ارواحو تشوفو شخشوختي بالحليب ماكانش اللي يعرفها

[ريم الفلى]

السلام عليكم مرة اخرى ان شاء الله تكونوا لاباس كامل هاذي المرة درت البارح شخشوخة ماكاش بزاف اللي يعرفها وهي اكلة تقليدية تتكل مع الحليب الرايب
بدون اطالة نبدأ بالمقادير:
* 2 لتر حليب سائل
*250غ زبدة
*ملح
* شخشوخة وهي عبارة عن كسرة عادية ( دقيق وزيت وملح وشويا خميرة نعجنوها بالماء ونطيبوها عادي في الطاجين ونفتتوها بالظفر صغيرة جدا)
* ربع بيضات أو أكثر على حساب كمية الكسرة أنا درت زوج خبزات كسرة وربع بينات ههههههههه


نسيت مصورتش الحليب والشخوخة من بعد نوريهالكم ههههههه
والآن طريقة التحضير ساهالة ومتديش بزاف الوقت بسم الله
حطي الملح في كسرونة ومتكثريش بزاف غير قيس الحليب لانو الشخشوخة فيها الملح طبعا


وافرغي فوقه الحليب السائل وضعيه فوق النار


وحركي حتى تشوفي الحليب قريب يفيض


من بعد زيدي الزبدة وحركي حتى يفيض الحليب


كي يفيض الحليب نقصي للنار


وزيدي البيض وحدة مور لخرى


وحركي بالعقل وخليه يطيب دقيقة برك


من بعد زيدي الشخشوخة وهاهي من بعد ما فتتها رقيقة بزاف


زيديها على مرة كامل ماشي بالتدريج


ومن بعد حركيها العقل حتى تتغطى بالحليب


من بعد خليها تغلي 2 دقايق فقط حتى تتشرب الحليب وبلا ما نحركوها


من بعد نطفيلها النار ونخليها تبرد مليح حتي تولي حبات الشخوخة منفصلة على بعضاها


هادي بعد ما بردت شويا على خاطر خواتاتي جاعو وقريب كلاوني انا وقالولا ماناش لاتيين بالتصوار ناكلوها هكدا ههههههههه


وخليها تبرد وقدميها بالحليب الرايب
ان شاء الله الي متعرفا تجربها لانو طعمها هاااااااااايل بزاف بزاف
في انتظار ردودكم مالا متبخلونيش هههههههه

[it's me]

مشكورة ربي يخليك نجربها و نقوووولك

[moslihe29]

عجبتى راااائعة خاصة انها معاها الرايب رووووووووووووووعة

[linat]

haha tahni ndirouha wa nzidoujha shwiya sokare
mercie hanouna

[zhor1970]

يعطيك الصحة اختي

[عطوفة]

بارك الله فيك ..احنا نديروها لكن بلا بيض.. رايحا نجربها بالبيض في المرة القادمة ان شاء الله..

[terrou]

Meeerciiiiiiiiiiiiiiiiiiiiiii

[oum anas 69]

mmmmmmmmmmmmmmmmmmm
haylaaaaaaaaaaaaa

[zahra30]

يعطييك الصحة ..... ما سمعتش بيها من قبل بصح تبان بنيييينة .....بارك الله فيك

[أم شيماءْ]

اممممممممممممممممممممم روعة
انا نديرها بصح مانديرش البيض

[nounoudjs]

بارك الله فيك ما سمعتش بيها من قبل

[ريم الفلى]

شكرا على مروركم العطر بصفحتي

[soriaalg]

بارك الله فيك على الفكرة الجديدة شكرا لك

[lotus flora]

شكرا أختي راني حابة ناكلها حنا نسميوها الزريقة ومانديرولهاش البيض

[نزهة الربيع]

شكرا بارك الله فيك