لتغتلات بنوادكوكو وبشور القارص. تحفة ممممممم

[أم فاطمه]

السلام عليكم اخواتي الكريمات

رمضان على الابواب اللهما بلغنا رمضان وأعنا على صومه وارزقنا الثواب والمغفرة وجعل كل اعمالنا خالصة لوجهك الكريم امين
اليوم جبتلكم لتغتلات بنواد كوكو بنين وهشيش وراقي ويعطيك كمية كبيرة تحضروه للمنسبات او عيد الفطر المبارك انشاء الله

بسم الله تفضلو
المقدير
250 غ زبدة
1م كبيرة سكر ناعم
مغرفة لفني
مغرفة كبيرة ميزينة غير مملوئة
رشة خمارة
الفرينة حسب الحاجة
1بيضة
الحشوة
بشور 2حباة ليمون
150 غ نوادكوكو يكون رقيق
100 غ زبدة

100سكر عا دي
4بيض
المعجون

الطريقة
اخدمي العجينة بالزبدة السكر البيضة لفني رشة خمارة والميزينة والفرينة اجمعيها وتركيها جانبا

حضري الحشوة بالسكر ونوادكوكو. و. البشور ضفيلهم الزبدة خلطيهم جيدا و في الاخير البيض حسب الحاجة عينك ميزانك لازم ماتجيش الحشوة جارية بزاف وماتجيش ناشفة لان نوادكوكو يتشرب بعد مايرتاح

خدي لمول الي عندك تحبيهم صغار والى كبار انا نحب نخدمهم صغار يجيو ضراف وبطبع ويعطيوك كمية كبيرة 50 حبة مشاء الله

ورقي العجينة داخل لمول من بعد ضعي قليل من المعجون فالوسط كما فالصورة ثم ضعي فوق المعجون قليل من الحشوة ماتكتريش لان

الحشوة فيها البيض ورايحة تنتفخ شوية

دخليهم الفرن على 160 ولما تخرجيهم تقدري تخليهم كما راهم تقدري ترشيهم بالسكر الناعم تقدري تزوقيهم كما انا طليت بالمعجون ورشيتهم بالكاوكاو مهرمش والكرز

والكمية لي بقاتلي بدون حشوة خبيتها


اتمنى يعجبكم وتحضروه فرمضان انشاء الله



.






.



.


.

.

[المطمئنّة]

وعليكم السلام ورحمة الله وبركاته
جزاكِ الله خيرا عزيزتي وشكرا على مجهودكِ
تمّ التّقييم

[RIMA.87]

و عليكم السلام و رحمة الله و بركاته
بارك الله فيك ام فاطمه و جعل مجهوداتك في ميزان حسناتك ،
خرجو روووعة ما شاء الله.
اللهم بارك لنا فيما بقي من شعبان و بلغنا رمضان و وفقنا لصيامه و قيامه على الوجه الذي يرضيك ووفقنا لصالح الاعمال انت ولي ذلك و القادر عليه.

[أم فاطمه]

المشاركة الأصلية كتبت بواسطة المطمئنّة

وعليكم السلام ورحمة الله وبركاته
جزاكِ الله خيرا عزيزتي وشكرا على مجهودكِ
تمّ التّقييم

لا شكر على واجب اختي المطمئنة تحياتي

[أم فاطمه]

المشاركة الأصلية كتبت بواسطة rima.87

و عليكم السلام و رحمة الله و بركاته
بارك الله فيك ام فاطمه و جعل مجهوداتك في ميزان حسناتك ،
خرجو روووعة ما شاء الله.
اللهم بارك لنا فيما بقي من شعبان و بلغنا رمضان و وفقنا لصيامه و قيامه على الوجه الذي يرضيك ووفقنا لصالح الاعمال انت ولي ذلك و القادر عليه.

امين اختي ريما شكرا على تشجيعك حنونة تحياتي

[مانينة]

و عليكم السلام و رحمة الله و بركاته

بارك الله فيك ام فاطمه .رائعة .