مشكلة دراسية

[مشكلتي]

السلام عليكم ورحمة الله وبركاته
أنا مقبلة على شهادة البكالوريا وطامحة الى التفوق
لكم مشكلتي اني لا اهتم بالفصول اطلاقا
فمثلا في هذين الفصلين 1 و2 لا أجيب على التمارين باهتمام ، انما باللامبالاة
وحتى وان عرفت الاجابة فلا اتعمق فيها واكتفي بالسطحية فقط
وحتى رغم علمي أن الاجابة خاطئة لا أصصحها فحسبي-لاتهم نتيجة الفصول-
ولا أحضر للامتحان كما كنت في السابق -يعني العام الماضي-
وانا خاائفة جدا من أن أبقى اسير بمنطقي هذا حتى البكالوريا فتضيع احلامي وتهوي-لا قدر الله-
---سمعت عن كثير ممن كانوا متفوقين ويتحصلون على علامات عالية في الفصول لكن في الباك لم يوفقوا حقا وعلاماتهم كانت وسطا ...والعكس----
فهل انا مخطئة؟..ام ان نتائج الفصول حقا لا تهم وما يهمنا نحن هو البكالوريا فقط؟..ما الحل يا جماعة؟ انصحوني

[زبدة ذايبة]

من يزرع الشوك يجني الجراح

هذ التصرفات اللي راكي تتصرفيها كامل الآن

رايحة تجني ثمارها في شهر جوان

وش زعمة رايحة تتبدلي

اليوم ماتصححيش الأخطاء وغدوة زعمة تولي المرأة الخارقة

تجيبي الباك بامتياز وتنجحي

وتفرى الأمور تاعك كيما تحبي

نعطيك مثال

تحبي تروحي لداركم لما تخرجي من الثانوية

أي طريق تاخذيها للدار

أكيد الطريق اللي تعرفيها توصل

لكن :

تقدري ترجعي لداركم من تندوف أو من إليزي

ماعليش مايهمش وش من طريق تاخذيها

المهم انت عارفة أن الطريق اللي راكي تمشي فيها هي طريق تندوف

لكن مع هذا تكملي على خاطر دايرة في بالك تعرفي الطريق تاع داركم

وبالتالي ياعزيزتي المعرفة ماتكفيش حتى توصلي لهدفك

التطبيق والواقع هو اللي يقرر إذا كنت تمشي في الطريق الصحيح

وهذيك لحكاية تاع ناس كانو ممتازين وخسرو الباك

هذيك غير انسايها

لأن هناك عوامل نفسية تخليهم يخسروا

لاعلاقة لها بالمستوى الدراسي

الطريقة اللي راكي تقراي بيها غالطة

أمشي صح توصلي

وحتى أنت بينك بين نفسك راكي متأكدة أنك غالطة

ردي بالك من هذ التصرفات اللي راكي ديري فيها

لأنها تدل على أنك مستهترة

وتدل على أن الرسوب وشيك بالنسبة لك

الفصول تاع السنة تكون درجاتك ضعيفة

وزعمة الباك تجيبيه ؟؟؟؟؟؟

لو كنت على خطى الامتياز ممكن

لكن أنت متأكدة أنك بعيدة على هذ الشيء

وتصرفاتك تدل على أنك بالكاد تجيبي 10 المعدل


التعثر في البداية يؤدي إلى الرسوب في النهاية

نتمنالك التوفيق

واحزمي أمورك وماتبقايش تشوفي في روحك تهوي وتمشي بخطوات ثابتة نحو الرسوب

[nihal159]

أكثر شي يخليك تنجحي فالباك هي إحترام ورقة الإجابة؛ يعني أوّلا الجديّة؛ أخطيك من الإستهتار و تعاملي بجدية مع ورقة الإمتحان.

الإجابة لازم تكون واضحة و غير مبهمة و تحتوي على الكلمات المفتاحية les mots clé( خاصة في مادة العلوم)؛ الأستاذ المصحح مش حاب يقرا تعابير إنشائية و إنما يبحث عن كلمات علمية تصيب كبد الجواب باش يحس و يفهم أنّك فهمتي السؤال مليح و عطيتيه الإجابة لي يحوّس عليها.

الإستهتار خلاها على بزاف تلاميذ؛ مازال الوقت أمامك؛ للتحضير الجيّد؛ أرمي عليك الإستهتار و تحلي بالجدية و الإرادة؛ راجعي دروسك مليح و كثفي من التمارين

كوليهم ماكلة كما كان يقوللنا أستاذ الرياضيات و ربي يوفقك إن شاء الله.

