مشكلة في زوجي

[مشكلتي]

متزوجة من 5سنوات ولي طفلين ...مشكلة زوجي كثير النوم فهو قد ينام اليوم كله فهو ينام من 10ليلا حتى الرابعة عصرا من اليوم الموالي ..وبشكل يومي ..عمله وهاذه 5سنوات التي عشتها معه لم يذهب إلا إذا كلموه اصدقائه واقول كلموه في الهاتف اي اتصلو ما يقارب 40مرة ..وقالولو المدير يسأل عنك وهم يتسترون عليه ...مفرط في جميع واجباته معي ومع اطفاله فهو لا ياخذهم للطبيب وحتى وان وصلو للموت مستحيل يفيق ...اعاني معه لما نفيقو ...لا يأكل.الا بعد العصر . صلاته يصليها مجتمعة وينام كالميت ..لو احترق العالم مستحيل يفيق ....واللي غايضتني انو يفيق مع العصر وينام باكرا ......حتى اني بدات اشك في انو مريض ....هو انسان تقي لا ياكل لامخذرات ولا كحول ...فما الحل معه لاني تعبت وبدات نخمم في الطلاق ..لاني لا اريد رجلا نائما معظم الوقت

[طيور الجنان]

اختي مشكلتك تحير ربي يكون في عونك والله مالقيت مانقولك.جا في بالي يروح للطبيب علابالي مايقبلش يقولك مابيا والو. خلي ولادك يروحو ليه و ينوضوه و يلعبو معاه و يديرو عليه الحس بالاك يفطن.

[RAHETBAL45]

ممكن اختى تكون مشكلة فيزيزلوجية يجب عليه اجراء تحاليل او حتى اشعة قد تبين لك شئء و لازم تصبرى معاه فالهروب من المشكلة ليس حلا ربى يقدرك اختى

[قطوفها دانية]

سامعة بناس يرقدو في النهار لانهم مفرطي السهر يعني حتى يطلع النهار بش يرقدو بصح زوجك غريب وعا ما

هل كان هكذا قبل زواجو اسألي اهلو

واستشيري الطبيب

[mounyabiskra]

ربي يكون معاك اختي، بلاك راجلك فنيان بزاف ماشي لازم يكون مريض... واذا حب يروح لطبيب الغدد endocrinologue ينحي الشك

[ندى الصبح]

السلام عليكم
ربي يكون في عونك
كانت قريبتي هكذا تنام حتى لو كانت في بركة ماء
ثم ذهبت عند الطبيب ......وانتهت مشكلتها
عليك بحثه على زياره الطبيب فهذا مرض وليس تفنيين ربي يشافيه ويهنيكم

[AMINA.Z]

تبانلي لازم تبداي تحكي و بجدية
قولو واش هاذا يا راجل ...وين رانا رايحين
لا خدمة ...لا مسؤولية راك متحملها ...ترقد و تاكل برك
واقيلا معول علييا نخدم في الدار و نزيد نخدملك خدمتك برا
راني لحم و دم ماش ماشينة
قولو اذا عندك مشكل وح للطبيب ياكدلك بالاك مريض و ما علابالكش
اذا باقي يخشن في راسو
قولو يا تتبدل يا كل واحد في طريق
سبحان الله !!!!

[walidoo12]

اختي خليه يرقد مسكين فهذه البلاد لا تساعد على الحياة مطلقا سواء كنت أعزب او متزوج.ينام احسن من أن يتعاطى مخدرات المهم ينسى انه عايش في بلاد شكوبيستان

[mina2015]

سلام أختي العزيزة ، هذا أمر يحير فعلا بصح لازم تساعدي زوجك باش يخرج من هذه الحالة لأن راح يتعب و تسوء حالة و أنت كذلك راح تسوء حالتك أنك تعود المسؤولية كبيرة عليك و الحل الوحيد ليك هو الحوار و بالسياسة ميش بالعنف لأن العنف راح يوصلك لمشاكل أكبر لأن زوجك ممكن يكون يعاني من اضطرابات نفسية .

[aissambayern]

ممكن زوجك مريض
استشيروا الطبيب هو لي يقدر يفيدكم لانه النوم 20 ساعة دون اشباع غريب جدا
موفقة

[ام ايمان16]

ربي يفرج عليك
ادخلي لغرفة الدردشة للمتزوجات من اجل الكلام احسن

[صهيب رائع]

صهيب رائع: هذا ديريلو رقية, لامافادتش, قوليلوا يروح عند طبيب. لانه في الحالة الاولى راكبو شيطان الكسل والخمول اعادنا الله منهما وهناك ادعية لمحاربتهما, والحالة الثانية مرضية عضوية. فقط ملاحظة, غابتلي معاكم, تلقى وحدة تقلك انا ملتزمة وممبعد تقرى في تعليقها تقولك عندي صحابي او عندي صاحبي!!!! وانتي تقولنا باللي زوجك راهو متقي بالصح الصلاة يغرمها!!!

[(( هبة الرحمن ))]

كان الله في عونك أختي فعلا امر لا يطاق ، لعلمك زوجك لا هو تقي ولا هم يحزنون لأنه يطعم عائلته من المال الحرام ، فهو يتقاضىى أجرا على عمل لا يقوم به بل أصحابه، انتبهي إلى هذه النقطة جيدا عزيزتي ، لأنّ الحرام يحوّل الحياة إلى جحيم دون أن نشعر .

من جانب آخر غرت من زوجك أنا اعاني قلة النوم نرقد على 22 وأنهض 3 صباحا حاولت بكل الطرق لم أستطع ، جربت منوم ففاتتي صلاة الصبح أقسمت ألا أتناوله وبقيت هكذا اعاني منذ شهرين ......

[جبالي2010]

يمكن يكون زوجك معمول له عمل انصح بالرقيه الشرعيه مع الاكثار من شرب المنبهات مثل الشاي

[سرور يخلف]

السلام عليك اختب عندي قريبتي عندها نفس المشكل تنام كثيرا لدرجة انو وجهها اصبح شاهب اخدوها لطبيب قال لهم لا باس بها و لا تعاني من اي مشكلة و لم يتركو شخص لم يسؤله الا انو واصلو لامرة يقولو تقطع فاول ما رئتها قالت لهم عندها صفاير الرقاد و عالجتها باعشاب و الان هي في صحة جيدة و قللت من ساعات النوم