اريد الزواج لكن ... انصحوني - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

إضافة رد
 
أدوات الموضوع انواع عرض الموضوع
قديم 2018-10-08, 00:41   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي اريد الزواج لكن ... انصحوني

السلام عليكم
من فضلكم انصحوني
شاهدت فتاة واعجبتني واريد أن اخطبها من اهلها لكن توجد اشكالية في راسي هذه الفتاة من عائلة لاباس بيهم عندها سيارة وعندها الجنسية الفرنسيه و انا شاب الحمد لله عندي مستوى ماستر و عندي السكن وسيارة نورمال لست غني لكن الحمد لله قيسي قيس روحي لكن خدام عند الناس برك وبصفة منتظمة نخلص مبلغ ولو بسيط المهم الطفلة هاذي عجبتني ودخلت قلبي عاقلة ومتربية والله منحتاج منها والو ومنيش طماع فيها ولا في اي انسان الطمعة في ربي وخدام بذراعي الحمد لله وان شاء الله يفرج عليا ربي بخدمة بديبلوم نتاعي، ظرك راني خايف نخطبها تقول راه طمع فيا ولا في وثائق فرنسا معلاباليش نروح نحكي معاها وجها لوجه ولا نبعثلها شخص انصحوني خاوتي لوجه الله واش ندير







 

رد مع اقتباس
مساحة إعلانية

قديم 2018-10-08, 14:25   رقم المشاركة : 2
معلومات العضو
مراد سابقا10
عضو نشيط
 
إحصائية العضو










افتراضي

مادام غير متزوجة فالأمر مفتوح امامك لا تخجل اطلاقا لأنك ماكش رايح تدير العيب ناوي الحلال انا نعرف ناس خطبوا فتيات عندهم وثائق فرنسا وصارحوهم بلي بغى يتزوجها

ويخرج معاها للخارج وقبلوا انت نيتك الحلال وبعيد عن الحسابات اصدم وشوف واش يقولوك .







رد مع اقتباس
قديم 2018-10-08, 14:25   رقم المشاركة : 3
معلومات العضو
زبدة ذايبة
مشرف منتدى مشكلتي
 
الصورة الرمزية زبدة ذايبة
 

 

 
إحصائية العضو










افتراضي

الخطبة ماشي عيب

واحتمال موضوع الجنسية الثانية

ماشي صحيح

وكي تروح تخطبها ماتجبدلهاش على الجنسية نهائيا.

وكأنك ماشي سامع بالموضوع.

وروح لعندهم وقلبك صحيح.

تبان عندك مخاوف بزاف على أمور تافهة.

نحي من راسك الأوهام والأفكار المثبطة

اللي تخليك تخاف.

واستخير الله عزوجل وامض إليها

بالكريقة اللي تعرفها كل البيوت الجزاىرية.

ماتبعث حتى واحد يتوسطلك عندهم.

لازم تطلع على حقائق الأمور بنفسك ماعدا فيما يتعلق بعائلتك.

أن عندهم سيارة وبعض القروش لايعني انها خير منك وأنك ماتصلحلهاش.

الأمور المادية ماشي كل شيء في الحياة.

كلما كنت أكثر رباطة جأش

وأكثر شجاعة كلما كنت اكثر قوة في تلقي الصدمات.

لاقدر الله لو كان مايقبلوكش ماتمرضش.

قوي قلبك وصل صلاة الاستخارة.

وتوكل على الله

إذا وافقو عليك كان فيها الخير لك.

وإذا ماوافقوش كان فيها الخير لك.

والخير كل خير فيما اختار الله.

في انتظار ردود باقي الأعضاء.







رد مع اقتباس
قديم 2018-10-08, 17:24   رقم المشاركة : 4
معلومات العضو
mouadcana
عضو جديد
 
إحصائية العضو










افتراضي

السلام عليكم

انت روح هدر معاها اخي و لا روح مباشرة للمنزل لخطبتها ما فيهاش حتى مشكل و ربي يوفقك ان شاء الله







رد مع اقتباس
قديم 2018-10-08, 19:38   رقم المشاركة : 5
معلومات العضو
عثمان الجزائري.
مؤهّل منتدى الأسرة والمجتمع
 
الصورة الرمزية عثمان الجزائري.
 

