الرفيس من مطبخي بالشرح و الصور

kakinova · 2012-09-20, 20:22

بسم الله الرحمن الرحيم

الرفيس طبق تقليدي نستعمله في مناسباتنا ، في أفراحنا و في اعراسنا

هناك عدة انواع من الرفيس

رفيس مكون من دقيق زائد الغرس
رفيس مكون من الدقيق فقط
رفيس شخشوخة الطاجين أو الرقاق
و هناك رفيس مزيج من الغرس و شخشوخة الرقاق لا أعرف اسمه لكن اكلته مرة من عند صديقتي و صدقوني لم أذق في حياتي الذ منه

و بالمناسبة صديقتي امها بسكرية و اطلب من الأخوات البسكريات من تعرف وصفته تضعها في المنتدى

المهم

اليوم عملت رفيس الدقيق الخشن

المكونات :
دقيق
زبدة زائد زيت
ملح
ماء

و من اجل عمل الرفيس نحتاج الى :

ماء زهر
ماء عادي
زبدة او مرغرين
حليب
سكر خشن او عسل
مكسرات حسب الذوق و الافضل جوز

التحضير

نغربل الدقيق

السميد الرطب نعمل منه معجنات ، رشتة ، شخشوخة ، تريدة الموس ، محجوبة ...الخ

الدقيق الخشن نصنع منه الرفيس

نخلط الدقيق جيدا مع الزيت و الزبدة و الملح

نبلل بالماء حتى تتجمع العجينة دون الاكثار

نضع في صينيات طرقات متوسطة او رقيقة حتى تتحمر جيدا و تعمل خطوط بالسكين

بعد ان تتحمر نسرع بتفريغها فوق الغربال ط السيار تاع الكسكسي ط و تحريكها بملعقة خشبية طويلة حتى تنزل ما دامت ساخنة و طرية

القطع الخشنة نطحنها في الخلاط الكهربائي ، و التي تبقى بعدها خخخخخخخ انا مديتها للعصافير

بعد ان ننتهي من الغربلة ، نأخذ جزءا من الخليط المحصل عليه نضعه في كسكاس ليفور

نبلله بمزيج الحليب و الماء و ماء الزهر ثم نخلط بالملعقة

لما يبرد نحاول باطراف اصابعنا ادخال الحليب فيه " نحلوه على بعضاه " مثل عمل الكسكسي

نعيد العملية عدة مرات

هنا بعد ان انتهينا من التفوار ضاعف حجمه و اصبح حبيبات خشنة و طرية

نأخذ جزء منه و نضيف له زبدة انا اسرتي صغيرة استعملت كمية على قدنا
ثم نضعه في مقلاة او اناء على النار و نحرك " نجمروه"
ننزعه من النار و نضيف العسل و نحرك و اذا احتاج المزيد من الزبدة نضيف له
نحركه مرة اخيرة و نضعه في الصحن

نتركه بدون اضافات فقط قطعة زبدة و قليل من سكر بودرة

او نخلط معه بعض المكسرات المطحونة ، ثم نزين بها على الوجه كذلك

و شهية طيبة

لينا11 · 2012-09-20, 20:28

مممممممممممممم يشهي حنونة
رفيس تاع قسنطينة وهم مشهورين بيه وفكرتيني فيه عندي مدة مادرتوش
كاش نهار نديرو ونحطهولكم هنا
المهم بعثيلي كاش صحن ولا زوج هههههه وماتخميش اللبن عليا

houda2700 · 2012-09-20, 20:59

احنا تاني في مستغانم نديروه
الله يعطيك الصحة

الأمنيات · 2012-09-20, 21:08

الله يعطيك الصحة صح راني مدة ما درتهش راه جا شتاء ونديره ان شاء الله

kakinova · 2012-09-20, 21:17

شكرا لكن عزيزاتي على المرور

نورتووووووووووووووووو موضوعي

انا درتو مكان قهوة المساء كلينا الرفيس مع اللبن :d

لينا حنونة خخخخخخخخخخ و الله كاين اللبن لكن نحيت الصورة خفت يجي طويل بزاف

حنونة نبعثلك صحن و اللبن من عندي تاكلي بالصحة

و ما ديريش مازال عندي الشايح نعثلك ماكان لاه تعبي روحك

أم ياسين الزهراء · 2012-09-20, 21:36

هردتيني دوق لازم نديرو نموت عليه يعطيك الصحة انا غير كيما درتو لبنت خوي كيدات الباك وزدت درتو لبنتي كيدات البيام علاه عليك سخفتيني

kakinova · 2012-09-20, 22:17

مبروك للناجحات اختي ام ياسين

و الله انا شفت موضوع فالمنتدى و كيما تسميه صاحبة الموضوع الرفيس المالح

خخخخخخخخخخخخخ و انا نموت على الأكلات التقليدية مهما راح زمان و جا زمان تبقى المفضلة عندنا حنا الجزائريين

حنونة تفضلي غدوة نديرلكم قهوة و نحطلكم الرفيس و اللبن

حنا تاني نستعملوه في كل المناسبات
افراح
خطبوبة
اعراس
طهور
نجاح

و الله انا نفضل انو يكون الرفيس على انو تكون سلطة الفواكه او المحلبي

*ام رامي* · 2012-09-21, 06:26

يعطيك الصحة هايل
وكاين اللي يشروه جاهز في اكياس يفوروه ويكملوا باقي المراحل
وهكذا يجيهم اسهل
بارك الله فيك

ام خيرو · 2012-09-21, 07:00

هايل يعطيك الصحة

ام فريال · 2012-09-21, 07:28

هذا هو الرفيس الزيراوي فكرتيني فيه يعطيك الصحة

ليلى المستغانمية · 2012-09-21, 09:20

الله يعطيك الصحة

*أم كوثر* · 2012-09-21, 11:37

الله يبارك
لكن شوة مختلف على الرفيس اللي نديروه
راني نطيب فيه دك
نكمل ونحطلكم تشوفو

كلتومة01 · 2012-09-21, 11:44

حنا نديروه مع لغرس.يعطيك الصحة

kakinova · 2012-09-21, 14:20

الللللللللللللللللللللللللللللللللللللللللللف شكر على مروركن عزيزاتي

نووووووووووووووووووووووووووورتو موضوعي

عزيزتي ام كوثر شهيتيني بالرفيس نتاعكم في انتظار الصور

الريحة راهي بدات تجي

kakinova · 2012-09-21, 14:23

عزيزتي كلتومة ان شاء الله تعملينا الرفيس الخاص بكم و نشوفوه على الاقل نتعرفو على كيفيات مختلفة لأني اول مرة نسمع انو مثل هاذ الرفيس يتعمل مع الغرس

نعرف المشلوش بشخشوخة الطاجين الرقاق
الزيراوي بالدقيق يتحمر فالفرن و يرحى
الرفيس التونسي يتحمص " يتقلى " فالمقلات حتى يصبح ذهبي اللون ثم يسكب فوق غرس منقي و معجون و يخلط الكل

رفيس البساكرة بشخشوخة الرقاق و الغرس

لكن الرفيس الذي ذكرتيه لم اسمع عنو يا ريت تعملينا وصفتو باه نتعلموا اكثر