تعيشو حباباتي ادخلو وطمنوني الله يجازيكم بالخير

[غيداق]

السلام عليكم حباباتي الجلفيات :انا اليوم لقيتكم غير انتوما الي تفيدوني وطمنوني بارك الله فيكن مشكلتي هي انني مريضة سكري النوع الثاني واكتشفت انني حامل في الشهر الاول وراني رحت اليوم عند طبيب السكري واعطاني الانسولين وحطلي برنامج نمشي عليه وزيادة على هذا زمرة دمي oسالب يعنى الله يكون في عوني تعيشو خواتاتي الي مرت بظرف كيما نتاعي ولا تعرف وحدة كيما حالتي ونجح الحمل نتاعها تدخل وتطمني الله يهنيكم والي تعرف الريجيم الي لازم نتبعو تحطهولي راني تقريبا ما ناكلش من الخوف على الحمل وياريت المراقبين ما يحذفوليش الموضوع من قسم الخياطة لانو حباباتي في القسم بزاف وقادرين يعاونوني بارك الله فيكم
راني نستنى الردود

[crystale49]

حبيبتي ماتتتقلقيش استعيني بالله كوني قوية و قادرة على تخطي الصعوبات فمع كل هذا هو اختبار لك من الخالق عز وجل
تاكدي ساذهب عند ابنت خالتي دكتورة نسائية و اسالها و باذن الله تعالى سااتي لك بالجواب في اقرب وقت و لكن لي طلب عندك هو
سبحي و حمدي الله كثيرا و شكرا اخيتي في الله

[غيداق]

المشاركة الأصلية كتبت بواسطة crystale49

حبيبتي ماتتتقلقيش استعيني بالله كوني قوية و قادرة على تخطي الصعوبات فمع كل هذا هو اختبار لك من الخالق عز وجل
تاكدي ساذهب عند ابنت خالتي دكتورة نسائية و اسالها و باذن الله تعالى سااتي لك بالجواب في اقرب وقت و لكن لي طلب عندك هو
سبحي و حمدي الله كثيرا و شكرا اخيتي في الله

شكرا حبيبتي كريستال على الرد الطيب والله راني مدايرة ربي في قلبي بصح المشكل نتاعي اني مش عارفة نتصرف مع الوضع ما فهمت والوا وألف شكر ليك حبيبتي على اهتمامك بوضعي بارك الله فيك وجزاكي عني كل الخير

[khaoula9134]

ما تقلقيش روحك أختي أنا عندي امرأة عمي كما حالتك و ولدت عادي و درك راهو بنها في عمرو عام و صحتو هايلة كي دبدوب. ربي يكون معاك

[maga]

ربي يجيبلك الشفاء إن شاء الله

[*ام عبد الكريم*]

ربي يشفيك و يعافيك المرض هو امتحان من الله تعالى جعله في ميزان حسناتك لازم تصبري و تتوكلي على الله
لازم متخليش السكر يطيحلك ابدا و اعملي وجبات خفيفة كل 2ساو الراحة الجسدية كما النفسية ربي يكون معاك و يسهلك

[biba04]

ربي يشفيك ويعافيك انا اختي مريضة بسكري ومن النوع الثاني وراهي عندها زوج ولاد طفل وطفلة والولادة نتاعها قيصرية
وقالولها ماتقدريش تولدي طبيعي وراهي لاباس
فقط ماتقلقيش روحك وتهلاي في السكر نتاعك ماتخليهش يطلع وربي يشفيك

[dahby83]

ربي يجيبلك الشفاء العاجل ان شاء الله ويرزقك الذرية الصالحة المعافة شوفي هذا الدعاء داومي عليه وخلي ايمانك بربي كبير وربي معاك حنونة


نسال الله العفو والعاقيه
ربي يحفظكم ويعافيكم ويشفي جميع مرضانا يارب قولو آمين

والدعاء كالتالي:

اللهم لا تشمت أعدائي بدائي ، واجعل القرآن العظيم دوائي وشفائي.. أنت ثقتي ورجائي .. واجعل حسن ظني بك شفائي ، اللهم ثبت علي عقلي وديني ،وبك يا رب ثبت لي يقيني .. وارزقني رزقاً حلالاً يكفيني ...وابعد عني شر من يؤذيني،ولا تحوجني لطبيب يداويني ، اللهم استرني علي وجة الارض ، اللهم ارحمني في بطن الارض . اللهم اغفرلي يوم العرض عليك . بسم الله الرحمن الرحيم طريقي والرحمن رفيقي والرحيم يحرسني من كل شئ يلمسني . اللهم أعوذ بك من شرالنفاثات في العقد ومن شر حاسد اذا حسد بفضل قل هو الله أحد ♥ بسم الله الرحمن الرحيم♥،... بسم الله دواء،والحمد لله شفاء ، ولا إله إلاالله كفاء ، هوالشافي شفاء ، وهو الكافي كفاء ، اذهب البأس بربّ الناس شفاء لا يغادره سقم وصلى الله على محمد وآله النجباء

[ام ابتهال و ياسر]

ربي يجيب الشفاء و سهل عليك ان شاء الله

[crystale49]

المشاركة الأصلية كتبت بواسطة غيداق

السلام عليكم حباباتي الجلفيات :انا اليوم لقيتكم غير انتوما الي تفيدوني وطمنوني بارك الله فيكن مشكلتي هي انني مريضة سكري النوع الثاني واكتشفت انني حامل في الشهر الاول وراني رحت اليوم عند طبيب السكري واعطاني الانسولين وحطلي برنامج نمشي عليه وزيادة على هذا زمرة دمي oسالب يعنى الله يكون في عوني تعيشو خواتاتي الي مرت بظرف كيما نتاعي ولا تعرف وحدة كيما حالتي ونجح الحمل نتاعها تدخل وتطمني الله يهنيكم والي تعرف الريجيم الي لازم نتبعو تحطهولي راني تقريبا ما ناكلش من الخوف على الحمل وياريت المراقبين ما يحذفوليش الموضوع من قسم الخياطة لانو حباباتي في القسم بزاف وقادرين يعاونوني بارك الله فيكم
راني نستنى الردود

اختي غيداق السلام عليكم
شوفي رحت جري وجيت لا تخااااااااااااااااااااااااافي تمااااااااااااااااااااااما فانت راكي هايلة و الجنين راه هاااااااااااايل بصح لازم تسويفي عند االجيني كولوق ماشي عند طبيب عام
و لازمك اتابعي معاه حتى يجي وقت الوضع و هو رايح يكون علبالو بالجنين و صحتو و صحتك انت ثاني و الله غير هدرت معايا بكل صدق
اذا الحمد لله ماكاين حتى خطوووووووووووورة لا عليك و لا على الجنين لكن يلزم المتابعة الصحية عند الطبيب المختص في امراض النساء
و اذا احتجتي اي توضيح راني هنا و الحمدلله على سلامتك و الف الحمد لله

[بثينة 123]

ربي يشفيك ويعافيك