بسرععععة تعالو شوفو مقعد من القارورات من صنع يدي

أم لُجَيْن · 2013-04-04, 10:46

جبتلكم اليوم اعمالي شورة والاهم هو المقعد لي درتو معاها كامل من صنع يدي
اول شي الادوات المستعملة قارورات

بونج راه يتباع يجي على شكل بساط يعني مش غليظ ومش رقيق متوسط

كرتون وتقطعيه اما دوائر اما مربعات تحتاجي 2 والشكل على حسب شكل المقعد لي رايحة ديريه

قماش انا استعملت هذا تابع لشورة نتاعي

لصاق شريط عريض و مقص

نبدا اولا بالصاق القارورات الواحدة تلو الاخرة مرة تعكسي القارورة مرة ديريها عادة يعني وحدة بوحدة (تقلبيها على فمها) وبعد ما تلصقيهم في بعضاهم وتكوني شكلتيهم اما مربع اما دائرة انا درتهم على شكل دائري ديري كرتونة من تحتهم والاخرة من فوقهم وتلصقيهم تاني بالشريط مليح مليح

بعدها تقطعي البونج ديري 2 دائرة و مستطيل طويييييييل يغطيلك القارورات يعني يدور عليهم وتلصقيهم اما بالابرة والخيط اما ديري لصاق مائي (كولا) ويصبح شكل المقعد هكذا

وتجيبي القماش نفس الشي مع البونج ( التقطيع) وتخيطي الدائرة الفوقانية مع المستطل الطويل وتركبيه على المقعد

ومن تحت نخيط الدائرة الاخرة باليد

يصبح شكل المقعد هكذا

نزينه بالسفيفة وبعض الوردات لي كنت انا قصيتهم من نفس القماش ونلصقهم بالبسطولي

وهذا الشكل النهائي لشورتي مع المقعد

وقولولي رايكم وبكل صراحة واي استفسار انا في الخدمة
اختكم اريج الامل

sabrina47 · 2013-04-04, 11:29

يعطييييييييييييك الف صحة حنونة يشرفني نكون اول من رد ربي يهنيك

مشرق2 · 2013-04-04, 12:06

هايل يعطـــــــــــــــــــــــــــــــــــــــــــــــ ــــــــــــــــــــــــــــــــــــــك الصحة

امونة الشاوية · 2013-04-04, 12:34

اختي جاو روعة خاصة اللي حطيتيها في الصالون
اختي لدي استفسار هل القرع تاع ماء سعيدة يصلحو ولا لا و اذا يصلحو قداه من قرعة ندير الله يعيشك اختي

ام امجد و انفال · 2013-04-04, 13:09

هايل يعطـــــــــــــــــــــــــــــــــــــــــــــــ ــــــــــــــــــــــــــــــــــــــك الصحة

حنان الهام · 2013-04-04, 13:31

Waaaaaaaaaaaaaaaaw rwe3a Chhel chbiin 3jabooni

3andi nfes so2el okhet alii 9belii

mercii

غيداق · 2013-04-04, 15:00

والله يعطيك الصحة خرجولك روعة ربي يهنيك حبيبتي ونفس السؤال اذا كان القرع نتاع سعيدة يصلحو على خاطر عندي منهم بزاف وماذا بيا يفيدوني

la fleure · 2013-04-04, 16:46

يعطيك الصحة ..............

امونة الشاوية · 2013-04-04, 17:25

ههههههههه رانا كامل نحوسو على قرع سعيدة ان شاء الله يكونوا يصلحو لانو حنا نشربوا سعيدة القازوز ممنوع في الدار يعني القرع تاع 2ل هاذو ماعنديش

أم لُجَيْن · 2013-04-04, 18:44

شكرا لمروركن ايتها الغاليات بالنسبة لقرع ماء سعيدة يجو ويجيك المقعد شوي قصير تحفون اما العدد على حساب الشكل لي ديريه ادا كان مربع 4 على 4 يعني 16 قرعة اما اذا كان كيما لي درتو يديلك 14 قرعة ديري 4 في الوسط ثم 3 من جهة و3 من الجهة الاخرة ثم 2 من جهة 3 و2 من جهة 3 قرعات الاخرة يتشكلك دائرة وبالتوفيق لكل مجربة

زهرة الهضاب 19 · 2013-04-04, 19:06

يعطيك الصحة تطبيق موفق الله يبارك

أنواار الإيماان · 2013-04-05, 13:37

علاه ماطلعوووووووووووليش الصور

terrou · 2013-04-05, 13:58

علاه ماطلعوووووووووووليش الصور????????????????????????????

البدر المضيئ · 2013-04-05, 23:56

بارك الله فيك

زينوبة زيزو · 2013-04-06, 16:17

اختي انا خدمتو من قبل كيما هاك مي ماي تحملش الوزن
ايافكيتو عاودت صلحتو
نحيت القرعة وقسمتلها الجزء العلوي ودخلت فيها قرعة وااحد اخرى بالمقلوب ايا توازن ليا المقعد ان شاء الله فهمتني دوك نشارشي في غوغل كاشما لقيت ميضوع يفهمكم اكتر واسفة على التدخل في موضوعك خيتو