حلقات السيدة يعلى حصريا - الصفحة 21

aicha3357 · 2012-06-09, 11:01

sbeh elkhir alrawabit la te3mel ma3i arjou almesa3ada

mimi53 · 2012-06-09, 17:52

رايحة انشاء الله كامل نكتبهم الف شكر ونورتي بوجودك

لحن الفرح · 2012-06-09, 21:56

شكراااااااااااااا اختي كل الوصفات رائعة جدا

liliane24 · 2012-06-10, 13:43

شكرا جزيلا لكل الأخوات على هته الوصفات الرائعة، فقطعندي طلب للأخت أمال7 ، الكروان الجريح ،.......... وكل متتبعات السيدة يعلى إذا كانوا استمعوا إلى الحصة الأولى الخاصة بتحضيرات رمضان و اللي قدمت فيها السيدة يعلى رأس الحانوت أن لا يبخلن علينا بالوصفات لأني حقيقة في أمس الحاجة لمثل هذه التحضيرات.

mimi53 · 2012-06-10, 15:55

اختي ليليان راني كتبتهم دوك حاكا شوية نحط كامل واش سمعت انتظريني حبيبتي

mimi53 · 2012-06-10, 16:04

مشروب الاناناس

علبة اناناس
ماء الاناناس نضعه في الثلاجة مكعبات
نقطع الاناناس قطع ونضيف له ياوورت الفراولة+1/2 كاس سكر نخلط حتى نتحصل على خليط خاثر+1/2 ل حليب
نخلط جيدا ونفرغ داخل اكواب ونزينها بماء الاناناس مكعبات وندخله داخل الثلاجة ليبرد

liliane24 · 2012-06-10, 16:51

اقتباس:

المشاركة الأصلية كتبت بواسطة mimi53

اختي ليليان راني كتبتهم دوك حاكا شوية نحط كامل واش سمعت انتظريني حبيبتي

شكرا جزيلا أختي ميمي ، رانا تعبناك معانا ، ربي يعطيك ما تتمناي

امال7 · 2012-06-10, 17:05

أختي ليليان راهي الأخت ميمي قالت لك سأحط الوصفات اذا كانت مشغولة رانى ساعدها و نحط معها شوية

liliane24 · 2012-06-10, 17:10

اقتباس:

المشاركة الأصلية كتبت بواسطة امال7

أختي ليليان راهي الأخت ميمي قالت لك سأحط الوصفات اذا كانت مشغولة رانى ساعدها و نحط معها شوية

شكرا جزيلا أختي أمال ، راني نعرفك وفية للسيدة يعلى، و الله تعودت عليها من خلالكم و أنتما اللي عرفتوني بها و الآن أصبحت أثق بوصفاتها ثقة كبيرة.
.

نتمنى أنك تفيديني انت أو الأخت ميمي بتحضيرات شهر رمضان حتى نكون في الموعد بإذن الله.

sisi 26 · 2012-06-10, 18:03

وصفات التسجيلات
la pain demi
200غ لحم مرحي + شوية معدنوس مقطع رقيق + 2 سنات ثوم مرابيين+ حبة بيض اعجني مليح و حطيلها ملح + فلفل أسود
من جهة أخرى اعجني 100 جبن بأبيض رجعيه كما المايونيز ديريه في ساشي
كل 2 مربعات منla pain demi مع بعض المربع الأول ديريلو زقزاق بالفرماج ثم ديري طبقة رقيقة من خليط اللحم المرحي شكلي بيدك أو حليه بالحلال خليط اللحم المرحي و قطعي مربعات لك الأختيار ثم ديري زقزاق بالفرماج فوق طبقة اللحم المرحي ثم مربع منla pain demi
خذي موس و قطعي على أربعة على شكل مثلثات و كل مثلث يغطس في البيض ثم يتغبر في لا شابلير الخشن ثم اقليهم و حطيهم يجو على شكل هرم ياكلوهم مع الشربة
يمكن استعمال الخبز العادي

