تحدي بطلات الخردة ............... زُخْرُفَةٌ - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الديكور > قسم الديكور و التّصاميم المنزلية

قسم الديكور و التّصاميم المنزلية قسم خاص بصور و تصاميم الديكور المنزلي، ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

تحدي بطلات الخردة ............... زُخْرُفَةٌ

إضافة رد
 
أدوات الموضوع انواع عرض الموضوع
قديم 2018-01-04, 08:08   رقم المشاركة : 1
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










Mh04 تحدي بطلات الخردة ............... زُخْرُفَةٌ

السلام عليكم و رحمة الله و بركاته

ان شاء الله تكونو كامل بخير

و طبعا من العنوان راه باين موضوعنا

الكل يعرف شحل المنازل الجزائرية و العربية او الغير عربية تحتفظ بالخردة لمدة طويلة جدا




لكن الذي لا تعرفه هذه المنازل هو انو الخردة تمنع الرزق و تبعد البركة من المنزل

كيف ذلك ؟

اذا انتي احتفظتي بغطاء مثلا و ما استعملتيهش لا الشتاء الماضي و لا الشتاء تاع هذا العام

بيناتنا ؟ ربي ما يحاسبكش عليه و هو كاين آلاف الناس راهي تبات بردانة و ما تتغطاش و انتي مخبيا هذاك الفراش ؟

راح تقوليلي خليتو للضياف حسنا خلينا من الفراش

اللبسة لي راكي مخبيتها ؟ و ربما عمرك ماراح تزيدي تلبسيها لسبب او لغيره تان خبيتيه للضياف ؟


حسنا الأمر اضن راه واضح

نزيدو مثال تلفاز قديم او هاتف قديم مرمي في الدرج

لماذا تحتفظي به ؟

هدية ؟

حسنا لكن ما نفعها في الدرج ؟

راح نتعلمو فيها التخلص من الخردة لي في المنزل

باش ننجحو في التخلص منها لازم تكون عندك عزيمة و همّة كبيرة

لأنّو راح تضطري للتخلص من اشياء عزيزة عليك بزاف

لكن عند ربي ستأجرين ان شاء الله

و خزانات في البالكون و خزانات تحت السرير و فوق الخزانة كل هذي الامور علاش مخبيتها ؟


ديري في بالك انو الحاجة لي تقعد عندك اكثر من عام راح تدور عليك

كيما يقولو ناس زمان : "تبعد عليك الخير "

و احنا واش نديرو ؟

راح نفرزو امورنا و نشوفو الحاجة لي تترمى نرميها و لي تتصدق نصدقوها و لي تنفع نهدوها نهديها

تهادو تحابو

على الاقل تفرحي ناس خير من راهي في الخزانة مرمية او في بلاكار مخبية



و اهّم حاجة انك راح تفتحي الباب لحاجات جديدة

لأنّو معروف :

''التخلص من القديم يأتيك الجديد "


- كل انسان عندو حاجة قديمة في دارو او خاسرة يقدر يشارك معانا





في الأخير نقول هيا نتعاونو على التخلص من الطاقة السلبية لي في منازلنا








 


آخر تعديل ام سراج وملاك 2018-01-12 في 10:46.
رد مع اقتباس
قديم 2018-01-04, 10:46   رقم المشاركة : 2
معلومات العضو
لحن الحياة.
عضو متألق
 
الصورة الرمزية لحن الحياة.
 

