راني في عذاب اسمعو حكايتي و احكمو

[musa.amira]

تم حدف الموضوع نشكر الكل على النصائح و جزاكم الله خيرا
و نطلب من الادارة اغلاق الموضوع

[gomplayer]

ربي يكون في عونك اختي، و ربي يفرج عليكم ان شاء الله

[hassain]

السلام عليكم .ختي ويلا والديه كبار و هو الوحيد عندهم علاش ما تقعدوش معاهم مادام الدار واسعة.منها هوما يرضاو عليكم و انت تربحي حسنة في والديه .ما تدري مع الوقت ربي يفرج و تبنو داركم وحدكم أنا راني نقولك ويلا ما كيش حابة تفرطي فيه ما تديريلوش حجرة في السبات على الدار و اتزوجو و انتوما صغار و بنو داركم بلعقل .و ربي يكون في العون أما اذا كانت الحالة ما تسمحش مثلا هوما غاشي و عندو خاوتو عزاب بزاف و الضيق قوليلو يكريلك ويلا را هو قادر .علابالي جاتك صعيبة 5 سنين ستنيتيه بصح ويلا ماهوش قادر يلقالك حل على خاطر الحل راهو في يدو فما منوش فايدة مهما ستنيته.
ختي نقولك خمي مليح واحد من هاد الحلول هو اللي يهنيلك بالك و زيدي استخيري و ربي معاكم إن شاء الله.

[البيت السلفي]

المشاركة الأصلية كتبت بواسطة hassain

السلام عليكم .ختي ويلا والديه كبار و هو الوحيد عندهم علاش ما تقعدوش معاهم مادام الدار واسعة.منها هوما يرضاو عليكم و انت تربحي حسنة في والديه .ما تدري مع الوقت ربي يفرج و تبنو داركم وحدكم أنا راني نقولك ويلا ما كيش حابة تفرطي فيه ما تديريلوش حجرة في السبات على الدار و اتزوجو و انتوما صغار و بنو داركم بلعقل .و ربي يكون في العون أما اذا كانت الحالة ما تسمحش مثلا هوما غاشي و عندو خاوتو عزاب بزاف و الضيق قوليلو يكريلك ويلا را هو قادر .علابالي جاتك صعيبة 5 سنين ستنيتيه بصح ويلا ماهوش قادر يلقالك حل على خاطر الحل راهو في يدو فما منوش فايدة مهما ستنيته.
ختي نقولك خمي مليح واحد من هاد الحلول هو اللي يهنيلك بالك و زيدي استخيري و ربي معاكم إن شاء الله.

السلام عليكم ورحمة الله وبركاته
واش نقولك أختي ، ربي يفرّج عليكم ويفتح عليكم والله المستعان ، مالقيت واش نهدر !!!

المهم ، نظن كلام الأخت أعلاه منطقي والله أعلم

ربي يفتح عليك

[ايمان2009]

ربي يفرج عليك حنونة صلي الاستخارة ماش مرة وماش زوج صلي كل يوم وربي يبينلك اللي فيه الخير والصواب اذا كان مكتوبك درك كلش يسهال واذا كان العكس كيف كيف
وكيما قالت الاخت في الرد الاول اذا كان وحدو عند والديه عيشي معاهم ماراح تخسري والو بالعكس تربحي عايلة جديدة واذا كانو في بزاف زيدي حاولي معاه بالشوية خاطر صعيبة تحبي واحد وتتمنايه ومن بعد تتفارقو على حاجة كيما هاك وتدي واحد بلا حب تظلمي روحك وتظلميه وربي يسهلك ويفرج عليك في اقرب وقت

[ام محمد 05]

