نتيجة الفرق في السن

[مشكلتي]

اخواني انا طالبة جامعية سنة 2 تقدم لخطبتي استاذ يكبرني ب 12 سنة انا اود الموافقة ولكن خائفة لاني سمعت انه عندما يكون الاب كبيرا ف يصبح احتمال ولادة الاولاد معاقين ارجوووووكم طمئنوني فلقد تفطنت للفكرة اليوم فقط

[•~ندية الجوري~•]

السّلام عليكم و رحمة الله و بركاته ...~

ما سمعتُ بهاتهِ المعلومــة أبداً

و لكن الواقع و مــا نُعايشه لا يُثبتُ تلك النّظرية إطلاقاً
عندي عمّتي يكبرها زوجها بـ 22سنــة
و لهم ثمانية أولادٍ بين ذكورٍ و إناثْ
و حوالي ثلاثة عشر حفيد منهم
ليسَ فيهم من يشكــو علّة أو إعاقة
تباركَ الله ؛ ماشاء الله

الله يكملك بكل خير
و يجمع بينكم بسعادة و هناء
.

[لحن الحياة.]

كي تشتو تتقلشو
تبقاو تتذمرو من نعمة ربي حتى يديها عليكم واش يعني ضمنتي روحك بلي راح تجيبي اولاد ؟؟؟؟

نصيحة خليه يروح يشوف وحدة تجيبلو اولاد مش معاقين دايوغ راه تقريبا بنفس عمرك لان 12 عام ماهيش فرق كبير .......... الفرق الكبير من 20 عام والفوق يا الاخت

[rose de sable s]

12 سنة هو في ثلاثينيات يعني مزال صغير
راهم كاين في 60 و 70 و جابو ولاد
و كاين لي صغار و جابو معوقين

[أم أماني أريج]

يدرس عندنا في المدرسة أذكى و أوسم تلميذ أبوه شيخ طاعن في السن حتى أنه يجي يسقسي على وليدو بالعكازة و جميع التلاميذ يحسبوه جدو ........
أختي إذا كان هذا الخاطب إنسان مليح و مصلي اتكلي على ربي و اقبلي بيه بعد الإستخارة لأن الواقع كيما قالت أختنا ندية الجوري يثبت عدم صحة نظريتك ......بالإضافة إلى أن فارق 12 سنة ليس كبير جدا ........
بالتوفيق ..........

[benyahia meriem]

سلام عليكم
مكانش منها أختي ...ربي يسرلك

[naamane3]

شكون خرف عليك هاذ التخاريف
اتوكلي على الله وركزي على الخلق والدين
واعرضينا للعرس

[بشـرى]

مكانش منها الهدرة هذي
صلي الاستخارة واتوكلي على ربي واقبلي اذا فيه خير ربي يكملك، ومتسمعين للناس، هذي حياتك وانت حرة فيها

[رقة زمان]

خليك من الشكوك ...والله يسخر

[بربرية و أفتخر]

صلي استخارة و توكلي على الله
و لا داعي لتصديق هذه الخرافات
الفرق بالسن لن يؤثر على هذا الجانب و لكنه حتما سيؤثر بنسبة قليلة على التوافق الفكري بينكما لان كل منكما قد عاش فترة مختلفة عن الآخر
و الله ولي التوفيق

____________________________________
ص.م

[خولة سكيكدة]

أختي إذا كان سببك الوحيد هو الخوف من ان يكون لديك اطفال مشوهين فهذا علميا ومن الناحية الطبية مستحيل إلا إذا شاء الله سبحانه تعالى ذلك أما فارق 12 سنة يعني ذذا كنت سنة2 جامعي تقريبا 20 سنة هو راهو ميفوتش 35 يعني راهو شاب أختي حاولي ثقفي روحك أكثر يعني تفكيرك غير منطقي البتة لأانو التشوه يجي إما من عوامل وراثية جينية يعني أنو تكون في وراثتك أو في وراثته من هو معوق أو مصاب بأحذ الأمراض وق تكون العوامل متعلقة بالأم مثل إفتقاد الأم لأحد وبعض العناصر الغذائية الهامة أو ان تتعاطى المخدرات أو بعض الأدوية التي لها تأثير على الجنين وقد تكون العوامل خارجية مثل الإنفجارات النووية أو السكن بالقرب من مناطق معروفة بتسمم هوائها
هذه فكرة جد مبسطة أما فكرتك أختي خاااااااااطئة وفي الأول والأخير استخيري الله عزوجل وربي يجيب الي فيه الخير

[Hillin]

والله غير مازالت مفهمتش اذا كان ليقرا ميعرف يفرق بين الخرافة و الحقيقة واش نقول على ليماقراش
ختي اسمحيلي مي راك جامعية ورايح باذن الله تبني في دار لا لا واذا دخلت الخرافات دوكا وأمنت بيها واش ديري في حياتك منبعد؟
رغم اني أرى فارق السن كاين لاني أربطه بالتفكير وليس بأشياء أخرى لكن يبقى رأي الخاص
اما ان كانلديك الخوف غير من هذا الجانب رايح نقولك غير اقلعيه من راسك استخيري وتوكلي
بالتوفيق
تحياتي

[ninja2016]

12 سنة مش فرق كبير
اذا شفتي فيه صفات الشخص الجيد من دين واخلاق فلاتتردي في قبوله

[pomaria_aindefla]

هذا الشيء يقال عن المرأة لا عن الرجل حيث الرجل لو أصبح في عمره مئة سنة قيستطيع الإنجاب , هذه المقولة كانت في قديم الزمان نحن اليوم درسنا علم الوراثة و نعلم بالجينات فالمصاب بمرض mongolien ou trisomie 21 له في الجينات yy بدل xy

[الصديق قروف]

ربما سمعت عنها
متخافيش راه سغير
ولي يقول خرافة نقولو ممكن تكون اشاعة بصح خرافة روح ثقف روحك