ادعولي حاب نتزوج

[bob000]

السلام عليكم اخوتي الكرام و الله انا في حيرة من امري حاب نتزرج و لكن المشكل هو السكن ما عنديش الله غاب و راني حاير اذا نتقدم لخطبة الفتاة التي احبها ام اتركها تذهب مع واحد جا يخطبها و لاباس عليه الحق و الله ما بدلتني و لكن لازم نبين كلش يا هاك يا هاك

[amohamed81]

ربي يوفقك ويسهلك الحلال آمين

[ليلى الجزائرية1]

الله يكون لك فالعون أخي

[*عاشق الحياة*]

وفقك الله وبالعمل سوف تصنع كل شيىء بأيديك

[شمس بريكة]

اخي واش نقلك اذا خليتها راح تندم عليها ومشكل السكن مش مشكل اسكن معى داركم في شمبرة والدينا سكنو في زوج ميطرات وفرج عليهم ربي وشوف وين راكم انا نقلك مثال على روحي اربع سنوات انضار والحمد لله انخطبت للي حبيت وكاين مشاكل بزاف الدار والخدمة بصح متمسكين ببعضانا الحمد لله كلش يهون بصح عمرك ما تخلي لي حبيت تندم نظم شديد راه يفرج ربي اخطبها سميها على اسمك وربي قال ياعبدي اسعى وانا معاك وربي يسهلك ان شاء الله

[toulay]

ربي يسهلك ان شاء الله

[حسين19]

ربي يوفق ان شاء الله

[Like--An--Angel]

أنا ثاني حاب نتزوج
أدعولي ربي يفرج عني ببنت الحلال
قبل ما نهبل

عندي السكنى والسيارة ومالقيتش اللي تهنيني وتشاركني حياتي

يا ربي يفرج علينا أجمعين

["أحمد المحمدي"]

إذا كنت تحبها كثيرا فلا تتركها تذهب، ما تسمحش في حبك من اجل متاع الدنيا، دبر 2 امتار وبني عليها لابغات خيمة وربي يوفقك ان شاء الله

انا الله غالب اللي نحبها ما تحبنيش ولوكان تبغي ليوم فالليل ندير معاها العرس بدون التفكير في اي شيء

لكن اي فتاة اخرى نقرى بزاف حسابات

["أحمد المحمدي"]

أنا أيضا شاب أبلغ من العمر 25 سنة، وعندي رغبة في الزواج من أجل العفّة، لكن المشكل

أنّي خائف من الوقوع في جحيم يصعب علىّ الخروج منه

أنا نخدم بالكونترا ونخلص 18 فالشهر وعايش مع والديا

وحنا عايشين بخير الغير ولا ندري متى ينقطع هذا الخير

يعني كاين ناس يكثر خيرهم هوما يخدمو علينا في الخفاء

على كل حال ربي يجازيهم و لو نلقى أستاذة ولّا موضفة يعني تعاونّي فلن أتردّد أبدا.

[aghilesdz]

ربي يوفقك ويسهلك الحلال آمين

[sofiane de biskra]

ربي يسهل ان شاء الله لكل من يريد ان يعف نفسه اسكن مع والديك والا روح اكري ولي تشتيها وتشتيك كيما راك تقول رايحة تصبر معاك في كل الظروف الرزق على ربي توكل عليه والى الامام انتظر منك ان تبشرنا بالخطبة قريبا

[BOUASRIA HAMID]

ربي يسهلك فالزواج و ربي يقول الطيبين للطيبات

[kasel]

يجب ان ترضى ان تسكن مع اهلك حتى يفرج الله و لعل بزواجكما ياتي الفرج كما هو منصوص عليه في السنة النبوية و عن تجربة شخصية تزوجت في نصف غرفة و ليس غرفة و اليوم الحمد لله رب العالمين و الكثير من امثالي أعرفهم هكذا اصبح يملك سكنات نصيحتي لا تترك خطيبتك مهما جرى إلا غذا تركتك هي فعندها لا تندم أتركها هي التي تخطئ و ليس انت .

[7ama39]

الله يعطيك ما تتمنى