اريد رايكم

[مشكلتي]

انا فتاة عمري 24 مهنتي جمركية كانت لدي علاقة جد ممتازة مع خالاتي لكن بعد ما ارتبطت و درت الفاتحة الاسبوع لي فات مع شخص هو تاني جمركي قطعو علاقتهم معايا نهائيا بحجة اني معرضتهمش لما درت الفاتحة مع العلم اني ماعرضت حتى واحد
عندهم الحق كي زعفو

[ibtihal18]

احنا في عاداتنا ما نعرضو ما تديرو والو نهار الفاتحة ............و زيد مادام ما عرضتي حتى واحد علاش تلومي روحك انتي ما درتي والو غالط كل واحد و مقدرورو.................والله عقلية النسا صعيبة بزاف
مبروك عليك اختي ربي يهنيك

[kika85]

خليك منهم يعياو زعفانين ويجوزهم الحال ياك ما قلتي لحتى واحد....روحي ليهم واهدري معاهم عادي وخليهم في حسابهم...كيما ديري ما تسلكي...

[aymen01]

عندهم الحق

علاقة جد ممتازه و ماعرضتيهمش الوغ غاضهم الحال راهم خالاتك مشي برانيين

[عمر منير]

اذا لم تقومي بدعوة اي احد فلا تقلقي لغضبهم و حاولي افهامهم هذا و اخبريهم بانكي سترضيهم في العرس ان شاء الله حاولي معهم رغم جفائهم نتمنى لكي و لهم حياة سعيدة بالتوفيق

[❀ مَـلاَكُ الأوُرْكيِـدِ ❀]

mabrok 3lik

[FATIHA131]

حاولي ترضيهم هادو مين يبغوكك بزاف زعفو كانو يتمناو تعرضيهم حسنيلهم عونهم
وربي يسخرلك

[abdellah36]

و هل انت راضية على مهنتك ,,,,,,,,,,,,,بلاد العجايب

[مناد بوفلجة]

السلام عليكم

و لو أن الأمر لا يستدعي إستدعائهم
لكنهم لمعزتك الكبيرة عندهم ، عبروا عن غضبهم بسبب عدم إستدعائهم

نعم عندهم الحق يزعفوا ، في حالة واحدة ، إن كانوا يحبونك كثيرا

لهذا حاولي إرضائهم بإقامة حفل صغير أو مأدبة عشاء أو غذاء يشمل الأقارب و أهل الخطيب ، بمناسبة إتمام الخطبة

و ربي يوفق

[زهرة الحديقة]

اختي انا ايضا قريبة من خالاتي كثيرا لدرجة يوم زفافي معرضتهمش هو يجو بدون عرضة .لهدا اختي انتي ماكيش غالطة بصح غاضتهم منك من اجل تليين القلوب روحي واهدري معاهم وفهميهم بوسي خالاتك وعانقيهم و لا شتى ماكيش غالطة دلليهم واعتدري منهم يعني تغالضي عليهم وهدوا لي يقولوك لا ماشي غالطة واش عندك فيهم اكيد علاقتهم ماهيش مرتبطة وتربحي دعوة خير نتمنى تعملي بنصيحة لانها لدوام المحبة وصفاء القلوب والللللللف مبروك:d

[wafae]

المشاركة الأصلية كتبت بواسطة abdellah36

و هل انت راضية على مهنتك ,,,,,,,,,,,,,بلاد العجايب

و علاه مترضاش بمهنتها هل حرام الله يهديك و اصلا راجلها راضي بمهنتها الناس تاكل الحرام متهدروش معاهم رانا بنات فاميلية و دخلنا الجمارك بمستوى دراسي عالي بمعنى اطارات دولة و والدينا راضيين و مفتخرين بينا و واش دخلك انت
بالزيادة الغيرة تهدر

[الجواهر]

اذا كانت العلاقة معاهم مليحة علاه ماعرضتيهمش ؟ مادام خدامة و الحمد لله كنت تقدري ديري عشاء سامبل تشري دجاجتين مع شخشوخة و كازوز و تشبعي فرحة مع خالاتك بلاما يزعفوا عليك او انك بخيلة
انا في رايي غالطة و لازم تصلحي الغلطة معهن

[wafae]

المشاركة الأصلية كتبت بواسطة مشكلتي

انا فتاة عمري 24 مهنتي جمركية كانت لدي علاقة جد ممتازة مع خالاتي لكن بعد ما ارتبطت و درت الفاتحة الاسبوع لي فات مع شخص هو تاني جمركي قطعو علاقتهم معايا نهائيا بحجة اني معرضتهمش لما درت الفاتحة مع العلم اني ماعرضت حتى واحد
عندهم الحق كي زعفو

الناس كيما ديريلهم يهدرو مادام نعرضتي حتى واحد علاه يلوموك بالزيادة هادا ماهوش عرس وربي يهنيك

[خالد عنابي2]

ماعليهش اعرضيهم فالعرس وخلاص

ملاحظة :

من اهم اسباب الفرج ورفع الغم للجمارك هو التوقف عن سرقة الطرود والجمركة التعسفية واخذ الرشاوي .

[أنور]

المشاركة الأصلية كتبت بواسطة خالد عنابي2

ملاحظة :

من اهم اسباب الفرج ورفع الغم للجمارك هو التوقف عن سرقة الطرود والجمركة التعسفية واخذ الرشاوي .

ملاحظة في محلها اتمنى ان تصل الى المعنيين بالأمر