مشكلتي حماتي

[مشكلتي]

السلام عليكم ورحمة الله وبركاته

اخواتي عندي مشكلة ونتمنى من العضوات والاعضاء ينصحوني ويعتبروني اخت ليهم نتمنى رودود من القلب

مرانيش عارفة كيفاش نبدا حكايتي اني مزوجة عندي 8 اشهر وحامل في الشهر الرابع سوفريت انا وزوجي باش تزوجنا لانو كان عاطل عن العمل بعد الخطبة بعام حكم خدمة وقعدنا 3 سنوات باش تزوجنا ساعفتو في كل شيء 3 سنين مخطوبة ولا مرة طالبت بعيد او مصروف كيما يديرو لبنات نتاع ضرك كنت نقولو الدراهم لي راح تصرفهم عليا خليهم نديرو بيهم العرس لكن للاسف الدورو لي نرفضو انا تديه والدته فاتت 3 سنين وهو ماهوش واجد وكل ما نحاولو نديرو حاجة تقولو لالا ماشي ضركا مزال الحال ياك خطبتيها خليها تستنى انا في عمري 31 وهو 35 قولولي يرحم باباكم واش نزيد نستنى المهم طولت لحكاية قلقو دارنا قالولهم ادا مديروش العرس كل واحد يروح في حالو اصلا احنا مشرطنا والو عليكم باش نستناو هاد الكل راجلي مسكين مخلا وين يروح باش يسلف دراهم لقى روحو معندو حتى دورو الشيء لي كان لامو كامل راح قالولو ضرك نعاونك كي وصل لصح جبدو بيه المهم وصل العرس يماه جاية ومشنفة حبت ديرلي مشكل نهار الحنة مي دارنا معطولهاش لوكازيون تزوجنا من اول ليلة دخلت فيها لعندها وهيا تقلق فيا بالهدرة وبحكم اني منهدرش بزاف نبقى غير نخزر معاها منردلها والو بعد الزواج بشهر رفدت بالحمل ومن الضغوطات رميت بعدها زدت رفدت مرة اخرى والطبيبة قالتلي لازمك الراحة ماهيش مليحة عليك القلقة سورتو في الشهور الاولى قررت اني نتهلى في روحي ومنسمعش لحتى هدرة باسكو بقالي الشوك نتاع الاجهاض نتاع اول مرة حبت ديرلي مشكل مع راجلي كل مرة طيشلو هدرة وهو الحق معايا ميسمع لحتى واحد يقولي اصبري راح يفرج ربي مرة من المرات ناضت الصباح بهدلتني طيحلي في الهدرة هاد الكل على خاطر مدايرة الربو منقدرش نوقف بزاف بحكم الحمل تهدرلي في العيب العيب لكبير لي يهدروه لبرا ايا سمعها راجلي قالها عيب عليك مدارتلك والو وانتي تعايبي فيها ناضت عايباتو هو تاني قالي اخرجي متزيديش تقعدي دقيقة هنا خرجنا مع المغرب روحت لدار اختى بحكم انو بيت اهلى في ولاية خلاف لغدوة من داك جاني راجلي رجعنا لدار قالي ارفدي قشك نديك لدار والديك قوتلو لالا منروحش قالي تروحي حتى نلقى حل ضرك راني في دارنا عندي شهر عيطلي قالي نجي نديك قوتلو لالا الدار لي تهنت فيها منزيدش نرجع ليها لوكان جيت ظالمة نرجع مي انا مريضة ومرفدتنيش ومقدرتش واش صرالي المرة الاولى حابتني نزيد نجهض وهيا علبالها بلي الطبيبة قالتلي لازمك الربو لوكان جات بنتها راهي متهلية فيها مي انا قولولي يا خاوتي اسكو انا غالطة ويصلح نرجع نعيش مع هاد المرة لي تهدر العيب والعيب لكبير

[rose de sable s]

سلام عليكم
انا عازية لا استطيع نصحك او ان اضع نفسي مكانك
مقولك وكلي امرك لله كاين بزاف لي يسفرو مع عجيزهم لكن صبر حاولي تتفاهمي مع راجلك علي حل ول ابقي في داركم حتي يترحي و زيدي شوفي مع طبيبة
واستخير الله ربي يفرج عليك

