هبلتكم علابالي

[مشكلتي]

ســــــــــــــــــــلام
قلبي راهو معمر و كيما كل خطرة مهبلتكم لاني ما نحب نفرغ قلبي غير عندكم على خاطر فيكم ناس حكماء عقلاء دايما ترجعوني للطريق اليوم علابالي الكل راح يجي ضدي لانها مشكلة فيا و علابالي بيها انا ملتزمة عندي صلاتي و قراني و اذكاري هما لي شاغليني في كل اوقاتي
و في الحقيقة ولله غير نكون لاباس عليا في الشتاء في دارنا واحد ما يجي لينا واحد ما نروحو ليه شادة فمي مركزة غير في عباداتي و طاعاتي نقوم الليل نصوم ...و غيرها من اعمال صالحة لكن ما ان يجي الصيف هادا جاي هادا رايح هادا يقولك فلانة هدرت فيك هكدا لوخر يقولك لالا الاخرى لي قالت فيك هكدا نوقع في الغيبة و النميمية و نولي تغلي و نضيع كامل حسناتي و كل مرة نخليها بالهدرة و ندير حالة نندم و نولي نقوم الليل و نبكي لربي باش يغفرلي ما ان يطلع النهار يزيدو يجيبولي الكلام و نولي لعادتي واش تنصحوني ما تقولوليش ما تروحيش لهادو الناس لانهم اقرب الاقربين و لوكان ما نروحش لتم وين تصرى فتنة و لوكان ما نهدرش تصرى فتنة اكبر لازم نشارك مع انني نندم دبرو عليا و عاونوني ولو بدعاء

[شيماء32]

وعليكم السلام
كي تروحي توالهم ويبداو يمنشرو قوليهم انا بطلت لهدرة في الناس مش انا نصلي ونصوم في الاخير يضيعو الحسنات (الكيس المثقوب) .. وقوليهم نتوما تحبو هاذا الانسان بزااف (لي راهم يهدروا عليه) كي يقوللك لاه قوليلهم راكم تمدولهم في الحسنات لي تشقاو عليهم وكون يزيدو حرف قوليلهم خلاص انا نروح كون تكملو هكذا وكون كشما يقولولك هاذاك فلان هدر عليك قوليلهم كثر خيرهم وصلوني الحسنات هه
قيل للحسن البصري ان فلان يغتابك فقال مرحبا بحسنة لم افعلها ولم اتعب فيها ولم يدخل فيها عُجب ولا رياء
وخفيفي زيارات ليهم (اختلقي الاعذار )
سلام

[رهف هبة الرحمان]

rabii yehdik w yefaraje 3lik ^_^

[houssem zizou]

و عليكم السلام

أولا عليك بالتوبة و الرجوع إلى الله و لو تكرر منك الذنب ألف مرة
جاهدي نفسك على تحقيق شروط التوبة وهي الندم و العزم بعدم الجوع و عدم الجوع إلى الذنب هذه هي شروط التوبة

ثانيا: وصية النبي صلى الله عليه وسلم لما أخبره معاذ ابن جبل أن يدله على عمل يدخله الجنة و يباعده عن النار (في حديث طويل)
إلى أن قال النبي صلى الله عليه و سلم: (ألا أخبرك بملاك ذلك كله) قلت بلى يا رسول الله فأخذ بلسانه و قال: (أمسك عليك هذا)
قلت يا نبي الله و إنا لمآخذون بما نتكلم فقال: (ثكلتك أمك و هل يكب الناس في النار على وجوههم أو على مناخرهم إلا حصائد ألسنتهم)
فالسان يا أختاه يرد منه التكلم على الله بغير علم كما يرد منه الغيبة و النميمة فينبغي إمساكه و في بعض الأحيان يكون التحدث في الأمور المباحة حتى يتعدى ذلك إلى الأمور المحرمة

ثالثا: الغيبة ذكرك أخاك بما يكره في غيابه كما عرفها النبي صلى الله عليه و سلم
و هي التي شبهها الله في كتابه بأكل لحم أخيك ميتا فقال: (و لا يغتب بعضكم بعضا أيحب أحدكم أن يأكل لحم أخيه ميتا فكرهتموه)

رابعا: و بعد كل هذا هل أنقطع عن زيارة أقاربي ؟
لا تنقطعي عن زيارتهم و إذا رأيت أحدهم وقه في معصية كالغيبة و غيرها: إنصحيه و أنكري عليه المنكر بالتي هي أحسن
قال النبي صلى الله عليه وسلم: (من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان)
و في رواية أخرى: (و ليس بعد ذلك من الإيمان من حبة خردل) أو كما قال صلى الله عليه و سلم
و إنكار المنكر بالقلب يقتضي عدم مجالسة صاحب المنكر أثناء منكره !
قال تعالى: (و إذا رأيت الذين يخوضون في آياتنا فأرض عنهم حتى يخوضوا في حديث غيره و إما ينسينك الشيطان فلا تقعد بعد الذكرى مع القوم الظالمين)

