كيف يمكن استثمار 50 مليون سنتيم

[selma mona]

شكرا على النصائح وكيما قالت الأخت أين الثقة إذا فتحت محل مع شخص كشراكة وشكون يقلك بلي راه مايسرقكش هدا الزمان الخو ياكل مال خوه فما بالك بالغريب إذا كنت نويت تشاركي وتفتحي محل في أي إختصاص لازم تكوني على علم بكل التفاصيل وكل مدة تحدديها إنت وشريكك تراجعو الحسابات وعندك تقعدي في دارك وتستناي الدراهم لازم تكون عينيك في وسط راسك وطول متابعة التطورات في المحل هذا رأيي وأخيرا المثل يقول الشركة هلكة وربي يوفقك ممكن تديري صلاة إستخارة على اقتراحات الأخوة كالبنك والمحلات والتجارة ربي يقدك الي فيه الخير إنشاء الله

[التحنجير]

المشاركة الأصلية كتبت بواسطة sara_82

iشكرا بارك الله فيك على الفكرة و لكن هل يمكنك ان توصلني بهذا الشخص كي يشرح لي جيدا الطريقة ، لأنه من الصعب أن تتحقق الثقة في الاشخاص الا اذا كان هناك حماية قانونية .

السلام عليكم

أختى انا أعلرف هذا الشخص جيدا لأنه صديق
بالنسبة للثقة هناك شيئ اسمه موثق
وبالتالي يمكنك أن تكتبي عقد عند الموثق كي يلتزم شريكك بالدفع شهريا
بالاضافة إلى إضافة شرط في العقد بحيث إذا زادت الارباح تزيد المبلغ الشهري ال\ي سيدفعه لك

وهنا سيحميك القانون جيدا

لكن ما أنصحك به هو أن تسألي عن مداخيل الشهرية لمثل هذه المحلات في منطقتك

لأن المدخول حسب منطقة تواجد المحل

في المدينة ليس كما في الريف

في وسط المدينة ليس كما في الشوارع الاخرى

قرب محطة القطار.. الحافلات..الطاكسيات... مدينة العاب...حدائق عامة...ثانوية...جامعة...مدرسة ....

كل هذه الاماكن جيدة جدا

[abdelhak501]

المشاركة الأصلية كتبت بواسطة ذكرى أبي

أنا رأيي تحطيهم في بنك إسلامي كيما السلام ولا الخليج و تنسايهم شوية و تخليهم يدخلولك أرباح بطريقة حلال .لاخاطر حتى مشروع بهذا الثمن ما راح يربحك بزاف .إيلا كريتي حانوت يروحو فالكرا و ما تلقاي والو ،أرض فلاحية باش تربحي بيها لازم تكون كبيرة و بهذا الثمن ما تلقايش أرض فلاحية و زيد شكون الي يوقفلك عليها. التاكسي و لا السيارة باش تكون حاجة سوليد و تبقالك لازم سيارة شابة و إنسان تاع مهنة. أما الذهب أظن راهو غالي و نهار تحبي تبيعيه ما ياطيولكش فيه بزاف.بالصح لوكان تحطيهم كيما قتلك راكي ضامنة بلي دراهمك راهم في أمان و زيد تربحي بطريقة حلال. ادخلي للموقع تاع مصرف السلام (المقر دالي ابراهيم) كاين واحد الكونت واسمو "أمنية" وقيلا .....و ربي يوفقك

يا خويا راقدة وتمونجي حرام ، كل مال بلا تعب حرام الناس قاع تعرفها هادي

[Rabie hadjra]

شكرااااااااااا

[sidali1988]

اعطيهم لي نخدم بيهم والفايدة بيناتنا

[kadirou barça]

انا من الغرب
عندي صاحبي شرا خيمة مغربية و 300 كرسي معا طاولات نتاعهم ويكري للعراس الخيمة ب 7000 دج و كراسي ب 3000 دج للعرس
نقام عليه كل شئ ب 43 مليون
انا نضن انها فكرة جيدة بصح ما نعرف ايلا عندكم في الناحية لي تسكني فيها يديرو كيما هاك ولا لا ؟

[Delka]

احسن مشروع هو طلب الزواج من رجل مخلص و هو الدي يتولى ما بقى.

