دفتر مطبخي ركن خاص لمستمعي اسرار مطبخ دليلة** ملتقى حراير الجلفة ** - الصفحة 50

mimicha1977 · 2011-11-23, 11:50

اقتباس:

المشاركة الأصلية كتبت بواسطة أم قادة

بارك الله فيك أختي ميميشة

أختي ميميشة عندي إقتراح سيزيد إن شاء الله من حيوية الركن والذي بطبعه حيوي ألا وهو وضع فهرس في أول الصفحة عن جميع وصفات الدفتر وهذا لتسهيل الرجوع إلى الوصفة المرجوة فعن نفسي أحب زيارة هذا الركن الجميل ولكن لضيق الوقت مع المسؤوليات و الأشغال كما تعلمين لا أتمكن من ألاطلاع على ما في هذا الدفتر من خيرات وبهذه الطريقة سوف تحافظين على مجهوداتك وتثمنينها أكثر

دمت لنا

اهلا بالغاليه ام قادة هي فكرة جات فى بالي ان شاء الله راح نعملها هي تحب شوي وقت فقط

اقتباس:

المشاركة الأصلية كتبت بواسطة ام سامي15

ما شاء الله موضوع في القمة

و اعجبني كثيرا

سؤال حبيبتي ميميشة

هل يمكن ان نضعه في المجمّد ؟؟؟؟

هاذ الكريمة نقدروا نحتفظوا بيها لمدة تقآرب الشهر فالثلاجة بلا ماتخسر لكن لم اجرب وضعها فى المجمد

اقتباس:

المشاركة الأصلية كتبت بواسطة omanis

يعطيك الصحة انت روعة ما شاء الله عليك و الله فنانة انا عجبتني حلوى الطبقات المعجون انا نعملها و لكن بدون طبقات و داخل العجينة نحط نواد كوكو لكن نجرب هدي و نشوف الطعم لاني نحب بزاف هدا النوع من الوصفات ربي يخليك و يوجد وصفات اخرى روعة حبيبتي ربي يجازيك بالف خير

شكرا اختي منورة الدفتر
جربي حلوى طبقات معجون راح تشوفى ذوقها رائع بالمربى

اقتباس:

المشاركة الأصلية كتبت بواسطة omanis

السلام عليكم
ممكن اخواتي او الاخت شهد العسل او ماميشة 1977 تعيد ضع وصفة القريوش لاني لم افهمها بالنسبة للمرغرين النصف مرغرين عادي و النصف مرغرين التوريق ممكن اخواتي تفيدوني

هنا تقصد كيلة مرغرين العادية ونصف مرغرين التوريق الخاصة بالعجينة الملفاي
ممكن تعملي فقط مرغرين التوريق فقط تجي نتيجة هايلة

اقتباس:

المشاركة الأصلية كتبت بواسطة Fathi-aflou

شككككككككررررراااااااااا مميشة و انا مع اقتراح السيدة ام قادة
الو فية ام فتحييييييي

ان شاء الله هو مجرد الوقت راح نلبي طلبكم

اقتباس:

المشاركة الأصلية كتبت بواسطة arridj

اشكرك علي كل ما تبديلينه من اجل تطور هدا المنتدي اريد ان اسالك هل طبقت الوصفة الاولي ام الثانية ل****ز

الوصفة الاولى

mimicha1977 · 2011-11-23, 12:18

املات بالتون

250غ تونه طبيعي
1فلفل حلو
1قرعة (كوسا)
ملعقة قهوة زعتر مرحي
ملح فلفل اسود
4بيض
زيت

الطريقة
قطعي الكوسا مربعات صغيرة اقليها
فلفل حلو مقطع مكعبات ضغيرة و مقلي ايضا
التونه مفتت
ضربي البيض مع الملح و فلفل اسود
مقلاة مدهونه بالزيت على نار خفيفة و كبي البيض فى نصف الطياب كبي القرعة و فلفل و التونه اتركيه دائما على نار خفيفة
طيب انزعها قدمها مع السلاطة مرشوشه بالزعتر

islam1aya · 2011-11-23, 14:05

عزيزتي ميميشة هايلة لوملات تاكلوها باصحتكم طبق سريع وبنين
اسمحيلي مدونتش الوصفات ران شوية مشغولة مع المراجعة تع اسلام يدرس السنة الثانية واية في المدرسة القرانية والبيبي يوسف .
حبيت نطلب منك طلب نتمنى تساعديني حبيت نعرف les bordure تع الصور من اي لوجيسيال انجيبهم شفت صور فيها نجوم اوغيرها
ممكن تساعديني من فظلك راني كثرت عليك سامحيني

kokotg · 2011-11-23, 15:08

اقتباس:

المشاركة الأصلية كتبت بواسطة mimicha1977

هدا تطبيقي لحلوى الك و ك ي ز

mimicha1977 · 2011-11-23, 22:13

اقتباس:

المشاركة الأصلية كتبت بواسطة islam1aya

عزيزتي ميميشة هايلة لوملات تاكلوها باصحتكم طبق سريع وبنين
اسمحيلي مدونتش الوصفات ران شوية مشغولة مع المراجعة تع اسلام يدرس السنة الثانية واية في المدرسة القرانية والبيبي يوسف .
حبيت نطلب منك طلب نتمنى تساعديني حبيت نعرف les bordure تع الصور من اي لوجيسيال انجيبهم شفت صور فيها نجوم اوغيرها
ممكن تساعديني من فظلك راني كثرت عليك سامحيني

