مساعدة بخصوص الخدمة الوطنية

[badi 1921]

السلام عليكم
حالتي كيما كامل الشباب الجزائري حاصل فالخدمة الوطنية بفففف

أنا من مواليد سنة 1988 جانفي ، سمعة بلي الدفعة تاعي سمحولهم - دفعة 2008 - بشرط يكونوا ما جابوش الباك
دوك المشكل وين راه : أنا ما جبتش الباك 4 مرات من 2006 حتى 2010 باه جبتوا ، بصح ماشي متمدرس يعني باك حر - كونديدا ليبر -
إتسما عندي شهادة مدرسية من الثانوية مكتوب فيها مطرود في سنة 2008

الأستفسار تاعي : أسكوا نقدر نخدم بيها إعفاء بلا ما يفيقولي ؟ ولا زعما يفيقولي كي جبت الباك كونديدا

الله يعطيكم ما تتمناو أعطوني رايكم

[debaakram]

ربي معاك راني حاصل فيها انا ثاني
وتعرف دولة عوجة لعمى ويقبلوه -_-

[biblioman26]

خويا ياك ما قريتش بيه هذاك الباك في الجامعة اذا ما قريتش بيه ساهل خويا عادي ويسمحولك باذن الله لانو عندي صاحبي كيما انت سمحولوا عندما قالهم باللي ما سجلتش في الجامعة والله اعلم خويا وربي ينجينا من اساتعباد الخدمة الوطنية

[جلال الجريح]

حبيبي ماتقدرش تكذب عليهم راهم على بالهم بكل شي، ولكن انشاء الله يعطولك لأن القانون يقول لمواليد 1988 وتوقفو عن الدراسة قبل 2010 .والله اعلم وربي يوفقك

[badi 1921]

يعطيكم الصحة يا الخاوة ، صح كيما قلتوا علابالهم بكلش نروح نسيي زهري معاهم و نردلكم بالخبر هههههههه