[الداعي الى الحق]

وأنتي لو كان يماك لتهدر العيب راح تزعفي منها هكذا
فالحقيقة ليصسر بين ناس هو سوء تفاهم أنتي مراكيش مظلومة كيما يحسبلك
المشكل أنه حتى واحد مايدير روحه في بلاصة اﻷخر
هاذي مرا كبيرة حاجة اﻷولى لازم تحترميها لسنها حتى لو كان مكنتش حماتك
والحاجة ثانية تحترميها لأنها أم زوجك
ومالزمش تشكي لرجلك على ياماه وتعمريله راسه لأنه هكذا يولي يشوف يماه ماشي مليحة وظالمة دايما
لأنه رجال معظمهم أبرياء في عالم النساء
وحاولي أنك تتفهمي هاذي المرا أولا هي تعبت كيما راكي تتعبي أنتيا في حملك أو أكتر لأن بكري مكنش طبيب ويحملو ويزيدوا فدار يسفريو كثر منكم ومايشكيوش
تعبت حتى ولدت ولدها لهو زوجك وتعبت فتربيته كي كان صغير وكبرته وفالاخر تجي مرا غريبة وتديه منها وزيد تعمرله راسه يماك درتلي هكذا وهكذا
لازم تعرفي أن العجوزة أو الحماة تشوف عروستها منافسة لها في إبنها
وللأسف هذا مالم تستطيع زوجة أن تفهمه أو لا تريد أن تفهمه .
ونصيحتي ليكي مهما حكن لك لا تزعلي منها حاولي تتقربي منها وتبيني لها بأنك ماخذتيش ولدها منها وهكذا راح تشوفي كيفاش راح تربيحها فصفاك
ﻷن الكبير كيما طفل صغير.
وماتقوليش عجوزتي ماشي مليحة ﻷن لو سألنا عروسة يماك أو عروستها المستقبلية إذ معندهاش درك راح تقولي ان يماك ثاني ماشي مليحة
وديري في بالك حتى يماك أنتي لتشوفيها ملاك كاين ليشوفها عكس ذلك
وهذا الكلام ليس موجه لكي فقط بل لكل البنات
ومتتنسيش راح يجي الوقت عليك وتولي عجوزة وعروستك راح تديرلك نفس شي
كما تدين تدان والله عز وجل أحسن منتقم

[ام ريتاج الجزائرية]

المشاركة الأصلية كتبت بواسطة الداعي الى الحق

وأنتي لو كان يماك لتهدر العيب راح تزعفي منها هكذا
فالحقيقة ليصسر بين ناس هو سوء تفاهم أنتي مراكيش مظلومة كيما يحسبلك
المشكل أنه حتى واحد مايدير روحه في بلاصة اﻷخر
هاذي مرا كبيرة حاجة اﻷولى لازم تحترميها لسنها حتى لو كان مكنتش حماتك
والحاجة ثانية تحترميها لأنها أم زوجك
ومالزمش تشكي لرجلك على ياماه وتعمريله راسه لأنه هكذا يولي يشوف يماه ماشي مليحة وظالمة دايما
لأنه رجال معظمهم أبرياء في عالم النساء
وحاولي أنك تتفهمي هاذي المرا أولا هي تعبت كيما راكي تتعبي أنتيا في حملك أو أكتر لأن بكري مكنش طبيب ويحملو ويزيدوا فدار يسفريو كثر منكم ومايشكيوش
تعبت حتى ولدت ولدها لهو زوجك وتعبت فتربيته كي كان صغير وكبرته وفالاخر تجي مرا غريبة وتديه منها وزيد تعمرله راسه يماك درتلي هكذا وهكذا
لازم تعرفي أن العجوزة أو الحماة تشوف عروستها منافسة لها في إبنها
وللأسف هذا مالم تستطيع زوجة أن تفهمه أو لا تريد أن تفهمه .
ونصيحتي ليكي مهما حكن لك لا تزعلي منها حاولي تتقربي منها وتبيني لها بأنك ماخذتيش ولدها منها وهكذا راح تشوفي كيفاش راح تربيحها فصفاك
ﻷن الكبير كيما طفل صغير.
وماتقوليش عجوزتي ماشي مليحة ﻷن لو سألنا عروسة يماك أو عروستها المستقبلية إذ معندهاش درك راح تقولي ان يماك ثاني ماشي مليحة
وديري في بالك حتى يماك أنتي لتشوفيها ملاك كاين ليشوفها عكس ذلك
وهذا الكلام ليس موجه لكي فقط بل لكل البنات
ومتتنسيش راح يجي الوقت عليك وتولي عجوزة وعروستك راح تديرلك نفس شي
كما تدين تدان والله عز وجل أحسن منتقم

