الى المحامين

[مشكلتي]

السلام عليكم ورحمة الله و بركاته
وقعت لنا مشكلة وهـــي ان أخي ضربه رجل وابنيه الاثنين و القصة كما يلي
اتصل هاذا الرجل بصديق اخي و ساله عن والده فاخبره انه ليس موجود فبدأ يصرخ عليه فقال له روح برك اخطيني
و بعد مدة ترك هاذا الخير اخي في المحل الخاص به و ذهب الى المقهى فجاء الرجل مباشرة فضرب اخي بدون سابق انذار ثم انهال عليه هو وابنائه بالضرب فهرب اخي وهو لا يعلم شيء
المهم بعد التحريات عرفنا هاذا الشخص و قدم أخي دعوة قضائية ضده لدى مصالح الامن و الآن ننتظر المحاكمة
ارجوا ان اعرف ماهي اقصى عقوبة قد يتحصل عليها هاذا الشخص و يوجد شاهد على الحادثة
ملاحظة : رحت انا و ابي هدرنا مع هاذا الراجل والله يا خاوتي غير معوق من ذراعوا و يهدر و يهز في الذراع الاخرى و يعيط و مهوش متربي خلاص و مامبا محشمش و طلب السماح و بنوا قاعد يتخنزر فينا ..... و هاذا الشخص لاباس بيه ماديا و حقار
و الكثير من امثاله اصحاب المال يحقرو الزوالي الضعيف والله يا خاوتي غير راهي تحرق في قلبي و حاب ننتقم منوا وهو و اولادوا بصح الله غالب علابالي تكبير و احنا ماناش قادرين على المشاكل و احنا ناس قدنا قد رواحنا
والله يا خاوتي قاعد نتأمل فيه و نتخيل لوكان ربي عطالوا 2 ذرعين هاذا بذراع واحد و طغى و ظلم عبد من عباد الله
وعلابالي انسان كيما هاذا ميترباش و يبقى يدير في هاذوا لعفايس
خاوتي انا متأكد ان المنتدى هاذا يضم الفئة المثقفة و المتخلقة ارجوا منكم ان تنصحوني لاتعلم منكم كيف نتعامل مع هاذا النوع من البشر
ربي يهدينا و يهديكم و صحا فطوركم