 

 
إحصائية العضو










افتراضي

اناااااااااااااااااااااااا نشارككككككككككككككك اذا امكن

عندي اشياء حابة نتخلص منهم










رد مع اقتباس
قديم 2018-01-04, 11:10   رقم المشاركة : 3
معلومات العضو
أثيلة
مؤهل أقسام الدّيكور
 
الصورة الرمزية أثيلة
 

 

 
الأوسمة
أحسن خيمة رمضانية 1437هـ العضو المميز 
إحصائية العضو










افتراضي

السلام عليكم ورحمة الله فيك
فكرة رااااائعة زخرفة والله عندك افكار اكثر من رائعة
يااختي دارنا نعنىة خردة واش نحكيلك لدرجة محال تتخيليها و لكن الوالدين ربي يهديهم مايسمحولنا نمسو حتى فحاجة
هاذ المرة باذن الله راح نكون معام و راح ندفعهم يغيرو عاداتهم و على الاقل تندوس الدار هاذي ويبان وجهها ههههههه
بارك الله فيك على الفكرة










رد مع اقتباس
قديم 2018-01-04, 13:04   رقم المشاركة : 4
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

أهلييييييييييين لحن الحياة و أثيلة و بارك الله فيكما على الترحيب بالفكرة فرحت

شوفو باذن الله راح ننجحو ديرو في بالكم انا تان راني معاكم هههههههههه

أوّل حاجة راح نتخلص منها هي الماطلا تاع زوج بلايص كنت راح نخليها نقسمها على زوج لكن قررت نعطيها للافريقيين ربما يحتاجوها اكثر مني

و نتوما واش هي اوّل خطوة ؟









رد مع اقتباس
قديم 2018-01-04, 13:44   رقم المشاركة : 5
معلومات العضو
أثيلة
مؤهل أقسام الدّيكور
 
الصورة الرمزية أثيلة
 

 

 
الأوسمة
أحسن خيمة رمضانية 1437هـ العضو المميز 
إحصائية العضو










افتراضي

يازخرفة فكرتك مليحة و انا عندنا خزانة فالبالكون تاع الحطب من العصر الحجري فيها كتب و كراريس تاعي انا وهواتاتي من الابتدائي وجيب قولولي كيف نقنع الوالدين انو نتخلص منها لانو البالكو رجع اشبه بقبو و غير ندخل ليه نديق










رد مع اقتباس
قديم 2018-01-04, 13:55   رقم المشاركة : 6
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

هههههههههههههه مشكلة كبيرة حتى انا عندي برميل في البالكون مضيق عليا لازم نقنع زوجي نحيه من تمتيك

انا راح ندير نهار ما يكونش هنا و نفرغو من الماء و نعطيه لشيخي يديه

انتي من رايي كل مرة خرجي منها شوية بلا ما يفيقو حتى تكملي كلش الكراريس و الخردة

من بعد نهار ما يكونوش قولي لخوك يجيب تاع القش القديم يديها او اقنعيهم تصبغيها و ترجعيها شابة

تقدري تصوريهالي ؟ باش نعطيك افكار اكثر










رد مع اقتباس
قديم 2018-01-04, 14:42   رقم المشاركة : 7
معلومات العضو
أثيلة
مؤهل أقسام الدّيكور
 
الصورة الرمزية أثيلة
 

 

 
الأوسمة
أحسن خيمة رمضانية 1437هـ العضو المميز 
إحصائية العضو










افتراضي

اقتباس:
المشاركة الأصلية كتبت بواسطة zokhrofa مشاهدة المشاركة
هههههههههههههه مشكلة كبيرة حتى انا عندي برميل في البالكون مضيق عليا لازم نقنع زوجي نحيه من تمتيك

انا راح ندير نهار ما يكونش هنا و نفرغو من الماء و نعطيه لشيخي يديه

انتي من رايي كل مرة خرجي منها شوية بلا ما يفيقو حتى تكملي كلش الكراريس و الخردة

من بعد نهار ما يكونوش قولي لخوك يجيب تاع القش القديم يديها او اقنعيهم تصبغيها و ترجعيها شابة

تقدري تصوريهالي ؟ باش نعطيك افكار اكثر
اكيد نقدر نصورهالك اصبري عليا برك نكمل شغلي فالكوزينة راني نجرب فلاباط فيثي نخدم الكوكا بيها لانو موالفة نخدم الكوكا بالعجين تاع لمطلوع برك وغير نكنل نصورهالك