السلام عليكم اخي عذرا على تدخلي وبحكم انني مررت بتجربة اكثر صعوبة من الاخت اولا الحماة نوعين اللي تخاف ربي واللي جاهلة وكن متأكد ان الزوجة ليس من الدين والشرع ما يجبرها على تحمل ظلم اهل الزوج عليها بطاعة وخدمة زوجها وان كانت تريد الاعتناء باهل الرجل فبرضاها ومحض ارادتها انا لما عشت في دار عجوزتي دخلت بالنية درتها بلاصت الوالدة انتاعي رجليها نغسلهملها عادي هكذا رباونا والدينا بصح يااخي كانوا يتعاملو معايا كالعبيد وكاني انسان من الدرجة الثانية حملت شغل الدار قلت نورمال كلي راني نخدم على والديا وكنت نخدم على اللي فالدار وحتى المزوجين يجو نهار كامل وانا اللي نقوم بيهم وبولادهم وهم عائلة كبيرة حتى حسيت نفسي كبرت ب 10 سنين والحاجة اللي كانت تقيسني اكثر الهدرة يا اخي نهار كامل غير لكلام لقبيح والنميمة وكلشي نديرو دير عليه تعليق سلبي الغرفة انتاعي ممنوع ندخلها فالنهار يعني ملي نخرج منها عالسادسة مانوليش ندخلها حتى الليل حتى حجابي مانحيهش نهار كامل لانه كل الابناء المتزوجين واللي مش متزوجين فهمتهم يماهم بلي كاين خدامة تخدم عليهم اذن يخلو نساهم ويجو عند اختك هي اللي تقوم بيهم ويمكن تقولي وين راه راجلي انا راجلي مانحكيلوش والوالدة انتاعو ماتديرش خدايمها كي يكون فالدار كنت مانحكيلوش علاجال نحس بيه مش مرتاح في هداك الوضع ومانحبش تكون حاجة مع يماه وخلي وخلي كانت تعاير حتى والديا رغم انهم عمرهم ادا شافوها كنت كي ندخل لكاش بلاصة يكونو متجمعين هي وبناتها وولادها نلقاهم يقطعو فيا والله والله والله كنت دايرتهم كي عائلتي بصح الصبر له حدود وانا ماكنتش حابة يحكمني كاش مرض مالضغط اللي عيشوني فيه اخي عجوزة كي تكون ماتخافش ربي ماكان حتى حل معاها اذن قررت نبدل معاملتي وندافع على نفسي ومانخلي حتى واحد يظلمني كنت دايرة حاجة في راسي المهم انا مانظلمهومش وحتى زوجي مع الوقت لاحظ سوء المعاملة انتاعهم ولا هو يقولي اخدمي الشغل اللي تقدريلو واطلعي لشمبرتك وماتسمعيش واش يقولو الله يهدينا اخي ونزيدلك حاجة عندنا عرايس والله يما تقولنا انتو بناتي وهوما بناتي والحاجة اللي تقيسهم تقيسني وهوما والله يحمدو ربي كي طيحهم مع عجوزة كيما الوالدة انتاعي وعذرا على الاطالة اخي

[ام ريتاج الجزائرية]

المشاركة الأصلية كتبت بواسطة مشكلتي

السلام عليكم ورحمة الله وبركاته

اخواتي عندي مشكلة ونتمنى من العضوات والاعضاء ينصحوني ويعتبروني اخت ليهم نتمنى رودود من القلب

مرانيش عارفة كيفاش نبدا حكايتي اني مزوجة عندي 8 اشهر وحامل في الشهر الرابع سوفريت انا وزوجي باش تزوجنا لانو كان عاطل عن العمل بعد الخطبة بعام حكم خدمة وقعدنا 3 سنوات باش تزوجنا ساعفتو في كل شيء 3 سنين مخطوبة ولا مرة طالبت بعيد او مصروف كيما يديرو لبنات نتاع ضرك كنت نقولو الدراهم لي راح تصرفهم عليا خليهم نديرو بيهم العرس لكن للاسف الدورو لي نرفضو انا تديه والدته فاتت 3 سنين وهو ماهوش واجد وكل ما نحاولو نديرو حاجة تقولو لالا ماشي ضركا مزال الحال ياك خطبتيها خليها تستنى انا في عمري 31 وهو 35 قولولي يرحم باباكم واش نزيد نستنى المهم طولت لحكاية قلقو دارنا قالولهم ادا مديروش العرس كل واحد يروح في حالو اصلا احنا مشرطنا والو عليكم باش نستناو هاد الكل راجلي مسكين مخلا وين يروح باش يسلف دراهم لقى روحو معندو حتى دورو الشيء لي كان لامو كامل راح قالولو ضرك نعاونك كي وصل لصح جبدو بيه المهم وصل العرس يماه جاية ومشنفة حبت ديرلي مشكل نهار الحنة مي دارنا معطولهاش لوكازيون تزوجنا من اول ليلة دخلت فيها لعندها وهيا تقلق فيا بالهدرة وبحكم اني منهدرش بزاف نبقى غير نخزر معاها منردلها والو بعد الزواج بشهر رفدت بالحمل ومن الضغوطات رميت بعدها زدت رفدت مرة اخرى والطبيبة قالتلي لازمك الراحة ماهيش مليحة عليك القلقة سورتو في الشهور الاولى قررت اني نتهلى في روحي ومنسمعش لحتى هدرة باسكو بقالي الشوك نتاع الاجهاض نتاع اول مرة حبت ديرلي مشكل مع راجلي كل مرة طيشلو هدرة وهو الحق معايا ميسمع لحتى واحد يقولي اصبري راح يفرج ربي مرة من المرات ناضت الصباح بهدلتني طيحلي في الهدرة هاد الكل على خاطر مدايرة الربو منقدرش نوقف بزاف بحكم الحمل تهدرلي في العيب العيب لكبير لي يهدروه لبرا ايا سمعها راجلي قالها عيب عليك مدارتلك والو وانتي تعايبي فيها ناضت عايباتو هو تاني قالي اخرجي متزيديش تقعدي دقيقة هنا خرجنا مع المغرب روحت لدار اختى بحكم انو بيت اهلى في ولاية خلاف لغدوة من داك جاني راجلي رجعنا لدار قالي ارفدي قشك نديك لدار والديك قوتلو لالا منروحش قالي تروحي حتى نلقى حل ضرك راني في دارنا عندي شهر عيطلي قالي نجي نديك قوتلو لالا الدار لي تهنت فيها منزيدش نرجع ليها لوكان جيت ظالمة نرجع مي انا مريضة ومرفدتنيش ومقدرتش واش صرالي المرة الاولى حابتني نزيد نجهض وهيا علبالها بلي الطبيبة قالتلي لازمك الربو لوكان جات بنتها راهي متهلية فيها مي انا قولولي يا خاوتي اسكو انا غالطة ويصلح نرجع نعيش مع هاد المرة لي تهدر العيب والعيب لكبير

اختي السلام عليكم ادا راكي شايفة بلي تقدري تصبري روحي لعند راجلك وادا كان الرجوع انتاعك يشكل خطر عليك وعلى الجنين اهدري مع راجلك واقنعيه يخليك في داركم حتى يلقى حل وعجوزتك ربي يهديها والله يفرج عليك عاجلا غير اجل

[bibicha]

ربي يغرج عليك يا ختي و يفتح عليك يا رب

[مؤمنة بالله]

عذرا ولكن
من اهم عيوب المرا كي تتزوج انها تتكبر
على اهل زوجها
هذا هو سبب المشكل
لو كان يحسو اهل الزوج انو العروسة فعلا تبحث عن مصلحتهم
لما اذوها بشيئ
كما تدين تدان
انت اليوم تشتكين حماتك وغذا ستشتكيك زوجة ابنك
هذه هي الدنيا
عايشين في نفس السيناريو ونشكيو
والمشكل اننا لم نبحث ابدا عن السبب
ارجعي لدار راجلك يا اختي وغيري اسلوبك
اجبديهم ليك ، اكسبيهم
انساي انهم اهل زوجك
( انساي الفكرة السوداوية اللي علموهالنا من الصغر انو الحماة شريرة و و و.......)
هذا واش نقدر نقولك
وفقك الله وأزال عنك همك

[بستان الورود]

مهما كان هيا امو ومهما تقولك جاوبيها ربي يهديك وحاولي تكسبيها هيا تسبك معليش انتي طيبي حاجة مليحة واديهالها واضحكي معاها وقوليلها هاذي علاجالك يا ما ولا اشريلها حاجة بسيطة طرف كتان ولا ريحة واديهالها وقوليلها نحبك يا يما وديما هكا هيا تسبك وانتي لازم تكون معاملتك حسنة معاها وابتاسميلها وديما قوليلها كلام مليح ليشتة انتي قلبك معمر وباذن الله راح ديرك خيرمن بنتها

[hano.jimi]

ارجعي لدار رجلك وديري كوزنتك وحدك ربي يفرج عليك

[sunshine2013]

السﻻم عليكم
ربي يفرج أختي
أكيد لو كان ماكيش مظلومة ما تجي لهنا و تكتبي و الله كاين ناس ربي يهديهم بعض العجايز يحبو لبناتهم الراحة و لبنات الناس الشقا و ديجا عيب عليها مرا كبيرة و تقول كﻻم فاضح على حساب واش قلتي
انتي المهم صحتك و صحة البيبي و راجلك
و لخرين طنشي برك مافيهم حتى فايدة

[الراغبة فى رضا الرحمن‎]

ربي يقدرك ويحميك مايقدروش رجال يحسوا بيك كيما يحسوا بيك نسا والله صعيبا ربي يقدرك وإحهاض مش ساهل
ربي يهدي المومنين ويصلح لحوال
ولم شملكم إن شاء الله أدعي ربي وصلي صلاة الإستخارة

[NIGHTINGALE]

الإنسان الفاحش صعب التعامل معه
فهو لا يخضع للقيم الأخلاقية والدينية
يعني في الغالب لا ينفع معه الوعظ والنصح
ولكن على الرغم من ذلك لكل إنسان نقطة ضعف يمكن التأثير عليه من خلالها
لذلك حاولي أن تفهمي شخصيتها وتحللي طريقتها في التعامل مع الناس
فقد تتفطنين لأمور تعينك على التعايش معها

[القائدة]

انا لم اقرأ موضوعك طويل وانا لا صبر لدي
و انما استوقفتني كلمة حماتي فدخلت لاقول ان الحماة شر مستطير و بث ��

[غير هام]

السلام عليكم

عليك بالصبر والدعاء ما تعيبيهاش وان شاء الله ربي يغير احوال عجوزتك ويهديها

[بنت الحاج 19]

ندعي لك ربي يفرج عليك همك..
للاسف انت كان في بالك رفضها و رحتي ليها برجليك لانه ما كامش حل آخر
بكل بساطة لن تتركك في حالك
نصيحة ادفعي بالتي هي احسن حتى فوق قلبك و تجنبيها و تجنبي الدخول في نقاش معها
كما يقولو ناس بكري"بوسي يدها و ادعيلها بالكسر"
بالنسبة لحملك اطلبي من زوجك يخليك تزيدي ايام تفوتي مرحلة الوحم لانها صعيبة نفسيا و جسديا و تفوتي ايضا مرحلة الخطر
و لكن لازم ترجعي لزوجك لانه لا حول له و لا قوة و خمي فيه هو ثان راه يتعذب من هذا الوضع
للاسف المشاكل بين الكنة و العجوز لا تنتهي الا بخراب البيوت ما توصليش روحك لخسارة زوجك