أطيـــب قلب اللوز و بدون لبن او زيت ... بالتفصيل من مطبخي

Esprit f · 2016-01-30, 12:29

سلام الله عليكم احبابي في الله
اتمنى ان تكونوا في صحة وعافية
اليوم حبيت نقدملكم قلب اللوز اللذيــــــــــــــــــــذ على طريقتي
واللي انا اعتمده دوووووما منذ عامين وذوقه كيما نتاع بررااا وأأحــــــــــــــسن
يبقى غير تجربوه وتردولنا الخبر ومتأكدة انو يعجبكــــم
صراحة جربت من قبل وصفات لقلب الوز لكن في الذوق هذا أطيـــــب وأشهى وأبن
رووووعه روووعـــــــــــــــــــــــه
نبدأ على بركة الله أحبتي

اولا تحتاجي توجدي الشاربات وقت من قبل متلا بالليل والصباح تطيبي قلب اللوز وتستعمليها
الشاربات عبارة عن
900 مل ماء (يعني قريب لتر )
مع 400 غ سكر قريب نصف الكيلو
حطيهم مع بعض في كاسرونة وحطيهم على النار
عندما يبدأ في الغليان نقصي شوي واحسبي 20 دقيقة وطفي عليها
ثم مبااااشرة ضيفي ثلاثة كؤوس شاي من ماء الزهر وغطيها

نروحو للكاوكاو
حمصيه وارحيه بالحجم اللي حبيتيه أنا نفضلو خشين ششششوي

نروحو الآن لقلب اللـــــــــــــــــوووز

الكيلة المستعملة هي كأس الشاي

عشر كؤوس دقيق خشن او كيما البعض يقولولها دشيشة

ستة كؤوس سكر عادي

خلطيهم معا بعض

ثم عقبيهم على الروبو لغاية ما السكر يترحى مليح غير قولي ماتفوتيش الدقيقة في الروبو وتعرفيه عندما يطلع الغبرة نتاعو كيما في الصورة (ديري بالشوي او اقسمي الكمية على اثنين)

نحيه من الروبو لقصعة العمل وضيفي 2 فاني وخلطي

ضيفي 2 كيسان شاي ونصف ماء الزهر تقدري توصلي حتى للثلاثة فقط وممكن أقل على حسب الدقيق اللي عندك
ضيفي بالكأس وشوفي والخليط لازم يكون مفشش يعني ما يجيكش عجين تقدري تقولي كيما البربوشة

هنا اقسمي الخليط على زوج
نصف ضيفيلو كمية من الكاوكاو المرحي والاخر خليه عادي

أدهني المول بالسمن وابداي ضيفي الخليط اللي فيه الكاوكاو أولا ثم الخليط الثاني بدون كاوكاو من فوق

سوي السطح بظهر المغيرفة كيما في الصورة لكـــــــــــــــن من دووووون الضغط

هنا ممكن تلقاي منطقة عالية قليلا عاودي بعثريها كما في الصورة وسويها

وجدي السمن قدامك

اقسمي قلب اللوز كما تحبين

ضعي فوق قطع قلب اللوز قطع صغييييييييييرة من السمن كيما في الصورة وحبة لوز أو كاوكاو

هنا تكوني سخنتي الفرن نتاعك من قبل
ضعي قلب اللوز في الفرن مباشرة في الجهة تحت العلوية على نار قوية مدة ثلاث دقايق
ومن بعد نقصي النار للنصف او اقل بقليل و خليه يطب في راحتو
هنا كل وحدة والفرن نتاعها المهم انو يأخذ تقريبا من 20 الـــى 25 دقيقة في الفرن

هنا كي تجبديه وتشوفي الجوانب حمارو مليح طفي من تحت وهبطيه للجهة السفلية وشعلي عليه من فوق يتحمر

هادا هوا بعد ما تحممممممممر يمممـــــــــي ي ي ي

شربيه مباشرة وهوا سخون بشاربات باردة او دافية وليست ساخنة

ثم رديه للفرن طـــــــاااافي

وغطيه وخليه حوالي الساعة

هنا بعد ساعة وبعد ما تشررررب مممممممم

أنا كي نحطوا في الثلاجة نفظل اني نغطيع بالبابي فيلم تفاديا لروائح الثلاجة

خليه بعد ما يرتاح عاودي اقسميه باش ما يفزدش شكلو

قد ما يطول ويرتاح قد ما يجيك بنيــــــــــــــــــــن

ملاحظة :

