Truffes au plraliné شكلاطة ذوق خيااااااااااال من مطبخي بالخطوات المصورة

remadna · 2012-02-22, 18:00

بسم الله الرحمن الرحيم

السلام عليكم و رحمة الله

هذه الشكلاطة مذاقها خياااااااااااااال كل من ذاقها عجباتو و احتار في البنة تاعها
في الحقيقة هي وصفة فرنسية قديمة معروفة عندهم اما هنا قليل من يعرفها او ذاقها ، اسمها les truffes ، بالعربية الترفاس
هذه المرة الوصفة كوبي كولي على الكتاب ( نسخ لصق) ماكانش اختراع الا طريقة التزين في الكتاب الشكلاطة ممرغدة في الكاكاو ، اما انا زينتها مثلما موالفة نشوف الشكلاطة الفرنسية الأصيلة في النت.
و استبدلت la crème fleurette بغبرة الشانتي لأنها غير متوفرة في الجزائر

المكونات: 50 غ لوز، 45 غ بندق (نوازات) محمصين شوية، 160 غ سكر ارطب، 80 مل ماء، 250 شكلاطة (بريما أو مينة) ، 60 غ زبدة، 80 غ غبرة شانتي (ديم ويب)، 2 صفار بيض، 1 و نصف م ك كاكاو.

للتزين: 150 شكلاطة بريما ، 100غ شكلاطة ميزان، قليل من الماء و توضع على حمام مائي
اولا: تحضير البراليني
يوضع السكر و الماء على نار هادئة حتى يتلون السكر للون الذهبي، نضيف اللوز و البندق لخليط السكر،

نفرغها في بلاطو اينوكس لا يلصق، نتركها تبرد.

اهرسها بالمهراس حتى ترطب ثم ارحيها بالروبو حتى تصبح غبرة، اتركيها جانبا

ثانيا: خلطة الشكلاطة
في ايناء ذوبي الزبدة و الشكلاطة و الكاكاو على نار هادئة
اضيفي غبرة الشانتي و الصفار و حركي جيدا ثم انزعيها من النار و اتركيها تبرد

اضيفي البراليني المرحية و حركي جيد حتى تصبح مزيج متماسك ضعيه في الثلاجة حتى يبرد

اخرجيها من الثلاجة و كعبري كعابر هكذا ثم ضعيها في الفريز 1 سا حتى تتماسك

اخريجيها مرة اخرى من الفريز و اعيدي التكعبير حتى تصبح كروية الشكل اعيديها للفريز حتى تجمد و تصبح ساهلة ماهلة للتزين

ضعي حبة الترفاس على فرشيطة ثم اسكبي الشكلاطة بالملعقة في شكلاطة مذوبة في قليل من الماء على حمام مائي هكذا حتى تكون الخدمة متقنة

الشكلاطة التي تبقى اضيفي لها كاكاو او ملون اسود و تخطط الحبات بعد ان تجف تماما

تفضلن ذقن البنة الهايلة بالصحة و الهناء

ملاحظة: خطوات وضع الشكلاطة في الفريز ابتكرتها للمحافظة على شكل الدائري المتماسك و المساعدة على طليها. لأنه في الوصفة الأصلية تمرغد في الكاكاو عادي مباشرة بعد التكعبير.
نصائح: بياض البيض يوضع في الفريز يبقى جديد. يستعمل للميرانغ او اي حلوى.
لا تستعملي prima بريما وحدها لانها لا تجف ابدا (خبرتي) و لا تستعملي شكلاطة الميزان وحدها لأنها غير لذيذة.

دعواتكم بالنصر والفرج للأمة الإسلامية كافة

remadna · 2012-02-22, 18:01

هذه الوصفة الأصلية

remadna · 2012-02-22, 18:02

هذه الوصفة الأصلية
كيما تعرفوني صادقة و صريحة

linat · 2012-02-22, 18:20

بارك الله فيك

hamida2012 · 2012-02-22, 18:29

الله يبارك رائعة عزيزتي ربي يخليك و يعطيك ما تتمناي على الوصفات و النصائح اللي تمدينا فيها الف شكر و جاري التطبيق نشاالله

remadna · 2012-02-22, 18:35

اقتباس:

المشاركة الأصلية كتبت بواسطة linat

بارك الله فيك

و فيك بارك الله لينات

اقتباس:

المشاركة الأصلية كتبت بواسطة hamida2012

الله يبارك رائعة عزيزتي ربي يخليك و يعطيك ما تتمناي على الوصفات و النصائح اللي تمدينا فيها الف شكر و جاري التطبيق نشاالله

و يبارك فيك حميدة
بالتوفيق ان شاء الله و ليس انشاء

ام خديجة1 · 2012-02-22, 18:41

ما شاء الله عليك حبيبتي رماضنة جاوك تحفة واكيد بنتهم وحدها بارك الله فيك والله يفرج على كل مؤمن

remadna · 2012-02-22, 18:50

اقتباس:

المشاركة الأصلية كتبت بواسطة ام خديجة1

ما شاء الله عليك حبيبتي رماضنة جاوك تحفة واكيد بنتهم وحدها بارك الله فيك والله يفرج على كل مؤمن

و فيك بارك الله ام خديجة
آمين رب العالمين ، الله يفرج على كل دولة اسلامية تعيش عدم الإستقرار

emily21 · 2012-02-22, 19:08

بارك الله فيك

remadna · 2012-02-22, 19:14

اقتباس:

المشاركة الأصلية كتبت بواسطة emily21

بارك الله فيك

و فيك بارك الله اميلي

lyna2007 · 2012-02-22, 19:17

بارك الله فيك حبيبتي

دائما تبهرينا بوصفاتك الممتازة
ولا تبخلي علينا باسرار مطبخك

وفقك الله في دراستك وفي حياتك وحفظك الله

salima14 · 2012-02-22, 19:23

يعطيك الصحة و الله حتى خير من الوصفة الأصلية نهنيك أختي على الإتقان

my lamis · 2012-02-22, 19:24

الله يبارك ربي يحفظك من العين و يسلمو إديك
و الله تهببببببببل و هايلة بزااااااااااااف
نتي دايما صادقة و شاطرة حتى في مواضيع الأخوات مشاركة بردودك حتى و بكلمة وحدة
دايما مفرحة بمرورك ربي يفرحك و يكملك على حساب نيتك

remadna · 2012-02-22, 19:37

اقتباس:

المشاركة الأصلية كتبت بواسطة lyna2007

بارك الله فيك حبيبتي

دائما تبهرينا بوصفاتك الممتازة
ولا تبخلي علينا باسرار مطبخك

وفقك الله في دراستك وفي حياتك وحفظك الله

و فيك بارك الله لينا
جزاك الله خيرا لمرورك الطيب

اقتباس:

المشاركة الأصلية كتبت بواسطة salima14

يعطيك الصحة و الله حتى خير من الوصفة الأصلية نهنيك أختي على الإتقان

الله يسلمك سليمة
كل من شافها يقل لي و كأنها الشكلاطة تاع الخارج التي تباع في العلب

اقتباس:

المشاركة الأصلية كتبت بواسطة my lamis

الله يبارك ربي يحفظك من العين و يسلمو إديك
و الله تهببببببببل و هايلة بزااااااااااااف
نتي دايما صادقة و شاطرة حتى في مواضيع الأخوات مشاركة بردودك حتى و بكلمة وحدة
دايما مفرحة بمرورك ربي يفرحك و يكملك على حساب نيتك

و يبارك فيك ام لميس
آمين رب العالمين
الحمد لله انها عجبتك

الصوامعية · 2012-02-22, 19:39

يعطيك الصحة عزيزتي خرجتلك هايلة ومتحوفة بارك الله فيك