قصتي مع جمارك وهران واحتجازهم لطردي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى المال و الأعمال > منتدى التسوق من الانترنت > قسم الاستفسارات و المشاكل الخاصة بالتسوق من الانترنت


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

قصتي مع جمارك وهران واحتجازهم لطردي

إضافة رد
 
أدوات الموضوع انواع عرض الموضوع
قديم 2017-11-10, 20:52   رقم المشاركة : 1
معلومات العضو
kader41
عضو مبـدع
 
إحصائية العضو










افتراضي قصتي مع جمارك وهران واحتجازهم لطردي

السلام عليكم

طرد عالق منذ 10 اكتوبر في وهران لما تأكدت أنه بسبب الجمارك طلعت يوم الخميس اليهم

طبعا جماعة ما تفرطش في حقك والخ منذ 2009 نشري من النت نعرف حقي مليح لا داعي

نبدأ القصة تنقلت يوم الخميس 09 نوفمبر شهر الثورة التحريرية لحررتنا من مستعمر الى مستعمر من تلمسان التي أدرس فيها الى وهران وصلت على الساعة العاشرة حكمت طاكسي مباشرة الى saint charles مركز فرز الطرود علما أني لا أعرف المنطقة دخلت الى مركز البريد لأتفحص لم أجد أي دليل الى الجمارك عرفت انهم ليسوا هناك خرج من ذاك الباب مشيت حوالي 40 متر وجدت باب به EMS دخلت بعد السلام قلت للرجل عندي طرد عند الجمارك جئت لاستلامه قلي جاك استدعاء قتلو لا قلي كيفاه عرفت (أوحي بعد محمد) يا عربي نظام التتبع لي عندك كاين عند غيرك قتلو EMS تلمسان + خدمة الزبائن العاصمة قلي عندك الرقم قتلو انعم ضرب في الحاسوب لقاه صح دخل للجمركي الداخل ثم رجع ناداني قلي روحلو هاو واقف لهيك رحت للجمركي هنا بدأت قصة الغرام رجل في أواخر الأربعينات قصير القامة نسبيا متر 68 أصلع قليلا من الأمام ومطول باقي الشعرات وماشطهم للخلف للتغطية طبعا لا لباس خدمة لا والو المهم بعد السلام قلي وش فيه الطرد قتلو ساعتي يد قلي فيهم كاميرا قتلو لا عطيتو رخصة السياقة قراها لي معاه سوق أهراس قلي لي معاه جيت من سوق أهراس قتلو لا نقرا في تلمسان أيا دخلني السيد لمكتب وين كاين زوج من الناس يتكيفو ويقسرو و2 خداما كل واحد في مكتب قلي ضرك نجيب الطرد ايا راح دار 30 دقيقة بش جا ايا قلي جا شرع في فتح الطرد هوا وصاحبو قلي شحال السعر تاعهم هاذو قتلو 300 دولار وهو السعر المصرح به قالي كم بالدينار قتلو حوالي 3 ملاين وشوي صرف (سعر البانكا خخخخخ باينة) بدا يشوف في السوايع وانا قلبي محطوط لثما في الطريقة ليفتح العلبة مقلوبة والخ قلي علابالك هاذو تخلص عليهم قتلو شوف شحال نخلص عليهم (جبتهالو نية نشوفو وين يوصل) قلي تخلص عليهم طاكس قتلو كيفاه بقا يعاود غير في تخلص عليهم قتلو ما يفوتش 5 ملاين ما كانش طاكس راني مالف نشري وعلابالي قلي شكون قلك أعطيني القانون ؟؟ طاح في الفخ قتلو يا سيدي أنت الجمركي مشي أنا أعطيني أنت القانون لي طبقو عليا بش نخلص بقا يتهرب يقلي أنت لاعبها تعرف الخ قلي أصلا ما تفوتش قيمة الطرد مليون مشتريات قتلو هات القانون هاذي ما كانش منها المهم النقاش ولا حاد شويا قالي ويني الفاتورة قتلو التصريح الجمركي على ظهر الطرد 300 دولار قالي لا نستعرف بالفاتورة يا ولدي يهديك الله رام كيف كيف لصقلي في كلمة فاتورة قتلو نخرج نجيبهالك ما لقيت سيبار مشي 4 كم السيبار لول ما عندوش طابعة دلني على واحد أوخر الأجهزة windows xp العمال على ربي حملت الفاتورة من shipito قتلو ورقة نطبعها قلي ما تقدرش من ثما !!!! لا ريزو لا شكبي قلي فيهم الفايروسات الخ (الجهل) المهم عطاني كابل تع بورطابل windows xp ما قراش جد البورطابل قاع ما لقيت بيها وين حملتها في موقع الرفع واخترصت الرابط في قوقل لتسهيل الامر وصورتو في الهاتف ورحتلو قتلو هاو الرابط دخلو وحمل ايا ما فهمنيش بقيت نفهم فيه حتا فهم وطبعنا الورقة وانطلقت بأقصى سرعة للأسف علابالي يخدمو نص نهار برك والهدف تاعو كان تعطالي علاباللو من تلمسان دخلت لثما 12 قد قد قلي الراجل رام خرجو صاي أرجع بالحد قتلو راك ***** بيا جاي من تلمسان تقلي ارجع بالحد راو دارها بالعاني المهم خرجت وطلعت شوي مستويات ظغط الدم وكره البلد القذر هاذا لي ان شاء الله أول فرصة نبيعو ببصلة ونفحط لبلاد الكفار


طبعا بحثت طويلا في النت وقريت القوانين لا أثر للقيمة القصوى للطرد علما أنو بنت عمتي تعمل في الجمارك هيا لي قاتلي 5 ملاين ومعروفة ممكن ما تكونش في الجريدة الرسمية ولكن تكون على شكل مرسوم من المديرية العامة أو الجهوية للجمارك التي من المفروض هوا يعلق المرسوم والقوانين هاذو في المكتب تاعو كي ندخل ما نحكو ما والو الهدرة قانون يا الاخوة لي عندو نص القانون الصريح او المرسوم لكي أخرسه فقط الطرد تاعي ان شاء الله نجيبو نجيبو هوا لي خصو يعطيني القانون عاونونا خلي نخرسوه الحيوان اللي يمشي على 2 هذا

فقط أردت التنقيب على نقطة هامة وهي نظرة الطمع على وجهه عندما بدأ يقلب ساعات اليد تبادر الى ذهنه أنو شهريتو اللعينة ما خلاتوش يعيش ورجع ريفليكسيون على حياتو البائسة كاملة

اللي مخوفني طرد آخر بالبريد العادي shipito air mail أرسل يوم 1 أكتوبر نخاف لا يلحق ويشدوه لا عندي رقم تتبع لا والو بش نعرف وين راه ومانيش مخلص insurance

الله لا تربحو شقاني مصاريف وسفر في باطل الأحد ان شاء الله العودة وسأوافيكم بالجديد

تبا لهذا البلد (الشعب) اللهم أخرجنا منه وان عدنا فانا ظالمون







 

رد مع اقتباس
مساحة إعلانية

قديم 2017-11-10, 21:29   رقم المشاركة : 2
معلومات العضو
العصفور الحر
عضو مجتهـد
 
إحصائية العضو










افتراضي

قصة حزينة جدا و موترة انا لو كنت مكانك ادهب للمحكمة و ارفع عليه دعوة فلن يكلفك اامر الا بعض الوقت احسن من السكوت على الظلم







رد مع اقتباس
قديم 2017-11-10, 21:40   رقم المشاركة : 3
معلومات العضو
kader41
عضو مبـدع
 
إحصائية العضو










افتراضي

اقتباس:
المشاركة الأصلية كتبت بواسطة العصفور الحر مشاهدة المشاركة
قصة حزينة جدا و موترة انا لو كنت مكانك ادهب للمحكمة و ارفع عليه دعوة فلن يكلفك اامر الا بعض الوقت احسن من السكوت على الظلم
مزال الحال على المحكمة ان شاء الله نهار الأحد نفريها لا ما كانش المديرية الجهوية للجمارك تفريها نورمالمو المشكل يا أخي فيي التعطال والشقوة الواحد ما راهوش قاعد ومن المفروض ما يصراش هكذا






رد مع اقتباس
قديم 2017-11-10, 21:41   رقم المشاركة : 4
معلومات العضو
always1
عضو مميّز
 
إحصائية العضو










افتراضي

هههه نستعرف بيك يا الشكوبيستاني راك فور ايه صح 5 ملايين ,,هي في الصح 500 اورو
كاين في قانون الجمارك حوس في السيت تاعهم مي كي تحوس تحبلك لان السيت مخلط لي خدمه كان سكران
هام ليك اخي لا تتركهم و متنساش الغرامة 35 بالمية ولات