أنا هنا درتو خشين شوي اذا تحبوه رقيق نوعا ما كبروا في البلاطو

هااااااا لفحلاااات واش تقولوا فيها ؟؟ صدقوني بنتوووو لااا تقاوم كيما نتاع برااا وأححححســــــــــــن وعلى الأقل نظيف ومضمون

نحب ردوووودكم بزااااااف فهي تشجعني لتقديم المزيد هيا لفحلات وريولي ردوووووودكم ههههه
لا تنسوني أحبتي من صالح دعائكن ولكن بالمثل وأكثر

ام ايمان16 · 2016-01-30, 12:40

كي نجربو ونذوقو نجي نرد عليك ههههههههههه
كون قطعتي حبة وصورتيهالنا مليح عن قرب مممممممممممممم
يعطيك الصحة

Esprit f · 2016-01-30, 13:05

اقتباس:

المشاركة الأصلية كتبت بواسطة ام ايمان16

كي نجربو ونذوقو نجي نرد عليك ههههههههههه
كون قطعتي حبة وصورتيهالنا مليح عن قرب مممممممممممممم
يعطيك الصحة

والله اختي اديتو معايا كي رحت زيااااارة هههههه:d
شككككرا على مرووورك الطيب يا لحبيبة

أ م ساجد وسيم · 2016-01-30, 13:21

يعطيك الصحة ختي يبان يشهي

ام عائض · 2016-01-30, 14:41

ام هدول · 2016-01-30, 14:49

بارك الله فيك يستحق التجريب

oum 3abdou · 2016-01-30, 15:01

يعطيك الصحة اختي هايل ماشاء الله

ذات النورين · 2016-01-30, 15:09

مساء النور
يا اختي راني غير كيما درتو وخرجلي كاااااارثة زعما اديت الوصفة من المنتدى ومانعرف
نشوف مع وصفتك بالاك تخرجلي مليحة وندعيلك حبيبتي شكرا لك

kamili1 · 2016-01-30, 15:15

يعطيك الصحة اختي

Esprit f · 2016-01-30, 16:14

اقتباس:

المشاركة الأصلية كتبت بواسطة ذات النورين

مساء النور
يا اختي راني غير كيما درتو وخرجلي كاااااارثة زعما اديت الوصفة من المنتدى ومانعرف
نشوف مع وصفتك بالاك تخرجلي مليحة وندعيلك حبيبتي شكرا لك

اختي جربي هاذا ورديلي بالخبر راكي ا تشبعيهش
فقط تقيدي بالوصفة اختي بالتدقييييق خاصة في ماء الزهر فوق الدقيق ما تفوتيش تلاث كيسان شاي وديري بلععععقل مش تفرغيهم ديراكت لانو على حسب الدقيق اللي راح تديريه ممكن يستهلك اقل من ثلاث كيسان هادي النققققققطة المهمة هنا
جربي اختي على ضمانتي وما تنساااااينيـــــش توريلي

Esprit f · 2016-01-30, 16:16

اقتباس:

المشاركة الأصلية كتبت بواسطة أ م ساجد وسيم

يعطيك الصحة ختي يبان يشهي

تعيشي ي ي ي حنووونة ربي يحفظك

Esprit f · 2016-01-30, 16:17

اقتباس:

المشاركة الأصلية كتبت بواسطة ام هدول

بارك الله فيك يستحق التجريب

غيييير جربيه ام هدوووولة وما تندميش
بعثت لسلفتي منو جاااااتني تجري تبغي الوصفة ههههههه:d:d

Esprit f · 2016-01-30, 16:18

اقتباس:

المشاركة الأصلية كتبت بواسطة oum 3abdou

يعطيك الصحة اختي هايل ماشاء الله

بارك الله فيك على مرورك الطيب ربي يسعدك

Esprit f · 2016-01-30, 16:21

اقتباس:

المشاركة الأصلية كتبت بواسطة ام عائض

وفيك بارك الله ياااا قلبي

&ام ايوب& · 2016-01-30, 16:43

الوصفة قيد التجريب ....يعطيك الصحة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري