وصفات وطبخات قناة سميرة

[ام ساجد]

حلويات جافة *قاطو الوريدات ** من قناة سميرة للاخت خديجة عكون

المقادير/ 250غ زبدة او مارغرين طرية + 200غ سكر ارتب + 100غ نشاء + 4 صفار + فاني + 1 خميرة حلويات + بيضة كاملة + فرينة

التحضير / نخلط الزبدة + سكر + الصفار + بيضة+ فاني + نشاء + فرينة مغربلة + خميرة حلويات

ناخذ مقدار من العجينة ونعمل كورة ونحلها من الوسط دون ان نثقبها ونحط لفروي كونفي انا ما عملتهمش ما عنديش ونكورها ونمرغدها في النشاء

ونحطها في لي مول تاع حديد شكل دائري انا عملت لي على شكل مربع ونضغط في الوسط ونعمل حفرة ونعمرها بامعجون ونزين الحاشية بالنقاش

ونحط يطيب ولما يطيب ويبرد نرش عليه رشة خفيفة سكر ارتب

[kala11]

نموووووت على وصفات السيدة خديجة جكون ناجحة دايما وجربت العديد منها من وقت كانت في صباحيات

[هند21]

اعطوني طريقة لبابا بالبرتقال تاع فارس جيدي

[نورانيات]

المشاركة الأصلية كتبت بواسطة هند21

اعطوني طريقة لبابا بالبرتقال تاع فارس جيدي

أخي هذي هي وصفة بابا بالبرتقال:
وجدي الكرامال بوضع مقدار من السكر على النار كي يولي بني طفي عليها وزيدي شوية ماء، من جهة أخرى وجدي العجينة بـ 6 بيض+150 غ سكر+ مبشور البرتقال وخلطي كلشي مليح بالباتور ثم أضيفي كأس زيت وخلطي +كأس حليب +250غ فرينة+2 خميرة تاع القاطو
من جهة ثالثة وجدي الشاربات بوضع 2كؤوس سكر و1ل ماء على النار كي يبدا يغلي زيدي ليطرونش تاع 2 برتقالات كبار وخلي على النار مدة 8 دقائق .
حطي في البلاطو الكرامال ثم شرائح البرتقال ثم الخليط تاع العجينة الي يجي شوية سائل ثم ادخليها الفرن حرارته 180 بعد اخراجها اقلبيها مباشرة وهي سخونة وضعي عليها الشاربات الباردة بعد ما تبرد قصيها مربعات كبار.

[* دموع الشوق *]

شكــــــــــــــــــــــــــــــــرا فكرة جميلة

[loujayne loulou]

السلام عليكم هذه وصفة الصابلي اللي طلباتو الأخت زخت مطر
المقادير:
250غ مرقرين،125غ سكر رطب مايقارب كاس ،2صفار بيض وبيضة كاملة،كاس نشاء،فاني ،فرينة
للتزيين:
شكولا نوار،علبة بيمو،معجون،سكر رطب
الطريقة:
نخلط المرقرين مع السكر جيدا ثم نضيف البيض والفاني ونستمر في الخلط ثم نضيف النشا والفرينة ونجمع العجينة بدون ما نعجنها وهذا هو لي خليها تذوب في الفم
نرش شوية فرينة ونحل العجينة بالحلال بسمك متوسط ماتكونش رقيقة بزاف وبواسطة مول دائري نقطع دوائر
والعجينة المتبقية نلمها بلا مانعجنها ونعاود نشكلها حتى نكمل كل الكمية
ندخلها للفرن تطيب على نار متوسطة حتى تاخذ لون اشقر ما لازمش تحمار نخرجها من الفرن ونخليها تبرد
من جهة نرحي علبة بيمو ونغربلو ونخليه على جنب
نذوب علبة شكولة على حمام مائي مع القليل فقط من الحليب لما تذوب نضيفلها كمية من بيمو مرحي ونحرك ونخليها تبرد شوية
نضعها في جيب الحلواني ونشكل دوائر فقط كل حبة صابلي كما في الصورة
نسخن المعجون فوق النار او في الميكرواوند ونضيفلو ملون احمر ونحط كمية صغيرة في وسط كل حبة
وفي الاخير نرش عليها رشة خفيفة سكر رطب ونقدمها بعد ما تجمد الشكولة وهذا شكلها

[samia05]

دبارة هايلة ماذا بينا

[chez biba]

السلام عليكم
تجدون وصفة البابا بالبرتقال للشيف فارس بالخطوات على le blog الخاص بي seulement درت الأناناس بدل البرتقال وجات هايلة

[ميدو05]

مشكورة على العمل

[samirano.]

جربت خبيزات الهومبرجر صغار السيدة اللي دارتهم نسيت أسمها استغربت في الأول كمية الخميرة تاع الخبز الي دارتها غامرت و جربتها جات رائعة طلبوها مني لولاد غدوة منداك المقادير هي رطل فرينة +ثلاث ملاعق زيت +ملعقة صغيرة ملح و أخرى سكر +ملعقتين خميرة خبز كبار (أنا موالفة ندير في الكيلو ملعقة ) نجمع بالماء حتى تصبح عجينة لينة ثم ندخل فيها 50 غرام زبدة توريق بعد ما تتشربها نقرصها خبيزات صغار بلا ما تخمر العجينة و ندهن بالبيض وديري الجلجلان أو السنوج واتركيها تنضج واحشيها حسب الرغبة رووووووووووعة دون مبالغة

[afiable]

فكرة مليحة نتمنى تطبق

[english12]

شكون عندها مقادير خبز بالفرماج للشاف فارس جيدي من فضلكم

[amel9999]

المقادير
250 غ فرينة
3 ملاعق كبيرة حليب غبرة
3 ملاعق كبيرة زبدة او مرغارين
2ملاعق كبيرة سكر
2 ملاعق كبيرة خميرة الخبز
قرصة ملح
ماء دافئ
فرماج ابيض
حبة بيض للتزيين و جلجلان او سانوج
طريقة التحضير
في اناء اخلطي الفرينة + المرغارين+ قرصة ملح+ الحليب غبرة +خميرة بعد ما قمنا بتذويبها مع ملعقتين من السكر وقليل من الماء الدافئ +القليل من اماء الدافئ حتى نجمع العجية و نتركها جانبا لترتاح بعد فترة ناخذ العجينة ونقسمها الى 3كويرات متساوية ثم نحللها على طاولة مرشوشة بالفرينة ونضح الجبن في طرف دائرة العجينة ثم نقوم بتدويره حتى نتحصل على شكل خبز ونزينها بالسكين على سطحها ثم نتركها تختمر وندهنها بالبيض ثم نزينها بالسانوج او الجلجلان وندخلها الفرن

[Fatima fato]

فكرة هايلة اختي

[fatimahoda02]

السلام عليكم
انا وجدت هذا الموقع فية فدييوهات تاع القناة انشاء الله تستفيدو منو
https://www.samiratv.tk/