خامسا: عليك بمجاهدة نفسك قال تعالى: (و الذين جاهدوا فينا لنهدينهم سبلنا و إن الله لمع المحسنين)

أسأل الله أن يعيننا و إياك على ترك زلات اللسان و الوقوع في الغيبة و النميمة و مظالم العباد
و أن يوفقنا لترك جميع الذنوب و يرحمنا في الدنيا و الآخرة

و الله أعلم و صلى الله و سلم على محمد و على آله وصحبه و سلم

[seridz]

انتي انسانة فيك الخير مشاء الله مدام ضميرك حي متخافيش بني ادم خطاء و خير الخطاءين التوابون اختي هدا الوقت اللي رانا فيه القابض على دينه كالقابض على الجمر يعني الفتنة هي اللي تجي عندك مش انتي اللي تروحيلها اختي كلما اخطأتي استغفري و توبي و حاولي ديري قادم عينيك عذاب القبر كلما دخلتم في الغيبة لان الغيبة من اسباب عذاب القبر لازم تكوني كوراج اختي ادا حكات وحدة عليك قولي الله يسامحها و فرات ما تزيدي ما تنقصي اللي يهدر فيك راه يدير لروحو النار و يديرلك ليك الجنة و الله يهدينا و السلام

[عبدالقادر100]

المشاركة الأصلية كتبت بواسطة شيماء32

وعليكم السلام
كي تروحي توالهم ويبداو يمنشرو قوليهم انا بطلت لهدرة في الناس مش انا نصلي ونصوم في الاخير يضيعو الحسنات (الكيس المثقوب) .. وقوليهم نتوما تحبو هاذا الانسان بزااف (لي راهم يهدروا عليه) كي يقوللك لاه قوليلهم راكم تمدولهم في الحسنات لي تشقاو عليهم وكون يزيدو حرف قوليلهم خلاص انا نروح كون تكملو هكذا وكون كشما يقولولك هاذاك فلان هدر عليك قوليلهم كثر خيرهم وصلوني الحسنات هه
قيل للحسن البصري ان فلان يغتابك فقال مرحبا بحسنة لم افعلها ولم اتعب فيها ولم يدخل فيها عُجب ولا رياء
وخفيفي زيارات ليهم (اختلقي الاعذار )
سلام

السلام عليكم
خير الكلام ما قل ودل
عليك بهذه النصحة

[Hillin]

مافهمتش؟ انتيا تبغي ترضيهم وتعفسي على قلبك وتضيعي الحسنات لتنوضي وتبكي عليهم في الليل
كتروحي عندهم ألعزيزة غير يبداو في التمنشير ذكريهم بربي سبحانه وغير يبداو يجبدولك في لسانك قولي" الله يهدي عباده " قلبيهالهم حلقة دينية والله غير ميسالو عليك مام تون ميزعفو منك
بالتوفيق
تحياتي

[nabil.novi]

ما فهمتش نتي علاش تعمري راسك بيهم و تشقاي تردي عليهم
نورمال راهم ينقصولك فالذنوب كي يهدرو فيك خليهم و ما تنسايش أنه لي يجيبلك الهدرة دائما يدي الهدرة من عندك كذلك .. انا عن نفسي هدرو فيا قالو نتكيف المخدرات لكن ما شقيتش نرد عليهم ربي كاين و من جهة اخرى ما تهتميش براي الناس فيك لأنه قد يدفعك للرد بنية تصحيح صورتك عندهم

[ManouraHilwa]

انا عندي الحل كي يجي واحد ايا كان يقولك فلا ن هدر فيك قوليلو بابتسامة معليش الي يحب يهدر يهدر وابداي الاستغفار ولاتتوقفي حتى يزول الغضب مع الوقت تولفي يهدرو فيك وانت فرحانة تجربة شخصية

[~ دروب الخير ~]

ياا اختي ،كيما يببداو يمنشرو انصحيهم و اذا رفضو نوضي من قدامهم و ماتفسديش على روحك

[mooon]

ما شاء الله أنت على حساب واش راني نشوف
أنت إنسانة ما شاء الله
قايمة بعبادة ربي

والأحسن من هذا أن تعرفي نفسك أنك كي تتلقاي
مع هاذ الناس أو الأقارب رايح طيحي في معاصي(الغيبة و النميمة)
وأنك ترجعي و توبي إلى ربي سبحانو هذا شيئ جيد

لذلك أنا أحييك صراحة على هاته الخصال الرائعة التي تتمتع بها روحًك
ولكن في بعض الأحيان يجب ظبط النفس قليلاً وعدم الوقوع في ما لا يحمد عقباه
وذلك بنصيحة هؤلاء الناس و توجيههم وهذايتهم إلى طريق الصواب كمثلا أن تقولي
أنه ما يجوزش أو تقولي أحسنو الظن بالناس فنحن لا نعلم نواياهم

وربي يوفقك إلى ما فيه الخير

[وفاء45]

rabii yehdik w yefaraje 3lik ^_^