والله راكي مسامحة حبيبتي راني عارفة الاولاد مسؤوليه ربي يعونك ويخليهم لك
سلملي على ايه و اسلام مليح
وهدا الامور يوسف الله يكبرهم فى طاعتك امين

اما فى مايخص طلبك الغالي طلب الرخيس

راني حطتهم ان شاءالله تنال الاعجاب

yousra26 · 2011-11-24, 17:27

merciiiiiiiiiiiiiiiiiiii

islam1aya · 2011-11-24, 18:23

الى غاليتي ميميشةرانى رديت عليك في موضوعي

ام محمد78 · 2011-11-25, 18:08

تسلم ايدك اختي مميشة وبارك الله فيك على جهودك
ممكن وصفة البابا
من فضلك اذا تقدري تشرحيهالي بالصور؟
تحيتي وتقديري لشخصك

islam1aya · 2011-11-27, 16:22

السلام عليكن أخواتي كل عام وأنتن بخير بمناسبة حلول السنة الهجرية الجديدة
هذا تطبيقي لخبز سوفلي
يعطيك الصحة العزيزة على قلبي ميميشة على الوصفة

"جُوهَرْ" · 2011-11-28, 14:02

اقتباس:

المشاركة الأصلية كتبت بواسطة islam1aya

السلام عليكن أخواتي كل عام وأنتن بخير بمناسبة حلول السنة الهجرية الجديدة
هذا تطبيقي لخبز سوفلي
يعطيك الصحة العزيزة على قلبي ميميشة على الوصفة

السلام عليكم ورحمة الله وبركاته

تطبيق متقن أم إسلام وآية.

ما شاء الله ولا قوة إلا بالله.
وبارك الله في أختنا ميميشة.

فتيحة الجزائرية · 2011-11-29, 23:34

السلام عليكم اريد وصفات يوم الاتنين

miri_27 · 2011-11-30, 19:32

أين اجد وصفة الكوكـــــــــــــــــــيز من فضلك؟؟؟؟؟؟؟؟؟؟؟؟؟

miri_27 · 2011-11-30, 19:33

اقتباس:

المشاركة الأصلية كتبت بواسطة mimicha1977

مربى الجزر

كيلو سكر+200غ . كيلو جزر 2ليمون نصف كاس ماء . نصف كاس عصير برتقال

الطريقه

جزر قشره قطعيه دوائرطيبه فى الماء20د

يشرب الماء ارحيه فى رحاية الخضر

فى كسرونة ضعي ماء وعصير+سكر+قشر ليمون تغلي 15د ارمي الجزر المطحون و عصيرالليمون اتركيه10د اطفئ النار
يبرد ضعية فى بلرة

اليوم عملتو جا روعة تسلمي

نائلة · 2011-11-30, 23:03

اقتباس:

المشاركة الأصلية كتبت بواسطة ياسمين177

عجيجات بالبطاطة واللحم مرحي
مرق ابيض عادي بالدجاج والبصل والمعدنوس وكتقليه ديري مغرف فرينة باش المرقة تجي عاقدة مرقي وخليه يطيب وديريلو زيتون وفطر الفطر قبل ما ديريه دائما صوتيه في شوي زبدة يجي بنين
لحم مرحي+معدنوس+بصل+ملح وفلفل اكحل
بطاطة غليها وارحيها+100غ جبن او قطعة شاف+ لحم مرحي + بيضة نشكل عجيجات نرمدهم في الفرينة وثم البيض ثم شابلير ونقليهم ونسقيهم بصوص الزيتون والفطر

تورتة بالسلق والدجاج
العجينةك 3كيلات فرينة+ ملح+1خمارة+نص كيلة زيت+75غ زبدة+بيضة وتلميها بالحليب تخليها ترتاح
2 ربطات سلق تقطعيه وتغليه وتعصريه
صدردجاج تغليه في ماء وبصل وملح وعود قرفة وعيدان قرنفل لما يطيب فتيه
كريمة الفورماج: نص لتر حليب+ 75غ نشا+2بيض+100غ جبن ابيض+ملح وفلفل تخلطي وتحطيها على النار حتى تعقد كالبيشمال
خلطي الكل مع بعض سلق ودجاج وكريمة الجبن وزيتون اكحل مقطع رقيق+حبة بطاطة مقطعة مربعات صغيرة ومقلية
نحل ثلاث ارباع العجينة ونحطها في مول ونحط فوقها الحشوة ونغلق بربع العجينة نغطيها كامل ندير ثقبة في الوسط ونزوق بالسكين تحبي ديري اشكال بالعجينةملفوق تدهنيها بالبيض ودخليها تطيب حتى تحمار

طاجين الجبن

ديري مرق البيض بصدر دجاج وحمص وبصل وملح وفلفل اكحل وقرفة وسمن قلي مرقي وخليه يطيب لما يطيب الدجاج نحيه
فتي الدجاج وزيديلو 200غ جبن ابيض او اكثر او 2 قطع شاف + نص باكي خمارة+ مغرف فرينة+ غراف من المرق لطاب فيه واحتفظي بشوي مرق+ ملح وفلفل اكحل خلطي وديريه في مول كيك يطيب خليه يبرد قطعيه وسقيه بالمرق لخليتيه وزوقيه بالحمص

الا تستعملين أختي الكريمة البيض؟

islam1aya · 2011-12-02, 23:52

السلام عليكن اخواتي الكريمات
هذا تطبيقي للموسكوشو في الصفحة 1