[ala_mobile]

المشاركة الأصلية كتبت بواسطة sara_82

انا لم اضع المال في البنك خوفا من الربا و مساعدة هذه البنوك في عمليات الربا مثل ما تقول و لكن السيذة قالت انها بنوك اسلامية و تعطيك ارباح ليست ربوية وانما بحسب ما استعملوا فيه مبلغك ؟ و هذا حلال ؟ لكن ان كانت ربوية و تغطي نفسها باسم بنوك اسلامية نا يجب السؤال و معرفة لاول هل هي كذلك
بالنسبة لمشروع كراء فساتين الاعراس فكرت فيه منذ العام الماضي و لكن وجدتبأنني لو فعلت ذلك سأخسر اموالي بين شراء الفساتين و كل ما يلزم العروس من تجهيزات بالاضافة الى الكراء حيثلا يوجد كراء مناسب كله غالي في العاصمة اقل محل ب 5 مليون سنتيم للشهر او 4 مليون سنتيم للشر و بالتالي سأكون خاسرة لأنني قد لن اعيد اموالي التي خسرتها خاصة ان الاعراس في فصل الصيف فقط و باقي العام تقل ...

و بالنسبة للثقة لا يوجد شخص اثق فيه ليشاركني ...و بحثت عن شريك منذ السنة الماضية ...

ربي يجيب الخير برك .

لي يكن في علم الجميع ان في الجزائر لا يوجد بنك اسلامي وحتى ادا كانت التسمية تابعة لي بنك اسلامي مثل بنك السلام هو فعلا بنك اسلامي لكن في الجزائر لا ، لماذا ؟ ، الجواب هو أن جميع البنوك مهما كانت يجب ان تتعامل مع البنك المركزي ويكون رصيد فيه وبنك المركزي الجزائري يعمل بالفوائد الربوية مما يحتم على جميع البنوك
في الجزائر مهما كان النظام فيها ان تتعامل بالفوائد الربوية ويالتالي الخلل راهو في البنك المركزي هو لي خلا هذا النظام يسود في الجزائر وحتم على البنوك الاسلامية تمشي بهذا النظام ، ان شاء الله برك تكونوا فهمتوني

[midodah-17]

افتحي بيهم مقهى انترنت مشروع ناجح 100%
انا عندي خبرة كبيرة فهاد المجال و نصيحة أخوية مني ليك
عندي استعداد نساعدك مجانا في الصيانة و الشبكة الخاصةة بالمقهى
كوني جادة برك و اعرفي كيش تتصرفي

[مـــاهـــر]

اشريها قطعة ارضية ومبعد عام ولا 2 بيعيها وتربحي اضعاف المبلغ

[abderahemane]

السلام عليكم
اختي الكريمة ما رايك في الاستثمار في الطاقة المتجددة الطاقة الشمسية
ضمان 20 سنة من اكبر شركة عالمية للتامين و هي الشركة الالمانية اليونس للتامين
زائد عقد الملكية
و كلما زاد ثمن الكهرباء زاد ربحك و نحن نعلم ان طلب الكهرباء في تزايد مستمر
اذا اعجبك اقتراح انا هنا لاشرح لك

[moh125]

أشري qq وديري سائق ثقة وخليه يخدم ان شاء اللله يكون مدخول جيد

[mali.kana]

أختي زوري موقعهم على الأنترنت و سترين بنفسك و هم يؤكدون أن الأرباح ليست ربوية فهي ليست محددة بنسبة معينة و ربي يسهل إن شاء الله....

[Zaki Vedad]

السفر بها لدولة اجنبية و البحث عن عمل فيها يجني ارباح

[sorour93]

السلام عليكم ورحمة الله وبركاته بعد الاطلاع على كل الردود اقترح عليك بنيتي بان تشتري ذهبا لانه رصيد مالي وملاذ امن للكثرين وهو يتزايد سنة بعد سنة والله عن تجربة كنت شريت قيمة 8ملاين و100الف بعد ثلاث سنوات طلعت16مليون بلا ما حسيت بيه وحتى كتهبط مكيش خاسرة لانو الذهب دائما عنده قيمةوكتبعيه بعد سنوات ان شاء الله تكوني رابحة برك ما تبعيش لصائغ خاطرش ميعطيكش مليح فيه يديه من سومة الكاسي بيعيه ناس يكونو يحوسو يشرو الذهب لبنتهم ولا ولدهم ولا كاين لي تكون خدامة وتبغي تشري عليك وربي يوفقك