تحضيرات رمضان
أنواع التشيشة اللي نحتاجها للبسبوسة و لقلب اللوز و للزلابية بوفاريك
نحتاج الرقيقة و المتوسطة و الخشينة
المتوسطة نحتاجها مقلية في طاجين أو مقلاة نحمسها كيما نتاع الطمينة على النار الهادئة نخدمو بها نوع جديد من الزلابية
ساشي نتاع القماش مخيطة من الفينة و نخبي فيها التشيشة و في كل ساشي ندير قرصة ملح
أنواع الفينيقرات vinigrete
نحضرها
1- vinigrete ذوق رمان
عصير قارص نكيلوه في فنجان قهوة حليب أو كأس لتاي لك الأختيار كيلي بنفس الكأس + 2 فنجان زيت الزيتون + م ص ملح + م ص خردل + 2 قشرات رمان يابس راه يباع توضع في قارورة نتاع الماء صغار وترج جيدا و تخزن في الثلاجة
2- vinigrete ذوق زريعة الكتان
زريعة الكتان تشبه السانوج لونها بني توجد عند العشاب

فنجان خل حمر + فنجان و نص زيت المائدة+ م ص ملح + م ص خردل + م ص حبوب زريعة الكتان + 2 م ص مايونيز و ترج جيدا و توضع في قارورة و تخزن في الثلاجة .
3- vinigrete الاعشاب
فنجان الخل البيض+ فنجان زيت الزيتون + فنجان زيت المائدة +م ص ملح + 2 ورق رند + شطبة صغيرة زعيترة + شطبة صغيرة اكليل الجبل + شوية حبق + سنة صغيرة ثوم مرابيةرجيها جيدا و ديريها في قارورة و دخليها الثلاجة
أنواع المايونيز
1- وصفة الأخت أمال 7
https://www.djelfa.info/vb/showthread.php?t=990434
2- في فرشيطة ديري مورسو بطاطا أو جزر طلعي بيها المايونيز و الزيت تكون على شكل قطرات
حبة بيض ديري كأس زيت + قرصة ملح قطرات الليمون في الميكسور دفعة واحدة في طاس ضيق
إذا خسرتلك المايونيز ديريلها الخردل و عاودي طلعيها
3- 2 صفار بيض+ قرصة ملح + قطرات من الخل + الزيت قطرات حتى تطلع و في الأخير نضيف م ص خردل + م ك كيتشاب + 2 م ك حليب بودرة نحتاجها للماسيدوان
المايونيز نحضره مع حلول رمضان ليس من قبل
حلوى الفلان
250 غ مارغرين طرية + نصف كس( كأأس اينوكس ) سكر ناعم + كأس فلان فاني ( 200 غ ) + 4 بيض + تقريبا 700 غ فرينة + 300 غ مايزينة +1 خميرة كيميائية
حطي المارغرين و ذوبيها بيدك ثم حطي الفلان و السكر الناعم و خلطي ثم حطي البيض واحدة تلو الخرى ثم المايزينة و الخميرة ثم الفرينة حتى تولي عجينة طرية
حليها بالحلال و قطعيها دوائرو مربعات مدة الطهي 20 دقيقة خليه يبرد ثم غطسيه في كونفيتور مخفف بالعسيلة
القلاصاج ذوق قهوة
كأس لتاي نيسكافي او قهوة طايبة في الدار تكون قاطعة بزاف أي مدوزية +كأس مارغرين ذايبة ثم ضيفي السكر الناعم و خلطي حتى تتحصلي على كريمة
كي يقطر القاطو من الكونفيتور اطليه بالطلية هاذي و ديري من فوق حبات قهوة مصنوعين من عجينو اللوز شكولا
اللي ما يحبش الحلو بزاف يقدر يستغني على السكر الناعم في الوصفة

sisi 26 · 2012-06-10, 18:21

تحضيرات يوم الثلاثاء الفارط لرمضان
نحتاج التوابل التالية
جوزة الطيب - قرنفل - حبو حلاوة- سانوج - زريعة الكتان - فلفل عكري حلو- فلفل عكري حار - نجمة الارض - حبة الهيل
طريقة تخزين الفلفل الحار و الحلو
نغسل الفلفل الحلو و الحار و نمسحو و ندهنو بالزيت ثم نشويه و بلا ما نقيه نضعه في باطة 3 رؤوس فلفل ثم ساشي ثم 3 رؤوس ثم ساشي حتى تمتلئ الباطة و نغلق عليها و نديرها في الكونجيلاتور
صنع الهريسة
كيلو فلفل أحمر يابس
نغلي لتر ماء مع رشة ملح ثم ننزعه و نقسم الفلفل كل حبة على زوج و نديرها في الماء المغلي لمدة نصف ساعة بعيدا عن النار
ثم نصفيه من الماء و نرحيه و نخبيه في علب مع وضع طبقة زيت الزيتون من فوق الهريسة

mimi53 · 2012-06-10, 21:27

اقتباس:

المشاركة الأصلية كتبت بواسطة امال7

أختي ليليان راهي الأخت ميمي قالت لك سأحط الوصفات اذا كانت مشغولة رانى ساعدها و نحط معها شوية

يعطيك الصحة حبيبتي امال ربي يخليك راني هادي اليامات مشغولة نتاع الصح الخدمة الجديدة عياتني راهي اختي سيسي راهي قايمة بالواجب
ربي يمدلها على حساب نيتها يارب

mimi53 · 2012-06-10, 21:28

اقتباس:

المشاركة الأصلية كتبت بواسطة sisi 26

تحضيرات يوم الثلاثاء الفارط لرمضان
نحتاج التوابل التالية
جوزة الطيب - قرنفل - حبو حلاوة- سانوج - زريعة الكتان - فلفل عكري حلو- فلفل عكري حار - نجمة الارض - حبة الهيل
طريقة تخزين الفلفل الحار و الحلو
نغسل الفلفل الحلو و الحار و نمسحو و ندهنو بالزيت ثم نشويه و بلا ما نقيه نضعه في باطة 3 رؤوس فلفل ثم ساشي ثم 3 رؤوس ثم ساشي حتى تمتلئ الباطة و نغلق عليها و نديرها في الكونجيلاتور
صنع الهريسة
كيلو فلفل أحمر يابس
نغلي لتر ماء مع رشة ملح ثم ننزعه و نقسم الفلفل كل حبة على زوج و نديرها في الماء المغلي لمدة نصف ساعة بعيدا عن النار
ثم نصفيه من الماء و نرحيه و نخبيه في علب مع وضع طبقة زيت الزيتون من فوق الهريسة

ربي يحفظك ويخليك لينا سيسي وربي يرزقك من حيث لا تحتسبين الف شكر حنونة

mimi53 · 2012-06-11, 15:00

طريقة تجميد الثوم

الطريقة 1

نقي ثوم يغسل وينشف ونضعها في اكياس حب

الطريقة 2

نقي الثوم نفوروه بعد غسله طبعا حتى يصبح مثل البطاطا نكرازيوه بالفرشيطة نضع له قرصة ملح 4 ملاعق زيت الزيتون يولي كي المعجون ونخبيه طبقات
اي نضع طبقة من الثوم فوق البلاستيك الي نديروه للثلاجة ثم ساشي نتاع الباستيك ثم طبقة اخرى نتاع الثوم وهكدا حتى تنفد الكمية
ثم يوضع قي الثلاجة

mimi53 · 2012-06-11, 15:02

طريقة تجميد الطماطم

تدهن حبات الطماطم بالزيت ثم تشوى قليلا في الطاجين نتاع الحديد او اي طاجين اخر
نتركها تبرد نضعها في الاكياس والى الثلاجة