الجزء 82من واش طيبتي اليوم**تحضيرات العيد** - الصفحة 15

دائمة الحمد · 2014-07-24, 00:34

سخفتوني في لي قاطو تاع العيد ايديا تاكل فيا نصور ليكم واش عندي وقولولي نكمل ام لا
اناحابا نهار الجمعة نزيد مقروظ وكروكي برك راني تعبانة والطبيب اخر مرة قالي نقصي الوقفة خلاص ولاتونسيون راهي 8على6 والحمد لله
وقالي كولي رمضان قتلو هذاك لي مازال سيالسيد عندو السكر وانا فبلاس نحطو طابلة الغدا بعيد الشر علينا سي السيد راهو يصوم ماشاءالله بالصح السكر نتاعو فايض علينا احنا بعد العيد عندي معاه اجتماع ههههههههههههه

om mita · 2014-07-24, 00:34

هذي كرومة حمرناها في الفور امممممممممممممممم

اجنحة الدجاج بصلصة البافلو النتيجة كانت رائعة وكامل عجبهم وماتو منو

هنا كي كانو في المقلة ميبانوش حومر

وهذا عصير الليمون والنعناع مفارقنيش ولا يوم

وهذي بقلاوة فارس جيدي تهبببببللللللللللللللللللللل ومورقة وساهلة بزاف خاصة الي عندها المشينة
درتها في دارنا مع خواتاتي

في امان الله
صح صحوركم
متنساوش الصدقة رمضان قريب يخلاص
معليش كسرة كل يوم او مطلوعة او لبن او اي شيء بسيط المهم صدقة
لا اله الا الله

om mita · 2014-07-24, 00:37

دائمة الحمد يعطيها الصحة اميرة وقولها راكي شجعتيني نديروا غدوة نطبقوا باذن الله
قولها 10 على 10

دائمة الحمد · 2014-07-24, 00:37

اقتباس:

المشاركة الأصلية كتبت بواسطة om mita

صح فطوركم كامل
راني جيت نبارك ونجيب كواليس القاطو
هذا مقروط درتو نها الي دارتو ام محمد تاج بصح لحق ليكم روطار

وهذا كروكي رولي والله غير يكره منزيدش نعاودو خلاص

وهذو بعض طياباتي للايام الي فاتت

هذا قراتان البطاطا والباذنجان يهبل

وهذي افخاذ الدجاجا الكاذبة يهبلوا وساهلين كنت خالعة منهم ههههههههه
وراجلي عجبوه مات منهم

وهذا كويس محشي مع الفطر ولكرام فراش اممممممممممم

يتبع ...

ام ميتا ماشاء الله كلش 4444444444444444
والمقروظ باين هشوش يهبل

دائمة الحمد · 2014-07-24, 00:40

ربي يخليك ام ميتا
تصبحن بالف خير

أم فاطيمة · 2014-07-24, 00:46

الاخا شاوية حرة ايه درت 500غ زبدة
و ادا كانش استفسار راني هنا

أم ريمة* · 2014-07-24, 00:53

يسلمك دائمة الحمد وبصحتكم طاولتك تشهى ويعطيها الصحة اميرة راهى شاطرة من اين هذا الشبل من تلك اللبؤة سخفتنى بوصفتك انتاع البطاطا ممكن الطريقة من فظلك
ام ميتا ما شاء الله كلش روعة والخبز جاك خفيف يشهى يعطيك الصحة اطباقك فالقمة
والبقلاوة روعة بصحتكم

awladi · 2014-07-24, 00:57

ام ساجد تفضلي كواليس حلوياتي المتواضعة
مزال كحلوشي نزينو برك والبقلاوة دورك كملتها غدوة الصباح نطيبها ويبقالي المقروض برك وخلاص

دائمة الحمد · 2014-07-24, 01:03

تعيشي ام ريمةوهاي الوصفة حطيطها قبل الفطور لي اخت طلبتها

والله يا ام اية مانيش شاطرة ياسر في المورانق ممكن تصبري يدخلو لبنات بعد لفطور
عزيزتي روعة امين يا رب البطاطة تنقيها وتقطعيها عادي وتحطيها في غميقة وتعمليلها الثوم مرابي الملح التوابل الي عندك عصرة قارس والموتارد كمية زيت وتخلطيها وتغطيها وتخليها وحدنص ساعة تشرب هذوكالتوابل
من بعد حطي فنجان ماء فالكوكوكط وفنجان زيت وخليهم يسخنو وارمي البطاطا بكلها بلي معاهاوقلبيها مليح وفطعي فوقها حبة والا 2طماطم واغلقي عليها الكوكوط ونقصي النار ربع ساعة وحلي عليها ا ومسيها اذاكان طابت طفي النار والا ما طابتش رجعيها تكمل ماتحركيهاش كي تطيب صبيها طول من الكوكوط للصحن يعني اقلبي الكوكوط راهي تعود زبدة باش ما تتفتتش وزينيها بالمعدنوس

أم ريمة* · 2014-07-24, 01:04

يعطيك الصحة اولادى حلويات رائعة وشهية بصحتكم

دائمة الحمد · 2014-07-24, 01:05

اولادي جبتي خيرك الله يبارك روعة عزيزتي

أم ريمة* · 2014-07-24, 01:10

شكرا دائمة الحمد على الوصفة باينة بنينة قيد التجريب باذن الله

الواثقة بالله 23 · 2014-07-24, 01:47

اقتباس:

المشاركة الأصلية كتبت بواسطة جيادا

اخواتي شكون الي عندها وصفة تاع قاطو ما فيهش البيض ولدي عندو حساسية منو و ما لزمش ياكل حتى حاجة فيها البيض
قاطو ديما نخبيه عليه باه ما يبكيش يحب ياكل منو
ان شاء الله تعاونوني و العام هذا ولدي ياكل قاطو العيد معانا

السلام عليكم أختي

ربي يشفي ولدك شفاءا عاجلا

شوفي هادو بالاك تستفادي منهم

https://www.djelfa.info/vb/showthread.php?t=869563

https://www.djelfa.info/vb/showthread.php?t=842959

https://www.djelfa.info/vb/showthread.php?t=993791

بشرى2008 · 2014-07-24, 03:49

أولادي رووووووووووووووووووووعة يعطيك الصحة

*أم ثازيري* · 2014-07-24, 08:15

اووووو الكوزينه راهي فاااااااااارغه وينكم يا كاسولات؟
كاش قاطوات كاش غوسات كاش عفسات؟!