المشاركة الأصلية كتبت بواسطة musa.amira

باسم الله الرحمان الرحيم
اانا مخطوبة عمري 24 سنة و خطيبي 25 سنة ..5 سنين وحنا مع بعض منها 3سنين هادر عليا برك يعني حاط اليد برك و عامين خطوبة رسمي..انا كان شرطي الوحيد وشرط والديا داري وحدي واهلو وافقو و وعدني انو يبني ايتاج في دارهم يعني طابق جديد باه ندزوجو فيه و هدا كان شرطي من الاول يعني اول مرة تقدملي قبل 5 ينين قتلو عليه و هو وافق و قالي انا ثاني نحوس داري وحدي.بصح ما نفذش كلامو ووعدو ليا و كل مرة يقوليالعام هذا نبني الطابق و عام يجيب عام حتى فاتو 5 سنين من غير مايبني الطابق و لا حتى يكري دار و كل هذي السنين وانا مساندتو و واقفة معاه ونرفض كلالخطاب اللي يتقدمولي ونصبر في اهلي انو وعدني انو راح يدير الحل.
العام لي فات كان في مواجهة بين اهلو و اهلي..اهلو قالو لينا انو نسكن معاهم في العايلة و احنا طبعا رفضنا و علابالهم بشرطي و اكتشفت وقتها انو هو متفق مع اهلو انو نسكن معاهم وانا يقولي العكس يعني مش قادر يواجهم انو ندزوجو في دار وحدنا.
انا الصراحة ماقدرتش نحمل كثر و قلت لماما تعيطلو يجي وتهدر معاه في الموضوع وعيطتلوعندها سمانتين قالها انومازال مش راح يدزوج ضركا و انو لازم نزيد نستناه عامين او اكتر لانو باباه رافض تماما انو يبنيلوالطابق الجديد في دارهم و قالها معنديش حل و مش حنزوجو الا بعد عامين او ثلاثة.( و للعلم دارهم لاباس بيهم يعني قادرين يبنيولو وانا متاكدة مية بالمية)
انا نطلب منكو تنصحوني ارجوكم اناوالديا كبار في السن وماعادوش قادرين عالمشاكل و معندي حتى واحد ينصحني تعيشو قولولي واش ندير انا استنيتو 5 سنين ومادار والو كيفاه نزيد نستناه ثاني عامين ولا ثلاثة و يولي عمري 27 او 28 سنة و احتمال انو مايدير حتى حل انا راني حايرة و نتعذب خايفة نظلمواذا خليتو ويعاقبني ربي و خايفة نبقى معاه و نظلم نفسي خايفة من ربي سبحانو بزاف
ارجوكو ساعدوني بنصيحة و ادعولي و جزاكم عند الله سبحانه و تعالى
انانطلب من الادارة ماتحذفش الموضوع ارجوكم راني في عذاب ربي يخليكم ماتنحيوه
راني نتعذب وربي العالم راني غي نبكي وملقيتش حل تعيشو لي تقرا حكايتي تحط روحها في بلاصتي وتقولي وش ندير تعيشو متخرجوش قبل ماتردو عليا و الله لي تساعدني ندعيلها من قلبي

اختي راك مبينتيش سبب رفضك العيش مع العائلة انا تاني سكنت مع العائلة وكنت صغيرة العايلة فيها 3 بنات كبار عليا ومهش مزوجين وكتر من راجلي فالعمر ومعاه زوج خاوتو الذكورا الله يسمحلهم مي لبنات اك تعرفي حكايات النساء والحمد لله عندي زواج 5 سنين وخرجت بداري وحدي وفرج ربي عليا اسمحيلي طولت عليك مي حابة نفهمك اذا عندو اسبابو ميقدرش يخرج اوقفي معاه وربي يسهللك من حيث ما تدري لكن رجاء خبرينا علاه رافضة العايلة باه نساعدوك نشاء الله

[ABDOU ELE]

ســـــــــــــلام
مثلما قالت الاخت اما ان تسكني مع اهله او يوفر بيت للكراء او كل طرف في طريقه........العمر يجري و ما لم يوفره في 5 سنين لن يوفره في عامين..........عندما تصلين سن 27 سيتغير اسلوب حديثه معك و يقول لك : اما ان تعيشي مع العائلة او تبقي عانس.................لا تدعي الزمن يسرق شبابك بين التسويف و الوعود الوردية

[نورالهدى بيولوجيست]

مادام طلبتي نحط روحي في بلاصتك راح نجاوبك

انا شخصيا مستحيل نطلب دار وحدي علاش؟ مافهمتش هذا الطلب؟

ماتعرفي خيرك وين لا مع دارهم ولا وحدك؟

و بالعكس معاهم خير و يجي النهار اللي تديري دار وحدك علاش مستعجلة؟

و 5 سنين علاه؟ بزاف يااااااااااااااااااااااااااااااااااااااااوخيتي !!!!!!!!!!!