رد مع اقتباس
قديم 2017-11-10, 21:42   رقم المشاركة : 5
معلومات العضو
always1
عضو مميّز
 
إحصائية العضو










افتراضي

وزيد اخي اسال بنت خالتك هادي ترى على الهواتف النقالة القديمة واينه القانون لي يمنعهم عبر ems ;gh hgfvd$ hgsvdu







رد مع اقتباس
قديم 2017-11-10, 22:10   رقم المشاركة : 6
معلومات العضو
llooobo
عضو مجتهـد
 
الصورة الرمزية llooobo
 

 

 
إحصائية العضو










افتراضي

الله لا تربحهم هذو مصصي الدما ولاد القومية...اكلين الحرام ... خويا قولو يعطيك فاتورة الظريبة وفيها جميع البيانات ويمظي ويختم فيها على اساس راك راح تخلص واذهب بها مباشرة المديرية الجهوية للجمارك واذا لزم الامر ارفع بها شكوى هناك في المحكمة .... والله ينتقم منهم انشاء الله.







رد مع اقتباس
قديم 2017-11-11, 11:37   رقم المشاركة : 7
معلومات العضو
kader41
عضو مبـدع
 
إحصائية العضو










افتراضي

اقتباس:
المشاركة الأصلية كتبت بواسطة always1 مشاهدة المشاركة
هههه نستعرف بيك يا الشكوبيستاني راك فور ايه صح 5 ملايين ,,هي في الصح 500 اورو
كاين في قانون الجمارك حوس في السيت تاعهم مي كي تحوس تحبلك لان السيت مخلط لي خدمه كان سكران
هام ليك اخي لا تتركهم و متنساش الغرامة 35 بالمية ولات
قريت كامل القوانين وال pdf لا أثر له






رد مع اقتباس
قديم 2017-11-11, 12:55   رقم المشاركة : 8
معلومات العضو
يوسف 54
بائع مسجل (ج)
 
الصورة الرمزية يوسف 54
 

 

 
إحصائية العضو










افتراضي

انا نظن نفس الراجل الاربعيني هو لي عطاهالي بعد ما فهمتو بلي مكنتش نعرف القوانين ..... معليش اصلا ساعة تع 10 دولار بصح نتا 300 دولار حبو يديو معاك هههههه







رد مع اقتباس
قديم 2018-01-28, 22:16   رقم المشاركة : 9
معلومات العضو
MohamadTop111
عضو مجتهـد
 
إحصائية العضو










افتراضي

ماذا حدث بعد هذا؟







رد مع اقتباس
قديم 2018-01-28, 22:32   رقم المشاركة : 10
معلومات العضو
safakavani
عضو مشارك
 
إحصائية العضو










افتراضي

يا خويا مقلتناش وش صرالك مع جمارك كملنا القصة باش الواحد يعرف ساسو من راصو







رد مع اقتباس
قديم 2018-01-29, 10:39   رقم المشاركة : 11
معلومات العضو
moumiia
عضو مشارك
 
الصورة الرمزية moumiia
 

 

 
إحصائية العضو










افتراضي

جايب لينا خبر بلا زريعة ...راه فات الاحد والاحد الي بعدو وبعدو







رد مع اقتباس
قديم 2018-01-29, 13:28   رقم المشاركة : 12
معلومات العضو
MohamadTop111
عضو مجتهـد
 
إحصائية العضو










افتراضي

اخي كمل و قولنا واش صرا باش نستفادوا







رد مع اقتباس
قديم 2018-01-31, 00:48   رقم المشاركة : 13
معلومات العضو
safakavani
عضو مشارك
 
إحصائية العضو










افتراضي

يا رانا عدنا قرين ندخلو عام جديد وانت مزلت مقلتناش وش صرالك







رد مع اقتباس
قديم 2018-01-31, 13:13   رقم المشاركة : 14
معلومات العضو
MohamadTop111
عضو مجتهـد
 
إحصائية العضو










افتراضي

اقتباس:
المشاركة الأصلية كتبت بواسطة safakavani مشاهدة المشاركة
يا رانا عدنا قرين ندخلو عام جديد وانت مزلت مقلتناش وش صرالك
باينة را غي يكذب






رد مع اقتباس
قديم 2018-02-01, 11:18   رقم المشاركة : 15
معلومات العضو
kader41
عضو مبـدع
 
إحصائية العضو










افتراضي

تم استلام الطرد يا العرب تع المصالح بعد أخذ الفاتورة







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:25

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2018 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc