قلوب الجلجلانية بذوق الفراز وصفتي الخاصة

[kakinova]

بسم الله الرحمن الرحيم


لكل من طلب وصفات حلويات لعيد الفطر 2015 لي في هاذ الرابط

https://www.djelfa.info/vb/showthread.php?t=1836018

هذه الحلوى الأولى



قلوب الجلجلانية بذوق الفراز

250 غ زبدة
100 غ سكر رطب
ملعقة صغيرة فاني
ملعقة كبيرة فلان الفراز او اثنين تغربليه و تستعملي لرطب فقط
ملعقة كبيرة لاروl تاع فراولة احسن ماركة هندجس
كاس نشاء
نصف باكي خميرة
2 صفار 2 بيض كاملة
رشة ملح
اقل من نصف كيلوغرام فرينة لازم تكون طرية و تلصق فاليد نغطيها مليح بكيس و ندخلها الثلاجة رح تبرد و تتماسك و تولي ما تلصقش

العجينة تكون طرية نعمل كويرات نفس الوزن نغطسها فالجلجلانية مباشرة ثم نحطها فالمول

تعدلها من فوق حتى ما تجيش منتفخة فالوسط و تطهى ذهبية اللون ما نحمرهاش حتى تكون طرية و باهية الشكل

لما تبرد نقلبها في بلاطو و نعمر الفراغ بمربى فراز
او مربى برتقال مخلط مع ملون احمر و لاروم تاع الفراولة و نخلط مليح و نحطو في كيس جوتابل و نربطو و نقص ثقبة صغيرة حتى لما نضغط على المربى ما يشلفناش و يوسخلنا الحواشي و تجي خدمة نضيفة

ثم ترشي الحبيبات الفضية او تلصقي ازهار و تتركيه ينشف ليلة كاملة او يوم كامل حتى المربى ينشف قليلا و يعمل قشرة من فوق و ما يتوسخوش الحبات لما تحطيهم فوق بعض




تقريبا هي نفس وصفة قلوب بذق الفراز

و هاهو الرابط الخاص بها

https://www.djelfa.info/vb/showthread.php?t=1738029