اي الفحلات ورولي شطرتكم

أم شهد* · 2014-12-07, 13:28

راه عندي مشكلة و عارفة بلي الشطورات نتاع المنتدى يساعدوني
مشكلة مع مرقة العدس قد مادرت مخرجتش مليحة
لي عندها نصيحة ولا طريقة مليحة تفيدني بيها

أم شهد* · 2014-12-07, 15:43

واش يا شاطرات 33 مشاهدة و لا رد

foufamara · 2014-12-07, 16:10

واش قصدك ما جيكش مليحة مايهة ولا سامطة و لا واش وضحي

أم شهد* · 2014-12-07, 16:22

اقتباس:

المشاركة الأصلية كتبت بواسطة foufamara

واش قصدك ما جيكش مليحة مايهة ولا سامطة و لا واش وضحي

اتجيني مايها حتءى واني نعقدها مليح بصح يبقا حب و سامطة

om mita · 2014-12-07, 18:10

بلاك تكثريلها الماء
نقولك طريقتي
ننقع كمية من العدس ليلة كاملة ونغمروا بالماء
في الغد نرابي حبة بصلة + زيت فلفل اسود احمر كمون ملعقة مليحة كسبر وطماطم حب مرحية ومصفية +طماطم مصبرة
بعد ميتقلاو نضيف العدس نقليه شوية نمرق حتى نغمر العدس شية برك مش يعوم قدر ما يتغطى برك
واغلقي لا كوكوت ربع ساعة افتحي اذا طاب واذا لا عاودي اغلقي واذا ناقص ماء زيدي
بلاك تحرقيه وترجعيها فيا هههههههههه
نشاله نكون افدتك
اي سؤال انا في الخدمة

أم شهد* · 2014-12-07, 20:12

اقتباس:

المشاركة الأصلية كتبت بواسطة om mita

بلاك تكثريلها الماء
نقولك طريقتي
ننقع كمية من العدس ليلة كاملة ونغمروا بالماء
في الغد نرابي حبة بصلة + زيت فلفل اسود احمر كمون ملعقة مليحة كسبر وطماطم حب مرحية ومصفية +طماطم مصبرة
بعد ميتقلاو نضيف العدس نقليه شوية نمرق حتى نغمر العدس شية برك مش يعوم قدر ما يتغطى برك
واغلقي لا كوكوت ربع ساعة افتحي اذا طاب واذا لا عاودي اغلقي واذا ناقص ماء زيدي
بلاك تحرقيه وترجعيها فيا هههههههههه
نشاله نكون افدتك
اي سؤال انا في الخدمة

يعطيك الصحة يالفحلة انا صح رني نكثرلو في الماء لاخطراش حبات العدس نحسهم مطبوش حتى و الكوكوت تصفر ساعة مفهمتش
باحلك المشكلة في االعدس

khawla_eleulma · 2014-12-09, 21:10

لعدس نتاع اختي يجي بنين راح نقلك على الطريقة انشاء الله يصلح معاك شوفش شمخي لعدس من جهة ومن جهة اخرى رابي حبة بصلة +ثوم+ملح+كسبر+فلفل اسود+كسبر+كمون اذا عندك الدبشة قطعي معاهم شوي +زيت وخليها تتقلى مليح حتى يذوب لبصل ويخرج الزيت صفي العدس وقليه مليح ومرقي الاهم هنا انك متمرقيش مليح طاوة برك وكل متشوفيه يحتاج زيديلو الماء ولازم سخون بشوي بررك متمرقيش على ضربة وحدة هذا هو السر
اذا كان لعدس نوعيته مش مليحة غليه كيما نغليو المقرونة........وبالتوفيق

hamza-ski · 2014-12-10, 17:20

merci a vous aussi

ايوب ب · 2014-12-11, 19:52

انا نقولك خبرتي مع لعدس ادا كان الماء الي تستعمليه ميطيبش لعدس او الحبوب حطي الماء يغلي بعد ها ارمي لعدس بعد ما يطيب لعدس انتي حضري بصلة وتوم وكمون وملح وفلفل اسود وزيت ورميهم في لعدس ونقصيعليه وخليه يصيب على نارقليلة بعد ما يطيب كلشي اضيفي الطماطم الصبرة وخليه يطيب على نار قليلة وحركي من الحين للاخر باه ميلسقش ارمي راس فلفل حار وخليه يطيب اسمحلي على الاطالة جربيه ونشاء الله يصلحلك

OMGHANO · 2014-12-11, 20:25

اختي هذي طريقتي في تحضير العدس جربسها وشوفي سخني الماء حتى يغلي وفرغي فيه العدس وروحي للكوطة تاعك رابي حبة بصل وحبة طماطم وسنات ثوم ومغرف طماطم شويه حشيشة شربة زيت فلفل كمون ملح هريسة وحمسيه ولي للعدس تاعك حكيه بين يديك مليح حتى تتنحى القشرة فرغي هذاك الماء وشلي حتى مليح ومرقي الكوكطة ثم فرغي العدس ماتخليش التمرق يسخن والاميطيبش العدس اغلقي علية مدة 20 دقيقة

لميس العلمية · 2014-12-11, 20:40

انا نشمخ العدس في ماء سخووون ومن جهة اخرى ندوزن الكوكوطة و نمرق ولما تسخن نكون قشرت العدس ونعاود نشلو بماء سخون حتى تروح كامل القشرة لكن ما تستعمليش ماء بارد وحطي العدس في المرقة وسكري الكوكوطة حتى يطيب

أم شهد* · 2014-12-11, 21:34

اقتباس:

المشاركة الأصلية كتبت بواسطة khawla_eleulma

لعدس نتاع اختي يجي بنين راح نقلك على الطريقة انشاء الله يصلح معاك شوفش شمخي لعدس من جهة ومن جهة اخرى رابي حبة بصلة +ثوم+ملح+كسبر+فلفل اسود+كسبر+كمون اذا عندك الدبشة قطعي معاهم شوي +زيت وخليها تتقلى مليح حتى يذوب لبصل ويخرج الزيت صفي العدس وقليه مليح ومرقي الاهم هنا انك متمرقيش مليح طاوة برك وكل متشوفيه يحتاج زيديلو الماء ولازم سخون بشوي بررك متمرقيش على ضربة وحدة هذا هو السر
اذا كان لعدس نوعيته مش مليحة غليه كيما نغليو المقرونة........وبالتوفيق

يعطيك الصحة نجرب طريقتك و نردلك لاخبار

أم شهد* · 2014-12-11, 21:36

اقتباس:

المشاركة الأصلية كتبت بواسطة ايوب ب

انا نقولك خبرتي مع لعدس ادا كان الماء الي تستعمليه ميطيبش لعدس او الحبوب حطي الماء يغلي بعد ها ارمي لعدس بعد ما يطيب لعدس انتي حضري بصلة وتوم وكمون وملح وفلفل اسود وزيت ورميهم في لعدس ونقصيعليه وخليه يصيب على نارقليلة بعد ما يطيب كلشي اضيفي الطماطم الصبرة وخليه يطيب على نار قليلة وحركي من الحين للاخر باه ميلسقش ارمي راس فلفل حار وخليه يطيب اسمحلي على الاطالة جربيه ونشاء الله يصلحلك

ان شاء الله حنونتي

أم شهد* · 2014-12-11, 21:40

اقتباس:

المشاركة الأصلية كتبت بواسطة omghano

اختي هذي طريقتي في تحضير العدس جربسها وشوفي سخني الماء حتى يغلي وفرغي فيه العدس وروحي للكوطة تاعك رابي حبة بصل وحبة طماطم وسنات ثوم ومغرف طماطم شويه حشيشة شربة زيت فلفل كمون ملح هريسة وحمسيه ولي للعدس تاعك حكيه بين يديك مليح حتى تتنحى القشرة فرغي هذاك الماء وشلي حتى مليح ومرقي الكوكطة ثم فرغي العدس ماتخليش التمرق يسخن والاميطيبش العدس اغلقي علية مدة 20 دقيقة

عندي نهارين ملي جربت تقريبا نفس طريقتك هذي و عجبتني فكرة نح القشورنتاع العدس حتى و يشدو اليد و جاني خير من قبل حتى و انا راني نشوف بلي لعدس لي يتباع مش كيما نتاع بكري يطول ميطيبش