خاائفة عاونووني

[مشكلتي]

بسم الله الرحمان الرحييم
مشكلتي كما هي في العنوان هي انني خائفة و السبب
انا فتاة في عمري 17 سنة تحصلت على بكالوريا بتقدير قريب من الجيد
لذا فانخرطت في صفوف الجيش الشعبي الوطني كي اصبح ضابطة *تكوين أساسي*
و قد تم قبولي
لكن الآن احس بنوع من الذنب لانني صراحة لا اعلم شيء عن تجنيد و تكوين الضباط
و سأسافر لشرشال لوحدي
كذلك انا خائفة على مستقبلي من ناحية الزواج و تكوين اسرة
و كذا هناك من أفتى بتحريم هذه المهنة للمرأة ...........
المهم انتابني القلق و الرعب بعد تم اختياري و قبولي
و في الليل ان شاء الله غادي نروووح بدون ادنى معلومة
المهم ساعدوني و حاولو تطلعولي المورال

[مياسم الصمت]

السلام عليكم ورحمة الله وبركاته
وافقت على عرض مشكلتك
مع انه هنا في المنتدى ما نظن تلقي اللي يطلع لك المورال خاصة مع خيارك

من المفروض اختي ان تطلبي المشورة وتستخيري قبل ان تعزمي وتأخذي قرارك
على اي ربي يوفقك لما فيه الخير

[بشـرى]

أختي الجيش الرجال ومقدرولوش فمابالك طفلة ، انا تبانلي تقراي فالجامعة احسن لك كفتاة، الجيش القوانين تاعو صارمة ورايحة تنحرمي من حوايج بزاف ، وتاني نظن المرأة ميخليوهاش تلبس حجاب ، استخيري بزاف ومديريش حاجة تندمي عليها حياتك كامل، مزلتي صغيرة بزااف

[طيور الجنان]

استخيري اختي مازال عندك الوقت قبل ماتبداي لانه تاكدي انو ماشي حاجة ساهلة انا وحدة صاحبتي دارت كيما انت بصح ماكملتش العام و حبست ماقدرتش و بدلت للجامعة عادي.

[om rym]

نصيحتي اخطيك ديري تخصص ليليق بانوثتك والمجال العسكري راه صعيب وانت صغيرة وما عارفة والو .
ربي يسخرلك لي فيه الخير

[اميرة الابتسامة]

ع الرغم من انو فات الوقت لانك اتخذت القرار حابة غير لي يطلعلك لمورال .بصح أنا نقولك ياأختي واش داك !! هذي الخدمة للرجال .أول حاجةراح تفرطي في حجابك ديجا هذي حاجة من المفروض تخليك تتوقفي هنا ..راهي كاينةألف حاجة تصلح تديريها وتنجحي فيها أما هذي غير الرجال وهوما راهم حتى يخمواباه يديروها فمابالكالمراة ... ربي يعينك

[Zaki Dilmi]

انا نعرف حاجة وحدة حياة العسكري و لا ضابط و لا لا ميعيش حياتو
شباب تاعوا يروح هكااااا gاااع يقول ليت الشباب يعود يوماا مع العسكري و ضابط سقسي لي راحو للتقاعد الكل يقولك لوكان نرجع مندرهاش كاين لي روحو و ميخلوهمش يرجعو عندي فاميلتي ماتت ختو ربي يرحمها و خلواهش نعلن بو دراهم لي يخلوك هكا
فما بالك بفتاة

[salem1985]

السلام انا والله غضتيني اختي انا كنت نحب لارمي كي فوت العامين وكنت ضابط والله ناكل الحجار وما نروح للارمي يمدو لي 100مليون للشهر اول حاجة اختي نقول لك راحت الكرامة والانوثة انتاعك وزيد راكي حكمتي على روحك بالعنوسة مسبقا لانو انا رجل ونعرف نظرة الرجال للعسكريات وخصوصا الي دخل للارمي وشاف تطياح القدر والسب وكان الي يلحقك في والديك العزاز انا المهم نعرف الي قلبو حي رايح ينتحر من الحقرة انا الصح قررت البلاد فوق الراس والله نفدوها بدمنا وقت الي طلبتنا موجودين بصح كي الحالة هانية العسكر لالالا والف لا المهم واش نقول لك اختي انت علبالي متحررة وانا بقولها صراحة موش حرية داركم سمحو فيك املا ما كانوش يقبلو المهم الي فيه الخير ربي يقدرو

[ahmed 31]

أختي الكريمة، الأعضاء وفاووا و كفاوا، وأظن يوجد لديك الآن فكرة و لو صغيرة،
لا يليق بنا المقام هنا لكي أروي لك ما يجري داخل الثكنات العسكرية و كيف الفتيات يعاملن،
نصيحة أخيرة، ماعليك إلا الإبتعاد عن هذا المجال، فحجابك تاج رأسك أختي و رايحة ضيعي كل شيء، دينك و دنياك.
سلام.

[أثيلة]

بصراحة انتي راكي رميتو نفسك لامر صعب و كيما قالو حتى الرجال ماقدرولوش
و تخوفك من الزواج و بناء اسرة راكي فقتي روطار اختي و الصراحة و الحقيقة لي متداولة اتو لم اصادف في حياتي شاب قال بأنه مستعد للزواج من فتاة منخرطة في الدفاع الأمر معروف و انت فتاة و تعلمين مقصودي
اسمخيلي ماقدرتش نطلعلك الموراللاني نعرف واش كاين و خطيبي يحكيلي كوارث على لي انخرطو مثلك كونو منخرط في احد المجالات المشابهة


سلام

[rose de sable s]

لا دين و لا المجتمع سيايدكي
غيري وفقك الله و اختاري تخصص في جامعة حتي تعيشي حياتك و مراهقتك عادية

[exellance]

بما انك في البداية تقدري ديري تحويل لجامعة احسن

[CHEERS]

صلاة الاستخارة احسسن حل انصحك به موفقة

[abdelka22]

المهنة الوحيدة التي تحرم الشخص من الحياة الحرية و الشباب و السعادة هي الجيش ..في الجيش تكبر بسرعة صحيح فيها أموال لكن شبابك يضيع

[صمت الرجوله]

المشاركة الأصلية كتبت بواسطة مشكلتي

بسم الله الرحمان الرحييم
مشكلتي كما هي في العنوان هي انني خائفة و السبب
انا فتاة في عمري 17 سنة تحصلت على بكالوريا بتقدير قريب من الجيد
لذا فانخرطت في صفوف الجيش الشعبي الوطني كي اصبح ضابطة *تكوين أساسي*
و قد تم قبولي
لكن الآن احس بنوع من الذنب لانني صراحة لا اعلم شيء عن تجنيد و تكوين الضباط
و سأسافر لشرشال لوحدي
كذلك انا خائفة على مستقبلي من ناحية الزواج و تكوين اسرة
و كذا هناك من أفتى بتحريم هذه المهنة للمرأة ...........
المهم انتابني القلق و الرعب بعد تم اختياري و قبولي
و في الليل ان شاء الله غادي نروووح بدون ادنى معلومة
المهم ساعدوني و حاولو تطلعولي المورال

و الله اختي انا عقبت الخدمة الوطنية في الاكادمية العسكرية لشرشال مملوؤة بالفتيات او بالاحرى باشباه الفتيات...سامحيني على الفاضي لكن لا اجد الكلمات المناسبة, كنا نمقت هاؤلاء الساقطات بشدة لانهن اقتحمن عالم الرجال من اوسع ابوابه طمعا في المال..."كاين بزاف لي ندموا كي يشوفونا خارجين لاكي يقولو كون غير جينا ديزاسبيرون"
بالمناسبة اغلبيتهن عازبات كلاونا بعينيهم و لي راهي متزوجة داها شبه رجل ليس لسواد عيونها كيما يقولو ولكن طمعا في مرتبها لا غير
اختي نصيحة لوجه الله خليك من هاذ المستنقع و عيشي حياتك انثى عادية بين احبابك و اهلك