شكون لي كرا من اصحاب المنتدى

[سهيلة21]

السلام عليكم صراحة كنت في البداية متحمسة للكراء في جيجل وفرحت كي لقيت عروض للكراء لكن خوفوني ناس قالولي كيفاش تامني في ناس متعرفيهمش سيرتو حنا من الغرب منعرف ولا واحد في جيجل علابالي حنا قاع خاوة الله غالب شكون لي كرا من اصحاب المنتدى وللقا واش قالو صح سمحولي مراني نجرح حتى في واحد

[karime amrs]

اختي في الله
تجي وحدك بلا ما تعرفي صعيبة كثير مع الانتهازين يسرقوك نورمال
مستعد انساعدك انت و العايلة الكريمة و مرحبا بيك
نصيحتي ليك لوجه الله
ماكان والو هنا غير الفوضى و الغلاء و حركة مرور كبيرة
غلاء في السكن و المطاعم و الفنادق محجوزة و غالية كثير
روحي لتونس 10 ايام خير تربحي اموالك
و الى حبيتي تزوري جيجل ممكن تجي في سبتمبر او اكتوبر السخانة مازال في الاوقات هذي و تلقاي راحتك ان شاء الله ...اما الايام هذو و حتى نهاية شهر اوت فلا انصحك بذلك
نصحتك و انت وواش يخرج عليك
و الله على ما اقول شهيد

[جهيد منور]

المشاركة الأصلية كتبت بواسطة سهيلة21

السلام عليكم صراحة كنت في البداية متحمسة للكراء في جيجل وفرحت كي لقيت عروض للكراء لكن خوفوني ناس قالولي كيفاش تامني في ناس متعرفيهمش سيرتو حنا من الغرب منعرف ولا واحد في جيجل علابالي حنا قاع خاوة الله غالب شكون لي كرا من اصحاب المنتدى وللقا واش قالو صح سمحولي مراني نجرح حتى في واحد

أختي في الله أقسملك بالله باللي لي قولت أنا في هذا المنتدى كل صحيح ماشي باش نكريلك ولكن باش تعرفي أن هناك اختلاف بين فئات المجتمع فمرتادو هذا المنتدى أناس مثقفون وماشكيتش يخدعوك والله أعلم

[سهيلة21]

المشاركة الأصلية كتبت بواسطة karime amrs

اختي في الله
تجي وحدك بلا ما تعرفي صعيبة كثير مع الانتهازين يسرقوك نورمال
مستعد انساعدك انت و العايلة الكريمة و مرحبا بيك
نصيحتي ليك لوجه الله
ماكان والو هنا غير الفوضى و الغلاء و حركة مرور كبيرة
غلاء في السكن و المطاعم و الفنادق محجوزة و غالية كثير
روحي لتونس 10 ايام خير تربحي اموالك
و الى حبيتي تزوري جيجل ممكن تجي في سبتمبر او اكتوبر السخانة مازال في الاوقات هذي و تلقاي راحتك ان شاء الله ...اما الايام هذو و حتى نهاية شهر اوت فلا انصحك بذلك
نصحتك و انت وواش يخرج عليك
و الله على ما اقول شهيد

شكرا اخي الله يحفضك سسبتمبر ندخلو نخدمو

[سامو نور]

نصيحة لصاحب أو صاحبة الموضوع :
- جيجل عروس الشرق الجزائري
- أجمل الشواطئ بجيجل .
- جيجل تجمع السياحة الشاطئية بالسياحة الجبلية
- أجمل المعلم السياحية الكهوف العجيبة + شواطئ بني بلعيد الهواوية + عين المشاكي بسلمى بن زيادة + الحيدقة بأندرو ....
أختاه أو أخي المتحدث و أعود بالله من كلمة أنا زرت كل الولايات السياحية ما عدا تزي وزو التي سأزور أزفون بحول الله هده الأيام لم أجد أجمل من جيجل و لا أقول هدا الكلام لأنني من الولاية و لكن مما عشته و مما سمعت .
فلا تفوتي زيارتها أما قضية الغلاء في الكراء فحسب الشخص الدي تقصده و الناس معادن .... أما الاكتظاظ فمن لم يعش بالعاصمة يتحدث عنه ....
مرحبا بك بجيجل و أتمنى لك زيارتها و بعد دلك أكتبي لنا موضوع عنوانه يوميات عائد من جيجل . سلام .

[سهيلة21]

المشاركة الأصلية كتبت بواسطة جهيد منور

أختي في الله أقسملك بالله باللي لي قولت أنا في هذا المنتدى كل صحيح ماشي باش نكريلك ولكن باش تعرفي أن هناك اختلاف بين فئات المجتمع فمرتادو هذا المنتدى أناس مثقفون وماشكيتش يخدعوك والله أعلم

صحيت خويا المشكل راني حامل مرانيش قادرة على التمرميد وزيد الفكرة فكرتي نخاف لوكان ننغبنو الراجل يندم عليا

[سهيلة21]

المشاركة الأصلية كتبت بواسطة سامو نور

نصيحة لصاحب أو صاحبة الموضوع :
- جيجل عروس الشرق الجزائري
- أجمل الشواطئ بجيجل .
- جيجل تجمع السياحة الشاطئية بالسياحة الجبلية
- أجمل المعلم السياحية الكهوف العجيبة + شواطئ بني بلعيد الهواوية + عين المشاكي بسلمى بن زيادة + الحيدقة بأندرو ....
أختاه أو أخي المتحدث و أعود بالله من كلمة أنا زرت كل الولايات السياحية ما عدا تزي وزو التي سأزور أزفون بحول الله هده الأيام لم أجد أجمل من جيجل و لا أقول هدا الكلام لأنني من الولاية و لكن مما عشته و مما سمعت .
فلا تفوتي زيارتها أما قضية الغلاء في الكراء فحسب الشخص الدي تقصده و الناس معادن .... أما الاكتظاظ فمن لم يعش بالعاصمة يتحدث عنه ....
مرحبا بك بجيجل و أتمنى لك زيارتها و بعد دلك أكتبي لنا موضوع عنوانه يوميات عائد من جيجل . سلام .

ان شاء الله

[ikhlasse25]

اختي الفاضلة ، أنا ايضا من الغرب الجزائري وقد زرت ولاية جيجل أنا وعائلتي سبتمبر الماضي وقد اتصلت بالأخ الرحالة المغامر من المنتدى من أجل كراء بيته وهو بنفس المواصفات التي يضعها للبيت وحي هادئ ، وقد قضينا فيها أيام لا تنسى.

اتكلي على ربي وادعيه يلاقيك مع الناس الملاح.

[karime amrs]

انا ايضا قلت للاخت الكريمة من الغرب الجزائري ممكن تلقى راحتها في شهر سبتمبر
لكن قالت انها تخدم
الله غالب كل واحد و ظروفو

[yacine1921]

سيكون أسوء إختيار في حياتك ...جيجل في هذه الفترة جهنم على كل المستويات -_-.... غيري الوجهة

[samar smar]

ياأختي راني كريت لزوج عائلات من المنتدى وحدة رجعت لدارها على خير والثانية راهي تقضي في عطلتها بخير ان شاء الله واني متمنية من الأخت السطايفية اللي كانت مستأجرة في الشقة تتدخل وتقول رايها بصراحة وراني نحييها بالمناسبة ونقولها تعطاك الصحة كما لقيت البيت خليتيه وكنت متمنية نتعرف عليها ولكن ظروفي كانت شوية معقدة ولكن لا يهم المهم أختي مانقدر نقول والو خاصة أنك تقولي بلي راك حامل ربي يكملك ان شاء الله ننصحك بحاجة وحدة اذا كانت عندك سيارة اختاري الأماكن البعيدة نوعا ما عن عاصمة الولاية بشرط تكون قريبة لاحد الشواطئ لأنها في الغالب تكون هادئة وآمنة حتى الأسعار فيها تكون عادية على سبيل الذكر لا الحصر منطقة بلغيموز الجمعة بني حبيبي وكما قالك الأخ الناس معادن

[karime amrs]

قلنا شحال الاسعار وواش فيها البيوت
ما تهدرش بالعموميات
ماراناش نهدرو على الشواطىء لي ما عندنا ما انقولو عليها
اهدر على الخدمات و سلوك الانتهازيين السراقين
قول شحال الاسعار تاع البيوت لي اقلها 6000دج و لما تقولو علاش اخي يقولك ادي و لا خلي
اهدر الصح و اتقي الله
حاجة ما ادوم

[سهيلة21]

شكرا على الردود ولي فيه الخير ربي يجيبه

[حضنية28]

السلام عليكم
ولاية جيجل ما شاء الله عليها
لكن من ناحية المرافق في الشواطئ
ناقصة شوي

[htmdima]

المشاركة الأصلية كتبت بواسطة حضنية28

السلام عليكم
ولاية جيجل ما شاء الله عليها
لكن من ناحية المرافق في الشواطئ
ناقصة شوي

هذا صحيح اخي