[سيرين راجي]

الصح فالباك بصح لازم تتدربي من ضرك على الاجابة لازم كل تمرين تجي تحلي فيه تتخيلي لنوا طرحوهلك فالباك وتكمليه للاخير وتعطي نقطة لنفسك وتصححي اخطاءك باه ما توقعيش فيها فالباك الله يوفقك

[ابو سليمان10]

انا ايضا كنت هكذا...لان طبيعتي هكذا لا اتعب نفسي على اشياء لا قيمة لها...و طبعا حصلت على البكالوريا و الحمد لله

[hazard11]

السلام عليكم ورحمة الله وبركاته
جددي اهدافك وطموحاتك وضعي هدف امام عيناك وهو التميز



وكما قال ابو الطيب الشابي

وَمَنْ يتهيب صُعُودَ الجِبَـالِ يَعِشْ أبَدَ الدََهرِ بَيْنَ الحُفرْ

[هـــدوء]

بش نتفاهمو راهي الإجابة على الإمتحان مش كرم و لا تنازل منك راهي واجب عليك.
ورقة الإجابة مش نتيجة عملك وحدك راهي نتيجة عمل أستاذ يدرسك
لما نتي تكوني عارفة إجابة و تجاوبي خطأ
هذا راح يأثر على الأستاذ لي ممكن بذل مجهودو في الحصة
و في الأخير يشوف إجابات لاعلاقة لا لشيء سوى لأنو الطالب مستهين بالامتحان
ورقة الأسئلة راه يتعب عليها المعلم و يحضرها بحرص .
و يجيب الليل سهران بش يصحح مئات الأوراق .
مش بش يشوف الهراء لي تكتبوه و إنما بش يشوف إجابات ترضي ضميره على الأقل.
معلمك دار واجبو خلال فصل كامل نتي حاولي ديري واجبك خلال ساعتين أو ثلاث.
إذا مش احتراما للإمتحان نفسو على الأقل احتراما لأستاذك.

[رندة.]

حاولي تبدلي العقلية هاذي لأنها راح تروح فيك عادة، كيفاش عام كامل وانتي تستهيني بالامتحان وماتجاوبيش مليح وتغلطي وماتصححيش اخطاءك وحابة نهار الباك تكوني منظمة وجادة هذا مستحيل.
اذن افطني مع روحك وماتضيعيش وقتك وتخلاي على التفكير هذا. وأي امتحان تجتازيه اعطيه حقو واعتبريه امتحان الباك وتعاملي معاه بجدية باش تعرفي مستواك وتحسني منو.
ربي يوفقك ان شاء الله

[mokhtaro]

السلام عليكم
استهتارك وعدم اهتمامك بالاختبارات الفصلية هو بسبب أنك تعلمين أنها لا تحدد مصيرك في البكالوريا
لكنك مخطئة فهي فرصة لاختبار تحصيلك ومدى جاهزيتك للبكالوريا وتدارك النقائص بالاضافة الى التعود على ضبط وتوزيع الوقت
لا بأس الان مافات قد فات ومازال هناك متسع من الوقت للتدارك
ركزي على ما تبقى من اختبارات كما يمكنك عمل اختبارات ذاتية (بكالوريات سابقة) واضبطي الوقت (نفس الوقت المعتمد في اختبار البكالوريا) ثم صححي لنفسك وبهذا تعرفين مستواك ونقائصك لتحسنيها
الله يوفقك

[mohamed nadim]

اصلا هده الامتحانات هي لقياس مدى استعدادك

و التدرب على التحكم في الوقت و حل التمارين و صياغة الاجوبة

حتى فرق كرة القدم تعمل مباريات ودية قبل المباراة الرسمية


راجعي نفسك جيدا
راكي غالطة

[dahmani007]

من كلامك يبدو انك طالبة متفوقة
و لا تعانين من توتر او قلق من الامتحانات التي لا تحدد مصيرك هذا ما دفع بك الى اللامبالاة
لكن عليك تدارك الامر و العمل بجدية في الامتحانات المهمة

[نجمة الأمــــــل]

مشكلات طلاب البكالوريا الكبيرة

أنّهم يستمعون لما يقال من عبارات سلبية

بل ويأخذنوها محمل الجدّ

ويتركون ما هو أهم وهو المراجعة والاستذكار

لذا لا تستمعوا لما يقال لكم

بل ابدئي من هاته اللحظة بالمراجعة وستتفوقين

على من سبقوك بالمذاكرة

لانّ الارادة واختلاف القدرات العقلية يحدّد نسبة نجاحك
موفّقة

[amina.77]

اول شي طريقة حلك خطا
كل تمرين لازم تعديه هو الباك
تانيا
تجبي الخوف فهو اكبر متبط
وفقنا الله اجمعين

[جزر الشمس]

عن تجربة كنت علمية وعلوم نجوزو 4سوايع امتحان
في امتحانات الفصول نليكيدي نعقب ساعة 2 ونخرج لأني مشغولة في دار مدايرة برنامج و امتحانات نحسهم معطليني
المهم أستاذ قالنا بالحرف الواحد يا جماعة عاويدووووووووووووووووووو أنفسكم الجلوس 4 ساعات و اتركيز راكم تحصلو في الباك ماتقولوش ارسمي فيه وهذو والو
وفعلا يوم الامتحان الرسمي ماقدرتش حتى نركز في أسئلة و ماقدرتش نكمل 4سوايع كلها
والله يوم فلسفسة حسيت رقبتي تقطعت وتفكرت الأستاذ و كلامه
مي حمد لله جيبت الباك ب 11 في 2006 مالقرغي كنت ممتازة وموالفة 15 14

[فتاه.عنوانها.حزن]

يا.اختي.تفكيرك.هذا.سببا.في.رسوبي.العام.الماضي.توكل ي.على.الله فقط