رجاء ... شكون تعرف طيب القهوة ؟؟؟ - الصفحة 3

حياتي نبع امل · 2014-09-16, 19:26

الحمد لله اللي لقيتى الطريقة وحتى انا استفدت معاك خاطر راجلي يموت عليها
ربي يبارك فيها الاخت اللي فادتنا

nawel zed · 2014-09-16, 20:57

الحمد الله كي لقيتي الحل جيت نجربها ذرك لبابا فاتتني الطلعة الاولى هههههههههه المرةالجاية كون زيدتي صورتيلنا كيفاه جاتك

ام مهدي2010 · 2014-09-16, 21:27

اختي شخصيا لم اجد افضل من قهوة اروما ذوقها رائع رائع

سماح 26 · 2014-09-17, 17:41

تعلمنا من طرحك للموضوع ياسهام القهوة نتاع برا وشكرا ليك ياأم ظافر
أما أنا في التارمو نتاع القهوة نحط شوية نسكافيه ونفرغ عليه القهوة وتجي بنينة ولازم تكون ثقيلة شوية
جربي هاذي وكل مرة ديريلو نوع وطعم مختلف
موفقة

sabrinejuriste · 2014-09-23, 15:27

rabiiiiiiiiiiiiiiiiiii m3ak

نهلةن · 2014-09-26, 10:45

السلام عليكم شوفي اختي كي تحطي البراس تاعك فوق النار حلي المغلاق تاعها واستناي تطلع اول ما تبدا تخرج القهوة صبيها في كاس وحطي فيها مغرف سكر واخدميها بالزرب اخرع باقصى سرعة كيما نخلطو البيض راهي دير رغوه بيضا وكي تكمال تطلع باقي القهوة في البراس صبي عليها عادي راهي الرغوة تطلع الفوق ودجي كيما الكابتشينو وراهي طريقة مجربة ومضمونة جربي ورديلي بالخبر

catia · 2014-09-26, 13:38

ياختي علاه تقلقي روحك الرجال كلهم ايحبو قهوة البرا راهي ثقيلة بزاف هذا ماكان ثقليها كيما القطران اذا عجباتو راح ايهبلك كل دقيقة ايقولك طيبيلي وتولي تقولي واش اداني المهم ربي ايهنيكفي حيتك مع زوجك

mimimouni · 2014-09-26, 21:42

اختي العزيزة انا قهوجية خاصة مع ام ياسين .وناكدلك انو طريقة ام ظافر مجربة وهايلة ديرلك الرغوة
ربي يسهلك

صوفيا 77 · 2014-09-26, 22:10

^حبيبتى قهوة البرا راها البن سبيسيال وكاين معلومة بلى البن دايرلنها مادة مسرطنة والله اعلم اشرى براس قهوة و قسحيهالوا تكون كما نتاع براااااا مممممممممم شهيتينى فى فنجان قهوة معى لحباب ان شاء الله نتلقاوى في ساعة الخير

om kamilia · 2014-09-27, 16:03

سهام كيفاش راكي وليتي قهواجية رب يعاونك

ADEL19 · 2014-09-27, 16:21

شوفي باه جي فيها الرغوة القهوة الاولى لي تطلع من لبراس نحيها بمغرفة وديريها في فنجال مع السكر وحركي مليح بقاع المغرفة ثم اضيفي باقي القهوة عادي راهي تجيك معمرة بالرغوة

* دموع الشوق * · 2014-09-27, 21:50

شكرا لصاحبة السؤال و صاحبة الجواب
أنا راجلي المهم يسموها قهوة بغات خفيفة و لا ثقيلة
لكن رايح نجربله هاذي بحول الله
أنا ما نحبش القهوة لكن شهيتوني نجربها مياااام مييااام

koki2 · 2014-09-28, 01:01

سلام شوفي ختي عليك وعلى البراس انا ندير البراس وعمريها وحطيها فوق النار ناقصة على الاخر ومبعد جيبي الكاس ول الفنجال لييشرب فيه راجلك وديري فيه مغرف ول زوج على حسابو سكر واستناي غير القطرة الاولى ليتخرج من القهوة نقولك الاولى استنايها قطرة يعني قطرة الاولى سربيها فوق هداك سكر وردي لبراس تخرج قهوة واحكمي هداككاس وحركي مليح مليح هداك سكر وقطرة القهوة خبطيهم بالمغرف مليح مليح ومبعد زيديلو قهوة تتكون عندك هديك الرغوة البيضاء جربيها انا راجلي هو يديرها كوني متاكدة تخرجلك رغوة عن تجربة بصح لازم قطرة الاولى

~~mina coool~~ · 2014-09-28, 05:52

بارك الله فيكم

rima1979 · 2014-10-07, 13:18

سلام طريقة ام ظافر صحيحة انا علمهالي خاوتي في العسكر هما يعملوها هكا كي ميقدروش يتحصلوا على قهوة برا والله جي هايلة وفيها الرغوة كيما يحب الخاطر