رد مع اقتباس
قديم 2018-01-04, 15:26   رقم المشاركة : 8
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

حسنا اوكي ربي يكون معاك










رد مع اقتباس
قديم 2018-01-04, 20:45   رقم المشاركة : 9
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

وين راكم ؟؟؟؟؟؟؟؟؟؟؟؟؟؟؟؟؟؟؟؟ظظ










رد مع اقتباس
قديم 2018-01-05, 00:41   رقم المشاركة : 10
معلومات العضو
النجمة القطبية
مؤهّل منتدى هن
 
الصورة الرمزية النجمة القطبية
 

 

 
إحصائية العضو










افتراضي

شوفي باش نكون صريحة معاك اختي زخرفة
فكرة الموضوع من ناحية انه صدقة ومساعدة الاخرين اوافقك واشجعك عليه
من حيث ترتيب البيت اوافقك
من حيث النظافة اوافقك
لانها كلها امور تدخل الخير والبركة للبيت كمنطق الملائكة لا تدخل بيت وسخ
اما فكرة تراكم الاشياء في البيت تمنع الرزق ولا ادري فهي كفكرة مستمدة من علوم الطاقة او ما يسمى طاقة المكان وهي علوم فارغة شركية لا اصدقها ويقولك مثلا ان الاشياء اللي تاخد حيز من الفراغ واستخدامها قليل تجلب الفقر والنكد ووو
ونزيدك ان بيوت الاغنياء هي اشد البيوت اللي فيها فائض من كل شئ ومعمرة بالتحف والاشياء القديمة وحتى الكراكيب احيانا !
قريبتي ثرية جداا وفي بيتها طابق كامل للكراكيب لا تدخله ! مثال فقط
لدا لنجعل الامر لوجه الله يكون احسن بكثير ولان النظام اجمل وكلما كان هناك مساحات فارغة في البيت يشعر الانسان بالارتياح ويصفى الدهن احسن من فكرة الرزق
فالصدقة نعم تجلب الرزق لان في الامر وعد رباني وليس التخلص من الكراكيب
مجرد راي ومتاكدة اننا سنتفق
بالنسبة لبيتي الكراكيب بمعناها الحقيقي معنديش لاني متزوجة حديثا
دايما نشري بعض الاشياء الجديدة في البيت للطوارئ كمثال كي يجي الضيف نحب نفرش الجديد كنوع من اكرام الضيف وعندي فراش مخصص للضيوف
بالنسبة للملابس الفكرة جيدة لكن انا من طبعي نحب نعطي للناس الجديد فقط
الحاجة اللي نشوفها زايدة نقدمها كهدية غالبا
مي درك نشوف واش نقدر نرتب ونقولك










رد مع اقتباس
قديم 2018-01-05, 09:37   رقم المشاركة : 11
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

اهلييين نجمة

نعم نعم انا معك في هذا الأمر انا شفتها هذيك المصرية لي تحكي على النكد و القلق و التوتر بسبب الكراكيب

صحيح انو كلامها فيه الكثير من الصح و الكثير من الخطأ و من بينها النكد لي حكيتي عليه انتي

و اذا لاحظتي انا ما تكلمتش على هذا الجانب انا تكلمت كمسلمة نأمن بالطاقة الايجابية تاع الدين الاسلامي و ليس البلا بلا تاع العلماء لي ما يستعرفوش بواش قال ربي و يحسابلهم هوما جبدو هذاك العلم

انا تكلمت على الصدقة و الاحسان و الهدية كلها امور تمد الانسان بالفرحة سواء المتصدق او المتصدق اليه

صح ؟

لذلك انا تكلمت على الطاقة الايجابية من حيث التصدق

و الطاقة السلبية من حيث الاحتفاظ بالاشياء لي ما تفيدنا ما نخلوها تفيد غيرنا


و نعطيك حاجة تولي تعرفيني مليح بيها انا نشوف بزااااااااااااااف علماء سواء عرب او ماشي عرب، مسلمين او غير مسلمين لكن عمرهم ماراح يأثرو فيا من الناحية الدينية