و كي توصلي 27 و 28 وش راح يصير؟ و اللي راهم فهذا السن ماتوا؟

راكي تدي غير الكاتبة ماتكثريش التشراط و قولي باسم الله

و ربي ييسرلك مع خطيبك

[ام هاديل وياسين]

اختي مافيها والو اذا عشتي مع اهلو خاصة اذا كانو ناس كبار وكان هو وحيدهم انتي ادرى بالوضع اللي عايش فيه الا راكي حاسة روحك متقدريش تتخلاي عليه صلي استخارة وربي يحطك في الطريق الصحيح ان شا الله الله يفرج عليك اختي

[sali-sali]

السلام عليكم
في هدو 5 سني كون راكي تزوجتي و عشتي مع دارهم و بالعقل و اقنعتيه يبنيلك وحدك .. و ممكن تكوني نجحتي

اتقبلي الوضع و عيشي مع اهلو .. و علاش راح ياكلوك .. بالعكس اكسبيهم هوما راح تكسبيه اكثر ... يا اختي المهم تكوني مرتاحة و هانية و مش شرط بالسكن المنفرد هو لي يوفرلك الراحة

[samy algerien]

حسب كلامك عمره 25سنة وانت تقولين 5 سنين ولم يبني منزل يعني منذ كان عمره 20سنة يعني كي كان يدرس وليس لديه قرار في المنزل فهو صغير
اعتقد انه يجب عليك محاسبته منذ ان بدأ في العمل واذا كان منزل والديه كبير يمكنك الصبر حتى يستطيع توفير منزله ولا تلوميه على قرار والديه فهم احرار في نقودهم.
ولكنه اخطأ بعدم مواجهة اهله فهذا ياكد انه يعرف انهم سيرفضون و لكنه عنده امل في قبولهم بعد مدة زمن او قبولك انت عبر الزمن .
اذا كنت تحبيه حقا قولي له هل اذا رفض اهله اسكانه في منزل مستقل هل سيحاول بناء منزل بعرق جبينه يعني من ماله الخاص
*

[amine9mm]

الام والاب يربوا وملبعد تجي لا لا تقولي ديرلي دار وحدي
كون جيت كيما هذا الراجل نضربك بكف نفورميلك وجك
بنات اخر زمان والله العظيم

[مواطنة جزائرية]

استخيري الله فان الخيرة فيما اختاره الله لنا

رأيي انفصلي عنه ليس لأنفه يرفض أن يحقق شرطك الذي لا أوافقك فيه

إنما لأنه أثبت و بكل جدارة أنه لا يستطيع تحمل المسؤولية

ربي يفرج عليك و يهنيك

[خولة لبابة]

السلام عليكم,,,,,
أختي لا أعرف سبب رفضكي العيش مع أهله,,,؟؟؟؟
فيا ترى هل عنده اخوة كثيرون؟؟؟ و انتي محجبة مثلا؟؟ هل البيت ضيّق لا يسعكم؟؟؟ فيا اختي لا تلعبي بنفسكي,,,,,قلتي أن والداكي كبيرين في السن,,,,,تخيلي ان اخاكي يتزوج و يعيش لوحده,,,,,هل ساعتها ترضين ان يترك والداكي,,,,,ربما اخاكي لا لكن زوجك نعم,,,,,تلك الام التي ربّت ابنها في صغره,,,,,تنتظر ان تجده في كبرها,,,,و الله يا اختي لو عشتي مع اهل زوجكي و سعيت في برّهما و خدمتهما نكونين اسعد الناس,,,,قلا تتركي الشيطان و العياذ بالله يسيطر عليكي,,,,,كوني الزوجة الصبورة و المحبة,,,,,,,,,فلا تفوتي الحسنات من بين ايديكي,,,,,,,ارى سبب مشكلتكي هي انتي,,,,,انزعي الفكرة من رأسكي,,,,,,و تزوجي,,,و لا تكوني انانية,,,فالايام تمر بسرعة و الوقت يخطف,,,,,,يسّر الله امركي ,,,,,

[musa.amira]

المشاركة الأصلية كتبت بواسطة amine9mm

الام والاب يربوا وملبعد تجي لا لا تقولي ديرلي دار وحدي
كون جيت كيما هذا الراجل نضربك بكف نفورميلك وجك
بنات اخر زمان والله العظيم

مالا نتا خو حاط روحك خيرمن الرسول صلى الله عليه وسلم كي قال ''واقم لها خيمتها''
وزيد حنا هنا نهدرو على الراجللي يدور في كلمتو رانا نهدرو على المبدا ماشي الماديات
هاد الافكار لي خلات البلاد
لاحول ولا قوة الا بالله