الجزء 189 من كوزينة حراير الجلفة ..كوزينة أغلى حراير

[ريتال2]

المشاركة الأصلية كتبت بواسطة حياة نور الدين

نبداو على بركة الله
فطوري لول بارحةيعني نهار الاربعاء طاجين الجبن وحوت وسلطة











والبارح فطوري شربة وبوزلوف تشهاه سي سيد وسلطة بصح مصورتش منفحتليش على قول ام هدول ههه

واليوم فطوري حريرة خفيفة تهبل وبوراك وارز ببروشات الدجاج نتمنى جربوه لبنات خفيف وهايل وبنين ههه

مصحتكم ماشاء الله الله يبارك عجبني ببزاف ديكور ارز وبروشات ماشاء الله عليك تحفة

[RIMA.87]

السلام عليكم اخواتي في الله ،
صح فطووركم ،ام هدول ،بيان نهولة حيوتة سحابة hillin،
اختي soussou،ما شاء الله عليك تطبيق رائع للعجينة المورقة و ربي يجعل مجهوداتك في ميزان حسناتك ،مشوورة على الوصفة حتى يستفادو الاخوات ،كنت جربتها و كانت ناجحة و عاودتها اكثر مه مرة لكن هاد العام ما خدمتهاش،

اختي فيفيو ربي يوفقك و تنجحي و تكوني من الاوائل و ربي يوفقنا و يعينا على تلاوة القرآن و تدبره و العمل به ،
ممكن تستفادي من هذه الوصفة تاع السوفلي لانها مجربة و ناجحة ،
اليوم شربة كان باقية من البارح و بوراك و درت لاتورت بالسلق جات خفيفة و استعملت عجينة السوفلي للاخت لجين ستايل،و سلطة و الحمد لله على نعمه




هادو بعض الصور:
ماسيدوان درتها لبارح و زينتها بكريمة الجبن لونتها بالبيتراف ،مع طاجين الحلو و طبقت تحلية لي دارتها اختي ياسمينة ،




و هذا الفطور تاع اختي ام مريم عرضت اختي ياسمينة فطرت عندها،راهم يبلغولكم السلام و يقوللكم رمضان مبارك،




و الحمد لله على نعمه ،
اللهم لك الحمد حتى ترضى و لك الحمد اذا رضيت و لك الحمد بعد الرضى ،

[حياة نور الدين]

المشاركة الأصلية كتبت بواسطة ريتال2

شكرا لك اختي امين يارب ان شاء الله تكوني قدوة لنا ونولو مثلكن يارب يارب يحفظلك الادك وعائلتك شكرا ربي يبارك فيك
صحا صحورك

ربي يحفظك رتال ويوفقك ورانا نتعلموا مع بعضنا حنا ثان كنا مبتدئات وتعلمنا ومزال

[ريتال2]

المشاركة الأصلية كتبت بواسطة حياة نور الدين

ربي يحفظك رتال ويوفقك ورانا نتعلموا مع بعضنا حنا ثان كنا مبتدئات وتعلمنا ومزال

امين يارب عالمين شكرا نيشان رانى نتعلمو ان شاء الله وننجحو فيه ونكونو متفنينين ههههههههههههه صحا صحورك

[ام هدول]

هههههههههههههه مت باللضحك عليك حيوته... ربي يعيشو. يابر ألبي......السلطانم هدي ..يدير كيما يحب...راهو في مملكتو ..هههه
حيوته التعب فيهافيها ..الدراردي تع درك ّ.لي زانديا....ماقدنالهمش
المهم طابلتك تحفه كي العاده ربي يدومها..ويعطيك صحيحتك.
خاصه وصفه الروز عجبتني نهار تنفحلي على الروز. نجربها..
نقولك. تصبحي بخير وصحه صحورك

[حياة نور الدين]

رتال صح سحورك حبيبتي

ام هدول اضحكي اضحكي هههه عقبالك هههه وربي بحفظهم ووصفة الارز غير جربيها وماشي مكلفة

ريمة اهلاا وصح فطورك كلشي هايل خاصة سلطة ويعطيها الف عافية ام مريم وبصحتها ياسمين

[Hillin]

صحا سهرتكم يالحراير
وبصحتكم الفطور وتقبل الله منا صيام اليوم التاسع من شهر الفضيل
مرحبا ختي ريما مممم وبصحتك الفطور فور تبارك الله انا البارح كنت ضيفة في دار عجوزتي ربي يطول ف عمرها ويحفظها للولادها
مي مصورت والو ههههه
يعطيك الصحة ختي حياة كلش يشهي اما البوزلوف الحمدلله مكانش ليبغي ياكله في داري المهم بصحتكم.الله يدوم نعم ويحفظها من الزوال

[nina hnina]

شكرا ليك اختي ريما ربي يخليك راني حابة نشارك معاكم ونطلعلكم الصور بصح جربت ومحبوش يطلعو صح صحوركم

[Hillin]

فطوري ليوم درت شربة فارميسال طاجين زيتون وطاجين حلو سلاد وميني بيتزا جات خفيفة بلبزاف وديسير دلاع وفلون

[بيان 5]

السلام عليكم صح سحوركم وربي يتقبل منا ومنكم

[الفتاة السعيدة]

الف الف الف مبروك افتتاحية مباركة

[nina hnina]

شكر لك اختي ريما وصح فطورك مسبقا وبارك الله فيك

[RIMA.87]

المشاركة الأصلية كتبت بواسطة nina hnina

شكر لك اختي ريما وصح فطورك مسبقا وبارك الله فيك

السلام عليكم و رحمة الله و بركاته ،
العفو اختي nina و فيك بارك الله و صح فطوورك،

[RIMA.87]

المشاركة الأصلية كتبت بواسطة RIMA.87

السلام عليكم اخواتي في الله،
صح فطوووركم،
حيووتة ،سوسو 5 ،فيفيو،نينا،ريتال ،ام هدول ربي ينجح بنتك و جميع ابناء و بنات المسلمين ،
و كل الملتحقات و الغائبات ان شاء الله تكونوا بخير،
اختي نينا كاينة طربقة للاخت ام لجين هيثم من بعد نبحث عليها و نحطهالك ان شاء الله،
اختي فيفيو اضا كنت تقصدي وصفة خبز على شكل قلب هو في الاصل شكل زهرة و كي تقسميه يصبح قلب و يجي خفيف،تفضلي الوصفة و كما ذكرت سابقا اخذتها من سميرة تيفي.

اختي ياسمينة الحمد لله راهي مليحة و تقوللكم صح فطوووركم و صح رمضانكم و هاد التحلية بعثتهالي قبيل من قلب الحدث ....خخخخخ من الثلاجة هي لي عملتها تحليو بيها في السهرة ان شاء الله.

السلام عليكم اخواتي في الله ،
اعتذر للاخوات لي احتفظوا بالوصفة يعاودو يحملو هادي لاني نسيت في مكونات الخبز 100غ سميد نضيفوها مع الفرينة ،


ان شاء الله تجربوه و تنجحوا فيه

صح فطووركم

[nina hnina]

الله يسلمك حنونة وانت وخياتي تاني والله راني نستفاد من الاطباق بارك الله فيكم