرابيي
شوية فلفل اسود و شوية عكري (فلفل احمر ماشي حار)
شوية شابليير
جبن شيدار مبشور ممكن تستغناي عنه

معدنوس مقطع رقيق

الطريقة

اول حاجة نوصيك كي تسخني الفرن زيدي سخني صينية الفرن هاديك الي نطيبو فيها الحلوى خليها تسخن حتى وقت الي نحضرو الوصفة

سلقي البطاطا في ماء مملح فيه وريقة رند و من بعد قومي بهرسها مليح و من بعد قومي بفصل صفار البيض عن البياض و ضيفي هاداك الصفار الى البطاطا و ضيفي الجبن و الثوم و فلفل اسود و شوية ملح و و المعدنوس و خلطي الكل
و من جهة سخني ستة ملاعق حليب مع اضافة هادوك زوج مغيرفات زبدة كي تشوفيها ذابت خليها تبرد شوية و ضيفي هاد الحليب الى البطاطا و خلطي مليح

و من جهة اخرى اخفقي بياض البيض حتى يولي شغل ميرانغ و هنايا ضيفي الميرانغ غي بالعقل لخليط البطاطا حتى تندمج كل المكونات مع بعض

و تكوني ادهنتي لي غامكا بالزبدة و رشيتي شابليير في الاسفل و في الجولنب

ضيفي الخليط مالازمش تعمريهم كامل خاطرش رايحة تنتفخ مثل الكيكة و ضيفي جبن شيدار ادا موجود و ضيفي رشات خفيفة من العكري فوق الخليط

و ضعي لي غامكا فوق هاديك الصينية الي كتني مخليتها تسخن كيما قلت لك و دخليهم للفرن من ربع ساعة حتى العشرين دقيقة كي تشوفيها تنفخت شعلي الفرن من فوق و خليها تدي تحميرة شابة

و بصحتكم احلى بطاطا سوفلييه خفيفة و بنينة















__________________










رد مع اقتباس
قديم 2017-07-07, 12:01   رقم المشاركة : 1014
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

خبز zokhrofa


انا مدتهولي ماري و شفتو من ام وليد ما انا الا مطبقة لطريقة ههههه
كاس حليب + ملح + حبة بيض + 1 ملعقة كبيرة سكر + نصف كيس خميرة الحلويات + ملعقة كبيرة خميرة الخبز زيد ربع كاس زيت خلطيهم حتى يتجانسو مليح

من بعد زيدي الفرينة حتى تولي عجينة تاع الخبز

احكمي ادلكيها رجعيها متجانسة

خليها ترتاح 15 دقيقة

ولي ليها و عاودي اعركيها شوية 2 دقائق بيرك شكلي مستطيل كبير و قطعيه على 2 من بعد هاذوك قطعيهم على 2 و هكذا حتى تتحصلي اضن تجيك 8 كرات انا درت اكثر صغرت الكرات باش تجيني الخبزة صغيرة

من بعد حلي الكرة بالحلال ساعدي روحك بالفرينة من التحت لكن من الفوق ما ديريش الفرينة فالعجينة ديري برك فالحلال اذا يلصق

من بعد هاذيك الخبزة المحلولة احكمي روليها و من بعد اغلقيها بصباعتيك ملييييييييح باش ما تتفتحش الرولو و في سنيوة الفرن لي راكي مغطياتو بورق الطهي او بالفرينة حطي الرولو على الجهة لي قرصتيها باش اكيد ما ينفتحش

و هكذا كملي الكرات كامل

من بعد احكمي ديري البيض فوقهم

انا رشيتهم بزريعة البسباس ولات ريحتو شااااااااااابة ما نعرف الذوق ديالكم تحبي جلجلان تحبي سانوج او زريعة الكتان او حبة الحلاوة هاذو كامل يجي الخبز بنين بيهم

و من بعد خليهم يخمرو حتى يتضاعف الحجم

في هذاك الوقت لي راهم يخمرو سخني الكوشة

و من بعد حطيه يطيب لكن تكوني نقستي كامل للفرن

كي تتحصلي على اللون لي في الصورة ديالي خرجيه

و خليه يبرد

و البصحة











رد مع اقتباس
قديم 2017-07-07, 12:17   رقم المشاركة : 1015
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

وصفات مصورة حياة نور الدين
















__________________










رد مع اقتباس
قديم 2017-07-08, 15:55   رقم المشاركة : 1016
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

الكريمة المحروقة crème brûlée امنية غفران

انا طيبتها بلا شاليمو شعلت الفرن من فوق او و ليت عاستها حتى شفتها تحرقت كيما حابة الطريقة شفتها في فتافيت فيها خليط من الحليب و الكريمة الطازجة