 

 
إحصائية العضو










افتراضي

مسألة الفارق في المستوى المعيشي تعود إلى شخصيتك و خلق العائلة التي تريد أن تصاهرها، حقيقة إذا كنت مرتاح لهذا الفارق و متأكد أن البنت راضية بأن تعيش حسب إمكانياتك دون أي مشكل أو معايرة فتقدم لها و إستخر الله فما خاب من إستخار، ثانيا كنت قد تكلمت عن عمل بديبلومك، أقول و بكل ثقة لا تركض وراء العمل بديبلومك فستصدم بالراتب الذي لا يصل لراتبك الحالي مع جو غير مريح في العمل و الله هو الموفق...







رد مع اقتباس
قديم 2018-10-09, 10:50   رقم المشاركة : 6
معلومات العضو
محمد جديدي التبسي
عضو ذهبي
 
الصورة الرمزية محمد جديدي التبسي
 

 

 
الأوسمة
وسام الوفاء 
إحصائية العضو










افتراضي

لو كنت في مكانك لا أنصحك بهذا الزواج
الأفضل لك فتاة ماكثة في البيت خاطيها الخرجات والسيارات
تكون بسيطة ترضى بمدخولك وتعيش معاك على قدر ظروفك افضل
اما وحدة عاشت رفاهية وتقود سيارة وتعتمد على نفسها في كل شيء لن ترى في الرجل والزواج سوى تسوية وضعية والله أعلم
وممكن نكون غالط وهذه الفتاة متواضعة ومتخلقة وليس ذنبا أن تكون من أسرة غنية لكن شخصيا لا أتقدم لها ولو كنت املك سيارة وعمل جيد
ربي يوفقك







رد مع اقتباس
قديم 2018-10-09, 12:32   رقم المشاركة : 7
معلومات العضو
*سندوسة*
عضو ذهبي
 
الصورة الرمزية *سندوسة*
 

 

 
إحصائية العضو










افتراضي

السلام عليكم

انا نقولك بلا ماتتوسوس وتعقد الامور
توكل على ربي مدامك مفتنع بيها وعجباتك
وربي يسهل امورك ومدامك نتا مراكش طامع فيهم ادا خليهم يحسو بهاد الحاجة وبينلهم انك راجل قادر على المسؤولية

كاين متل عندنا يوقوله هو لي يخاف رزقه قليل






رد مع اقتباس
قديم 2018-10-10, 02:03   رقم المشاركة : 8
معلومات العضو
رندة.
عضو مميّز
 
إحصائية العضو










افتراضي

صلّي صلاة الاستخارة وإلي فيها الخير ربي يقدرهالك إن شاء الله.







رد مع اقتباس
قديم 2018-10-10, 20:49   رقم المشاركة : 9
معلومات العضو
rafika1988
عضو مميّز
 
الصورة الرمزية rafika1988
 

 

 
إحصائية العضو










افتراضي

صلي صلاة استخارة وتوكل على ربي
بالتوفيق لك







رد مع اقتباس
قديم 2018-10-12, 12:32   رقم المشاركة : 10
معلومات العضو
ام البنوتة
عضو مميّز
 
إحصائية العضو










افتراضي

الوسيط يجب ان يكون ثقة لانه ممكن هذا الاخير هو لي يفسد عليك
جرب حظك و شوف و زوجة قريب في العائلة عاشت حياتها في فرنسا عندها اقامة فقط و تزوجت و اتت الى الجزائر من اجل زوجها رغم انه متوسط الحال لكنها راضية به
كلش بالمكتوب.







رد مع اقتباس
قديم 2018-10-12, 14:27   رقم المشاركة : 11
معلومات العضو
zineb zizi47
عضو جديد
 
إحصائية العضو










افتراضي

روح احكي مع والديها قال ها وش عندي حاب بنتكم على سنة ربي و نبي اذا تقبل صحا و اذا مقبلتش ربي يجيبلك ما احسن منها







رد مع اقتباس
قديم اليوم, 18:48   رقم المشاركة : 12
معلومات العضو
kacimo.samy
مشرف منتدى الترفيه *
 
الصورة الرمزية kacimo.samy
 

 

 
إحصائية العضو










افتراضي

السلام عليكم

رووح اخطب يا خويا






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 22:12

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2018 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc