// ** - الفيلات (Villas) الضخمة .. و ثقافة المجتمع - ** //

[*ام عبد الكريم*]

خلي البئر بغطاه اخي امير راني عانيت من هاذا المشكل مع شيخي
و الان الفيلا راهو ساكنها وحدو مع لعجوز و بنتهم المريضة ...حب التصلط و التدخل في كل امور الابناء

[❀ حسآم ❀]

السلام عليكم
بارك الله فيك أخي الكريم على الموضوع ،،،

لقد قرأت بعض الردود لم تعجبني للأسف


الوالدان يبحثان دائما على ما فيه صلاح لابنائهم ،،

فمهما فعلا فنيتهما الحفاظ على شمل العائلة ...

و ليس من أجل السيطرة كما قال أحدهم

[قمر 77]

لا اؤايد هذه الفكرة لازم نخلوهم يديرو وش يحبو لاكن كاين عفسة انو الوالدين اللي ضحاو بصحتهم و حياتهم من اجل ولادهم يخافو ي يكبرو ولادهم يروحو كامل و يخلوهم عليها كاين اللي يبني كل واحد و كيفاه يفكر عليها الواحد احسن من انو يبني باش يربطهم يربطهم برباط اخر يحسن تربيتهم و يرفد هو والديه باه يلقى وشكون يرفدو في كبرو
اذا الواحد جمع كامل اولادو في مكان واحد راح تزيد غير المشاكل بين الزوجات و الغيرة و تشعل بيناتهم و ينقلوها للاخوة و ترجع لا تطاق و هذا عن تجربة

[القناعة كنز]

يبني و يعلي و لما ينتقل الى رحمة الله يخي اولادو يتقاتلوا علبها حتى لوكان كل واحد و طابق تاعو فالاخير يبيعوها و ل واحد يخرج وحدو

[ام ملاك.]

والله يااخي ضربت في الصميم
الاهل نتاع هاذ الزمان غير بكري نهائيا
يحبو يبنو ويوسعو كيما قلت زعما باش يلايمو ولادهم بصح غير يتزوجو ولادو يبداو يكرهولو في حياتو ويخرجوه يروح يكري ؟؟؟
والي تلقاهم يعلو ويعلو ولاباس بيهم ولادهم مايسكنوش عندهم كل واحد وظروفو
رانا في واحد الوقت ربي يستر برك
انا من رايي نحب اللمة نتاع العيلة خاصة اذا كانت كبيرة بصح اذا كثروا المشاكل من الاحسن كل واحد يبعد خير ويتشاوفو في المناسبات باش يبقاو عزاز على بعض

[oum anas 69]

عاش و علا و مات وخلا

[الفولاذ الحي]

الشيئ الذي يقلقني كثير هو قلة جمال الفيلات ذات عدة طوابق مما تؤثر على مظهر الحي و المدينة و الشيء الذي يحيرني بما ان الشخص له المل لبناء فيلا لماذا لا يعتمد على مهندس و يقوم ببناء فيلا جملية مثل الفيلات التي تبنى في ايطاليا و اسبانيا و سويسرا

[اسماء منار]

انا شخصيا اايد فكرة بناء الطوابق المنفصلة للاولاد وهذا للم الشمل وحتى الاخ يرى اخاه يوميا حتى ان شاء الله امام الباب المهم عندي انه لما يغيب واحد ويتاخر يسال عليه الثاني ثم ان نكهة المناسبات مع بعض غير يا اخي وجملة الاولاد (الاحفاد) وتربيتهم مع بعض وصداقتهم لما يكونو من نفس العمر والله حتى مناوشاتهم في بعض الاحيان عند الجدين عندها نكهة خاصة
ثم ان الكنات اذا تعاشرت تكون الحياة حلوة وجملتهم في المساء عند البيت الكبير حول سينية القهوة تحسي انها توجد حياة في المنزل واذا مرض احد الوالدين تجد الخوف في وجوه الاولاد والكل يسال وينزل في كل وقت ليراهما والسؤال عنهما اما اذا كان كل واحد منفصل في سكن فردي تكون حياة والديهم جافة وتلقاهم في المناسبات متفرقين اذا حضر واحد الثاني تكون عنده الف عذر ......
والله هذا رايي وهذا الامر الي نحبو يكون عندي

[اسماء منار]

انا حاليا لديا ابن وحيد ربي يحفضهولي دائما موضوع النقاش بيني وبين والده انني لن اترك ابني يسكن بعيد عني ومرات امزح مع ابني واقول له سابني لك الفوق وابقى معايا وبلاك واح يدورلك رايك المسكين يحشم ويضحك عليا
اما قولك انا كلامي احلام والله ماه حلم بل حقيقة وانا عايشة نصفها في بيت اهلي مع زوجات اخوتي ربي هنيهم قولوا امين

[nesrinwarda]

السلام عليكم ورحمة الله وبركاته
الله يرحم كل أب و أم ضحاو باش إسهلو الحياة على أولادهم، لكن الأنانية هي لي تخلي الناس تشوف النعمة نقمة، لكن الدنيا تدور

[nesrinwarda]

السلام عليكم ورحمة الله وبركاته
حبيت نقول أن هذه الفيلا ما هي إلا نتاج تضحية الوالدين باش إوفرو الرخاء للأولاد لكن البعض سامحهم الله إشوفوها نقمة و إفظلو يعيشو وحدهم و أنساو أنو ألزمن يجري

[salim.salim]

السلام عليكم
أظن ان الفئة التي تتحدث عنها لا تمثل ربما حتى 5/100 من المجتمع حاليا
صحيح ان هذه الظاهرة كانت منتشرة بكثرة في الثمانينات و التسعينات اما الان فمجرد التفكير في الحصول على قطعة ارض اصبح ضربا من ضروب الخيال الا لذوي النفوذ و الاموال الطائلة اما غالبية الشعب المطحون فلا يستطيع تأمين سكن لنفسه فما بالك لابنائه و تجده يقضي عمره في انتظار ما توجد به عليه الدولة من شبه سكنات في علب الكبريت.