نقدر نقول انّه على حق في بعض الامور المنطقية لي ما جابهاش من عندو فقط حنا نسيناها او ما نتبهنالهاش

لكن في امور لي تخلي القادر انسان او شيء آخر غير الله فهذا يبوسو عينهم هههههههههههههههه

لذلك عزيزتي ما تخافيش هذا الموضوع باش نطهرو بيوتنا من البخل و الشح او عدم المسؤولية

لأنّه بمجرد اننا نخبي حاجة ما نستعملوهاش و ناس وحدوخرين محتاجينها انا أعدّه مع عدم المسؤولية


شكرا جزيلا على التفاتتك الطيّبة









رد مع اقتباس
قديم 2018-01-05, 15:13   رقم المشاركة : 12
معلومات العضو
ام سراج وملاك
مشرفة قسميّ الديكور والطّبخ
 
الصورة الرمزية ام سراج وملاك
 

 

 
الأوسمة
العضو المميز 
إحصائية العضو










افتراضي

السلام عليكم ورحمة الله تعالى وبركاته
فكرة المسابقة راقت لي
جزاكي الله خيرا على المسابقه الرائعهة

وبالتوفيق للجميع










رد مع اقتباس
قديم 2018-01-05, 15:19   رقم المشاركة : 13
معلومات العضو
زهرة جوري
عضو محترف
 
الصورة الرمزية زهرة جوري
 

 

 
إحصائية العضو










افتراضي

المسابقة راااااااااااائعة سأشارك معكم










رد مع اقتباس
قديم 2018-01-05, 23:11   رقم المشاركة : 14
معلومات العضو
النجمة القطبية
مؤهّل منتدى هن
 
الصورة الرمزية النجمة القطبية
 

 

 
إحصائية العضو










افتراضي

صحا زخرفة هكا اتفقنا
درك خلينا نتفقوا ما هي الكراكيب المقصودة
لان كلمة كراكيب تعني حجات محطوطة فوق بعضاها لا تستعمل بتاتا مثلا تلفاز قديم ثلاجة محطوطة جانبا او كراريس او ملابس اووو
المهم لا تستخدم بتاتا فقط تاخد حيز من الفراغ
ولا تدخل فيها الاشياء اللي نستخدموها في مناسبات خاصة كبعض الافرشة والالبسة او المستحضرات او ملابس المناسبات ...الخ لانها امور نحتاجوها في اوقات معينة
درك مسالة الكراكيب كمثال واحد عندو روبوا من عدة سنوات مستحيل يستخدموا وغيروا يحتاجوا كمثال
لكن واحد عندوا جهاز يستخدمو للطوارئ لا تعتبر كراكيب
هل اتفقنا
فهميني الدرس لاني ادا مفهمتش مليح راح نفرغ داري اللي تعب عليها راجلي وتخلاص عليا بطريحة معاه ههههه
خلينا نتافقوا اولا ش مندوش الطرايح نجوا نكحلوها نعموها :d
المهم راني معاكم واول حاجة نبدا بيها نرمي اي حاجة مشقوقة او فيها خدش او متعجبنيش
حلاتلي زخرفة شحال نحب نبدل نموووت على الجديد خخ










رد مع اقتباس
قديم 2018-01-06, 21:27   رقم المشاركة : 15
معلومات العضو
hodayena
عضو مبـدع
 
الصورة الرمزية hodayena
 

 

 
إحصائية العضو










افتراضي

انا جهازي حت واش ندير بيه
محبيتش نمدو يقولو حوايج مطلقه راه قاعد في الفاليزات منحبش نلبس حوايج نشري ونلسق في حاجه ومنلبسش من جهازي
حرت كيفاه ندير ومكانش لمن نمد










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 17:49

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc