هادي حلوة العيد لي خدمتها - الصفحة 5

ahlem wahida · 2013-08-04, 00:13

اقتباس:

المشاركة الأصلية كتبت بواسطة amiramirna

الله يبارك

يبارك فيك اختي صح عيدك

ahlem wahida · 2013-08-04, 00:25

اقتباس:

المشاركة الأصلية كتبت بواسطة بثينة 123

شكرا جزيلا لك اختي بارك الله فيك حلوياتك رائعة جدا
ممكن وصفة هذه

وهذه

االقاتو الأول ميتيبش
500غ كوكاو
باطة بيمو
حلوة الترك ( قد 50دج) تكفي
ومغرفة دهان
عسل قيس لي تلايمي

كي تلميها خليها ترتاح شوية وممبعد شكليها كويرات وغطسيها في الشوكولا وحطي فوقها نص حبة جوز والبيرو

القانو الثاني
3 كيلات لوز
كيلة سكر عادي
حبة بيض+ صفار بيضة
قشور حبة ليمون
فاني
تلمي كلشي وتخلها ترتاح 2 سوايع وممبعد حليها بالحلال 4 سم وقطعي بالطابع تاع الورقة ودخليها للفور 15 دقيقة ولا اقل المهم متخليهاش تنشف رايحة تبانلك ماشي طايبة بصح غير خرجيها وخليها شوية في البلاطو تبرد
وجدي القلاصاج
غطسيهم في القلاصاج وكي ينشفو ديريلهم الديكور بالقلاصاج ووريدات بلابات داموند

وصح عيدكم اختي

ahlem wahida · 2013-08-04, 00:26

اقتباس:

المشاركة الأصلية كتبت بواسطة tahiya

ربي يحفظك من العين..تبارك الله عليه شاطرة.

ربي يخليك حبيبتي ويبارك فيك صح عيدك

نبض قلبي · 2013-08-04, 12:09

الله يبارك على الكيف رووووووووووووووووووووووووووووووووووووووووووووعه

&&رسيل النهر&& · 2013-08-04, 12:56

hayline ya3tike essa7a .mat7oufine bezf .sa7a 3iiiiiiiideke w rabi yssalekeke 3la 5ire nchalah
ma3liche takatblili la ressete ta3 hadhek l gateu 6 w l gateau 10
psq 3ajbouni
^^

ahlem wahida · 2013-08-04, 13:06

اقتباس:

المشاركة الأصلية كتبت بواسطة نونوسوهي

الله يبارك على الكيف رووووووووووووووووووووووووووووووووووووووووووووعه

يبارك فيك حبيبني انتي لي روعة صح عيدك

ahlem wahida · 2013-08-04, 13:11

اقتباس:

المشاركة الأصلية كتبت بواسطة ahlem wahida

وهادا

كامل نفس المقادير
العجينة
3 كيلات فرينة
كيلة مرغرين ذائبة
ماء+ماء الزهر
الحشو
3 كيلات لوز
كيلة سكر عادي
1 بيضة+ صفار بيضة
فاني
قشور حبة قارص
بالنسبة للحلوة الأولى
تقطعي دائرة تحطي في الوسط الحشو يكون على شكل حربوش صغير وتجيبي جهة من الدائرة للوسط تحطيها فوق الحشو وتجيبي الجهة اللثانية تحطيها فوق الجهة الأولى
تطلي ببياض البيض
وتخدمي الوردة بالعجينة تقطعي دوائر صغار بالبوشون تاع اللماع le briallant alimentaire
تحطي وحدة حدى وحدة بصح يكونو شوية لاصقين معا بعض وتلويهم حتى تتشكل وردة ديري تقبة صغيرة من فوق وحطي فيها الوردة وبالنقاش ديكوريها وديريها تطيب وكي تخرجيها غطيسها في العسل بارد مدة 15 دقيقية وخليها نقطر وديريلها البريو

وبالنسبة لحلوة الورقة خدمي بالعجينة ورقات بالطابع وبنفس الطابع قطعي الحشو وديري ورقة تاع عجين فوقها ورقة تاع الحشو وفوقها ورقة تاع عجين
حكمي شوي من العجينة ديريلها كولورو اخظر قطعي وريقات يالطابع لي تخدمي بيه لابات داموند وحطي في وسطها نص حبة لوز ولمي الورقة من تحت وستفيهم من فوق
ودخليها تطيب وكي تخرجيها عسليها وديريها البريون

القاطو تاع الوردة
قطعي 4 ولا 5 دوائر وديري كيما الوردة لي ديكورينا بيها لقاتو الأول وحطي حربوش في الحاشية ولمي شوي من تحت باه متخرجش ودوري الدوائر غير بالعقل حتى تشكلي وردة دخايها تطيب وعسليها وديري في الوسط نص حبة سوريز والبريون

نتمنى نكون وصلتلك الفكرة صح عيدكم