راني عاودت البوندانات

[fadilasor]

المشاركة الأصلية كتبت بواسطة الصمت حكمة

ي اختي راني نكتب لك و واله غير ميتة من الحشمة خلاص، أنا هذوك الجوانب اللي على الجهتين هما اللي ما فهمتش كيفاه راكي تبليي فيهم و هذوك الرباطات يتخيطوا كل واحد منهم على طرف لاستيك، سامحيني أذا هبلتك و راكي إذا جاوبتيني نموت على بلاصتي من الحشمة و الله ما نحب نديرونجي الناس .......و الله يعطي لك قد قلبك الكبير

يااختي علاش تحشمي رانا هنا كامل باش نتعلمو اسالي واش حبيتي شوفي غير تكملي لاستيك نبداو من جهة وحدة نعمل بليات يعني نثني القماش ونخيط نكمشوا يعني من جهة الرقبة الى جهة الراس اجمليهم مع بعض بصح في نفس الوقت تعملي انثناءات في القماش نفس الشي بالنسبة للجهة الاخرى والرباطات عادي قطعة قماش منفصلة تخيطيها على شكل حزام وتلطقية من جانب لاستيك عند الاذنين بالذات غير نخيط وحد اخرى نحطهالك بالتفصيل الممل

[الصمت حكمة]

و الله غير سامحيني راني عارفة روحي سمطت عليك، أنا لي كوتي اللي ما فهمتش ...معناها تديري الإنثناءات بلاما تكفيهم....هكذا، الله يسترك في الديا و في الآخرة راني كلما نتفكرك ندعليك و لو أني مش حابة نقولها لك باه تكون دعاء فعلا بظهر الغيب، ألف شكر لك مرة أخرى

[ساندي 28]

ربي يحفظك من كل بلاء ويهبلك الزوج الصالح امين يارب

[fadilasor]

المشاركة الأصلية كتبت بواسطة الصمت حكمة

و الله غير سامحيني راني عارفة روحي سمطت عليك، أنا لي كوتي اللي ما فهمتش ...معناها تديري الإنثناءات بلاما تكفيهم....هكذا، الله يسترك في الديا و في الآخرة راني كلما نتفكرك ندعليك و لو أني مش حابة نقولها لك باه تكون دعاء فعلا بظهر الغيب، ألف شكر لك مرة أخرى

ربي يحفظك اختي دعاءك لي الدنيا كلها بالنسبة لي باش تفهمي مليح راني نعاودلك وحدة جديدة ونفهمك مليح اصبري عليا برك هذو النهارات راني لاهية مع تلاميذي عندهم مسابقة فكرية غير نكمل وعد نحطهالك اختي

[fadilasor]

المشاركة الأصلية كتبت بواسطة omnadjem.10

ربي يحفظك من كل بلاء ويهبلك الزوج الصالح امين يارب

امــــــــــــــــــــــــــــــــــــــــــــــــ ـــــين يارب ربي يحفظك

[الصمت حكمة]

ربي يفرحك بالزوج الصالح اللي يهنيك مش اللي يدير لك العلة، و أصلا كي راكي معلمة الله يكون في عون أصحاب التعليم خاصة اللي يعملوا بضمير، و انتي على حسابك راكي منهم، المهم غير في غرضك أنا في روحي و قيلا هذا النهار الأخير عندي في الأنترنيت بلاك بعد مدة باش يعاود يخلص لي و أنا راني تقريبا من الدار ما نخرجش عندي نروح برك لوالدي راني منقطعة تقريبا على الناس صدقيني و هذا المتنفس الوحيد اللي عندي................. ربي يعاونك و يفرحوك تلاميذك في المسابقة انشاءالله ما تقلقيش روحك عى جالي

[fadilasor]

المشاركة الأصلية كتبت بواسطة الصمت حكمة

ربي يفرحك بالزوج الصالح اللي يهنيك مش اللي يدير لك العلة، و أصلا كي راكي معلمة الله يكون في عون أصحاب التعليم خاصة اللي يعملوا بضمير، و انتي على حسابك راكي منهم، المهم غير في غرضك أنا في روحي و قيلا هذا النهار الأخير عندي في الأنترنيت بلاك بعد مدة باش يعاود يخلص لي و أنا راني تقريبا من الدار ما نخرجش عندي نروح برك لوالدي راني منقطعة تقريبا على الناس صدقيني و هذا المتنفس الوحيد اللي عندي................. ربي يعاونك و يفرحوك تلاميذك في المسابقة انشاءالله ما تقلقيش روحك عى جالي

امين يارب شكرا لكي اختي على هذا الاطراء تعرفي اني والفت نقرا تعليقاتك صدقيني انها تعكسلي جانب من شخصيتك وديري في بالك حاجة احيانا نتواصلو من اناس من خلال هذا المنتدى عبر منبر التعليقات فنتعلق بهم ونحسهم قريبين منا انا كذلك احساسي معك يااختي اتمنى ان تتواصل هذه الدردشة ولو بطريقة غير مباشرة وبالنسبة للخياطة انا تاني نسمط على اخواتي حتى نعرف كيفاش نخدم ذيك الحاجة وفي بعض الاحيان يشبعو عليا ضحك لكني صبورة وهذا مبدئي المهم راني نسرقلك موديلات ونتعلمو كيف كيف هاتي ماتطوليش الغيبة برك راني نستناك غير تدخلي ابعثيلي رد راني دايما حاضرة باذن الله مادمت عايشة وربي يحفظك ويهنيك ونتمنى نعرفك ربما نتواصل يااختي فعلا من يدري

[الصمت حكمة]

و الله غير ما ذا بيا ....صدقيني جوابك ما تعرفيش قد واش أثر فيا، راني نكتب و دموعي ما نقولكش كيفاش راها، راكي مجربة كي يكون الواحد عليه ضغوطات و عندو مشاكل ... اللي جات تبكيه، بالصح هذا البكي نحسو أكثر حاجة تريحني خاطر كي ما نبكيش تأثر لي هذيك الغصة على صحتي، المهم اليوم لقيت مازال عندي الكونكسيون مي غدوة ما نظنش و على فكرة راه شعور متبادل و كيما يقولوا الأرواح جنود مجندة ما تعارف منها ائتلف و ما تنافر منها اختلف ، بالصح المسافة اللي بيناتنا بعيدة ياسر و خاصة اللي يكون محكوم فيه كيما حالتي، مرات راني نحسدكم يا العازبات، راني غير يخلص لي راني نبدا بيك انتي الأولى انشاء الله

[محــــــ النقاب بــــة]

بااارك الله فيك اختي و سلمت يمينك

[fadilasor]

المشاركة الأصلية كتبت بواسطة الصمت حكمة

و الله غير ما ذا بيا ....صدقيني جوابك ما تعرفيش قد واش أثر فيا، راني نكتب و دموعي ما نقولكش كيفاش راها، راكي مجربة كي يكون الواحد عليه ضغوطات و عندو مشاكل ... اللي جات تبكيه، بالصح هذا البكي نحسو أكثر حاجة تريحني خاطر كي ما نبكيش تأثر لي هذيك الغصة على صحتي، المهم اليوم لقيت مازال عندي الكونكسيون مي غدوة ما نظنش و على فكرة راه شعور متبادل و كيما يقولوا الأرواح جنود مجندة ما تعارف منها ائتلف و ما تنافر منها اختلف ، بالصح المسافة اللي بيناتنا بعيدة ياسر و خاصة اللي يكون محكوم فيه كيما حالتي، مرات راني نحسدكم يا العازبات، راني غير يخلص لي راني نبدا بيك انتي الأولى انشاء الله

ربي يحفظك اختي من كل ابتلاء ويفرحك وثقي ان بعد المسافات لا يبعد القلوب عن بعضها ولاتنسي ان المتحابين في الله يظلهم الرحمن تحت عرشه يوم لاظل الا ظله

[fadilasor]

المشاركة الأصلية كتبت بواسطة محــــــ النقاب بــــة

بااارك الله فيك اختي و سلمت يمينك

وفيك بارك اختي ربي يحفظك

[oum asma.]

ربي يبارك فيك

[fadilasor]

المشاركة الأصلية كتبت بواسطة oum asma.

ربي يبارك فيك

يبارك فيك اختي ام اسمامة

[الصمت حكمة]

سبحان الله ضرك جربت على النية و الزهر و كي صبت لا كونيكسيون جيت نجري لموضوعك حبيت برك نشوف و اش راها أخبارك ، انشاء الله تكوني مليحة و أمورك في تحسن.................. راكي ولفتيني بيك و كأنني نعرفك صافي لونتون

[fadilasor]

المشاركة الأصلية كتبت بواسطة الصمت حكمة

سبحان الله ضرك جربت على النية و الزهر و كي صبت لا كونيكسيون جيت نجري لموضوعك حبيت برك نشوف و اش راها أخبارك ، انشاء الله تكوني مليحة و أمورك في تحسن.................. راكي ولفتيني بيك و كأنني نعرفك صافي لونتون

يبدو انو انا لي عندي الزهر اختي حتى انا والفتك وراني حطيتك صديقتي دون استئذان انا الحمد لله السوال عليك اختي لعزيزة والله حابة نتواصل معاك تواصل مباشر اذا عندكي فيس بووك ولا***** قوليلي اختي