قصيدة شعبية تصف لنا عادات وتقاليد اولاد نائل

قادة · 2007-12-08, 00:27

[وقفة مع الشعر الملحون
تجدون في هذه القصيدة وصفا كاملا لحياة اولاد نائل من عادات وتقاليد
باسمك ربي خالقي نبدأ انظم ** كلمة سهلى نكمل مبداها
فالجلفة وأولاد نايل نتكلم ** سلسلة الأشراف يسعد من جاها
أهل الهمة و النيف ولمعاد الكرم ** وأهل الدين أصلاتهم في وقتاها
فرسان البارود مافيهمش الذم ** بيت الضيف أمفرشة يا مبهاها
بزرابي و مخاد عندك لازمهم ** و فرشات موزقة فرشناها
والبدوية بيدها تقلع وتخدم ** زربية و فراش ووساد معاها
والقهوة بالشيح ريحة تتنسم ** في برادة ضاوية قد مناها
و الفناجل من فرفوري يامسلم ** و لاتاي اللي حب ورقة جبناها
واللي نافح في اللبن عندك يحشم ** في قدحية من شكوتو فرقناها
دقلة نور وزيد قرس أمعرم ** البيت الحمراء ما تعاير من جاها
البوصلوع النايلي للي عازم ** والرفسة بادهان زينة محلاها
بوكعوالة بيه صحرتنا تهتم ** أكلة شعبية جدك خلاها
والمشوي واجناب ملفوف أمدرقم ** بتوابل للضيف وحدناها
و القصرة ميادنا زين أمسقم ** بالحكمة نطقوا رجال أوشفناها
لينا يقصد ضيف ربي يافهم ** يتعشى ويبات قصرة محلاها
المحتاج انكفوه واللي جاء عازم ** و الحقرة محال نرضى لبلاها
وحتى الخيل النايلي يكسب وغنم ** وكحيلة بكري السامع لرغاها
في القنطاس النايلي مكحلتوا ثم ** عادات جدوليه بكري خلاها
البيت الحمراء جات في الصحراء مرسم ** وعنها يسأل ضيف ربي وين راها
منظرها في الصحراء يفاجي كل الهم ** ايريح قلب اللي تعب كي يراها
رنات الخلخال تنطق تتكلم ** ذا البدوية قال سعد اللي خضاها
أغزالة شراد نظرتها تعدم ** والماهر صياد فرق وخطاها
بنت الصيل ابزينها ديما تحشم ** وردة في الصحراء وربي سجاها
الورد مفتح به عينك تتنعم ** و ظل البطمة فيه رقدة محلاها
و طيورة للصيد الفارس دربهم ** كي صبوا صابوا الكبدة و حذاها
ولايتنا ضاقت من الحرب الهم ** ياسر من رجال ضحوا باسماها
جبل بوكحيل اعدونا فيه اتحطم ** والشاهد مازال يروي وحكاها
أمراكز تعذيب للقاسي يتلم ** مزالت لليوم تشهد شفناها

aiche · 2007-12-15, 12:15

مشكور جدا أخي قادة، لكن أودّ معرفة صاحب هذه القصيدة إن أمكن ذلك؟
شكرا مسبقا

rachid alfa · 2007-12-15, 21:39

مشكور اخي قادة
هل لديك موهب في الشعر وان امكن اعطنا لمح خفيفة

قادة · 2007-12-16, 00:59

شكرا جزيلا على المرور بالنسبة لسؤال الاخت الغالية فصاحب هذه القصيدة هو الشاعر لمباركي المسعدي بالنسبة لسؤال الاخ االعزيز فانا ليس لدي موهبة في الشعر . ارجوا ان تتقبلوا تحياتي الخالصة واتمنى لكم التوفيق و النجاح و شكرا مرة اخرى

d.hadjar · 2007-12-22, 17:41

موضوع روعة تستحق جزيل الشكر اخي

aiche · 2007-12-22, 20:29

من يكون لمباركي لمسعدي يا أخي قادة؟؟؟
وأين يقطن؟ أريد نبذة عن حياته إن أمكن ذلك
لأن القصيدة أعجبتني وأودّ أن أوّظفها في رسالة التخرج في الثقافة الشعبية
أنتظر ردّك أخي قادة

LEMBARKI_BELHADJ · 2008-01-09, 10:49

انا صاحب هذه القصيدة : لمباركي بلحاج من مسعد ولاية الجلفة مدير مدرسة إبتدائية شاعر و مهتم بتراث المنطقة إذا كان هناك اي استفسار يرجى مشاهدة المرفقات و شكرا .

عمي صالح · 2008-01-10, 14:18

بسم الله الرحمن الرحيم ـــ السلام عليكم ورحمة الله وبركاته
مشكوووووور والله يعطيك الف عافيه..
أسعدتنا يا مسعدي بارك الله فيك وجزاك بكل الخير على احيائك لتراثنا العريق بما قدمت
والسلام عليكم ورحمة الله وبركاته

تواتي سماعيل · 2008-01-11, 12:12

بارك الله فيك أخي الكريم على هذه القصيدة الرائعة

وبارك الله في الشيخ لمباركي بلحاج وهو غني عن كل تعريف بين سكان مسعد

شكرا

قادة · 2008-01-13, 14:36

[color=#0000FF][size=5]لمباركي بلحاج المولود في 1954 ببلدية مسعد ولاية الجلفة مدير مدرسة إبتدائية شاعر و مهتم بتراث المنطقة لديه ديوان شعر طبع في إطار تظاهرة الجزائر عاصمة الثقافة العربية 2007 بإسم ألوان و فنون من الفصيح و الملحون و كتاب عن تراث المنطقة طبعته مديرية الثقافة بالجلفة بعنوان صور و خصائل من مجتمع أولاد نائل و هو المكتوب في منتدى الجلفة بعنوان الهائل في نسب و عادات أولاد نائل وهذا موقعه الاكتروني [........................
وشكرا لكم جميعا على المرور و اقدم اعتذاري للأخت aiche