الطريقة الكلاسيكية شفتها في فتافيت
ندير نصف كاس سكر عادي مع 4 صفار بيض ونخلطهم مليح مليح ثم نضيف ملعقة صغيرة فانيلا ونخلط و في نفس الوقت نضيف كاس حليب تدريجيا مع الخلط في نفس الوقت و نضيف كاس كريمة طازجة مع الاستمرار في الخلط وم نبعد نحط الخليط في لي غامكا فوق حمام مائي ودخليهم للفرن مدة نصف ساعة او اكثر شوي و من بعد كي يطببو ما تخافيش كي تشوفي الكريمة تهتز في الغامكا راهي من بعد تحكم روحها مليح كي تبرد دردري السكر و هادا سرها اممممممممممممم و كيما حبيتي تستعملي الشاليمو و لا دخليها للفرن مشعول من فوق حتى تشوفي كريمتك تحرقت كيما تحبي

و من بعد خليها تبرد شوية و دخليها للثلاجة تقعد على الاقل اربع ساعات

ملاحظة ادا حبيتي نقصي شوية سكر نتاع المكونات الي تحبها تكون ناقصة حلاوة

و بصحتكم احلى كريمة

تحياتي












رد مع اقتباس
قديم 2017-07-08, 16:35   رقم المشاركة : 1017
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

قرنونة crono


تع زمان ههه لذيذة ورائعة

المقادير
· العجينة:
· نصف لتر من خليط الزيت + مارغرين مذابة
· ربع لتر من الحليب
· 20غ من السكر
· كيس فنيلا
· فرينة
· عسل
· كمشة من الجلجلان المحمص
· العقدة:
· كيلو من التمر المطحون
نقسم هذه العجينة الى كرات ذات حجم البرتقالة.
. نبسط كل كرة على حدة بالحلال بسمك 1مم تقريبا.
و نأخذ منها قطعة عرضها 15سم و نضع الغرس على الجانب العرضي ثم تدار على نفسها 3 مرات حتى نحصل على شكل حربوش.
. نقطع الجهة العلوية للحربوش بواسطة مقص على أن يكون البعد بين القصة و الأخرى حوالي 1سم ثم ندور الحربوش برفق لنحصل على شكل دائري ندخل الحلوة في الفرن بعد وضعها في صينية غير مدهونة مدة 15 الى 20 د تقريبا و ننزعها عند أخذها للون الذهبي.
. نغطسها في العسل و تزين في الجلجلان المحمص نتمنى ان تجربيها و تنال اعجابكي و شهية طيبة










رد مع اقتباس
قديم 2017-07-08, 16:56   رقم المشاركة : 1018
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

غريبية بالزبيب و مزوقة باللوز ايفيلي انا هي رزيقة

بنينة جدا و ساهلة كيما يحب الخاطر ....... هي وصفة مغربية من اليوتوب فيها 125 غ زبدة و 2 صفار بيض و كاس زيت و كاس سكر و 75 غ زبيب مقطع و فانيلا و نصف باكي خمارة و فرينة طبعا و تشكلي كرات صغار و تفوتيهم في بياض البيض ثم اللوز ايفيلي او كاوكاو ايفلي .










رد مع اقتباس
قديم 2017-07-08, 16:59   رقم المشاركة : 1019
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

البوتي فور انا هي رزيقة

500 غ مرغارين طرية و 4 بياض بيض و 175 غ سكر غلاصي و 650 غ فرينة و رشة ملح و فانيلا .. الشرط فيه هو انك تخدمي مليح السكر مع المرغارين بالباتور حتى تتحصلي على كريمة خفيفة ثم زيدي بياض البيض ثم باقي المكونات ..ثم شكلي البوتي فور .














رد مع اقتباس
قديم 2017-07-12, 12:53   رقم المشاركة : 1020
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

الكورنيات crono




500غ فرينة +حبتين من البيض+كأس شاي سكر نستعمل كأس الشاي من النوع الصغير

+كأس شاي زبدة ذائبة و باردة لا تكون ساخنة +كأس شاي زيت +كأس شاي جلجلان غير محمصة

+فانيليا و نعجنها بماء الزهر حطي عجينة داخل كيس لمدة ساعة او اكثر انا وجتها على 11صباح حتى 4 مساء بديت نحل فيها
منبعد كي تحليها مليح وقطعي اشرطة و نلف على الكورني خسارة حبيت نحطلك صور باش تفهميني بصح علابالي راكي قافزة مشاء الله عليك
اثناء القلي افرغي الزيت فوغ الكورنيات
الحشو كالتالي
كمية من الكاوكاو المحمص و المفروم خشنا + نصف كمية من الجلجلان المحمص

نسخن العسل و نفرغه عليه و نخلط و نحشي الكورنيات

احشي الكورنيات مين تخلطي الكاوكاو و الجلجلان بالعسل الساخن

ملاحضة الكورنيات خليهم حتى يبردو و عسليهم و ممبعد احشيهم .










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:10

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc