حلوة الفو مادلان الرائعة وهشوشة ا

[لجين الحبيبة]

السلام عليكم حبيباتي الغاليات انا اليوم حبيت نفيدكم بواحد الحلوة رائعة واقتصادية باتم معنى الكلمة جربوها والله ما تندموا


الفو مادلان : 05 صفار البيض + كاس سكر قلاصي + خلط باليد مليح + 250غ زبدة انا نخدم بsol نخدمهم مليح + قشور القارص + كاس مايزينة


+ 1 خمارة + فرينة حتى نتحصل على عجينة طرية هذه المرحلة عادي


نشكلو كريات ومن بعد انديروهم في لمول تاع المدلان الصغار مول حديدي بعدما نكونو حشيناهم بحلوة الحلقوم او اي حشو تقدري تستغناي على هذه الخطوة


او لمول تاع ليباركات ومن بعد تنقشيهم بالنقاش وتغرسي حبة لوز في الوسط للتزيين فقط ومباشرة الى الفرن حتي ايطيبو وجدي لعسل انتاعك وغطسيهم


فيه لعسل بارد اذا كان سخونين والعكس ثم ضعيهم في حاويات والله غير روووعة ديروهم وعلى بالي تنجحو فيهم وتعطوني دعوة الخير


من فضلكن تعليق على الموضوع اطلعلي المورال لانو فعلا يستاهل سلام وصح عيدكم

[imen.tamara]

يعطيك الصحة ........نجربها نشاالله....بصح اختي لوكان درتي الصور أحسن

[نسمات الريح]

ياسهلا بناس أفلوو،باين قاطو زين ‘ن شاء الله نجربوووووووه يعطيك الصحة

[idron0]

جزاك الله خيرا

[hano.jimi]

روعة تحفة يعطيك الصحة .

[لجين الحبيبة]

اسفة حنونتي البورتابل انتاعي راه دا الشيخوخة مش قديم بصح الاطفال من واحد لواحد ما نقولاكش ما عليش نشري بورتابل مليح ونصورلك بصح جربيه ورايحة تدعيلي ما تفوتيش الفرصة

[حسيبة1]

اختي كتبتي مرتين كاس سكر ڨلاصي. تقصدي زوج كيسان ولا خطأ في الكتابة؟
ويعطيك الصحة

[makmanina]

اختي حابة نجربها لكن اكتبت مرتين كاس سكر قلاص ارجو الاجابة

[makmanina]

اختي الكريمة حابة نجربها بصح كتبتي مرتين كاس سكر قلاص ارجو الإجابة

[sandie belle]

يبان مليح . بارك الله فيك اختي و لكن السكر قلاصي 2 كيسان ولا واحد برك؟

[لجين الحبيبة]

اسفة حبيباتي كاس مايزينة مش سكر قلاصي عفوا

[Aya69]

يعطيك الصحة روووعة ما شاء الله بصحتكم وصح عيدكم

[أم عمار السطايفية]

راهو يشبه الصابلي المنقوش على ما اعتقد