انت ولا انتي كيفاش تشوفو هذ الخطوة؟؟؟

[حبيبة]

أختي الكريمة بمجرّد ما تنقصي عليه تكاليف المهر راكي عاونتيه في اتماما الزواج "أقلّهن مهرا أكثرهن بركة"
فمابلك بالمساعدة الظاهرية
إذن العروس التي تشتري في جهازها الأرائك أو الاواني أو الأفرشة"والكل يفعلن ذلك" لتعمّر بيتها سيكون زواجها فاشلا برأيكم!!!!!!!!!!!؟
أختي الكريمة إذا حبيتي تعاونيه وهذا الأمر ضروري خاصة في زماننا هذا "موش كيما بكري كانت تكاليف المعيشة رخيسة "
فافعلي فحتى وإن كانت ثلاجة أو غسالة أو مطبخة ....... اشريها وقوليلو راها عجبتني وحد الثلاجة في الحانوت الفلاني راني شريتها ليّا أرجوك روح جيبها عليه وحطها في داري ..............
ربي يوفقك أختي
أنوي النية الحسنة تسلكك وإياكي ثم إياكي تقوليلو في يوم من الأيام راني أنا اللي درت وأنا اللي فعلت ....لأنك أصلا درتي هاد الحوايج على جال باش أنتي تسهلي حياتك ...موش علاجالو

[النجمة القطبية]

انا ضد الفكرة متستعجليش واصلا متبينلوش انك مقلقة على الزواج
خلي الامور تسير بروية كما قدرها الله لك وخليه يتحمل مسؤوليتوا كرجل بما يقدر عليه
ماشي المطلوب منوا يتحمل فوق طاقتوا فقط واش قدر يجيب وخلي دراهمك لما بعد الزواج لما يصبح زوجك رسميا وبعد ما تكوني عرفتي معدنه الحقيقي
اما انتي فواجبك تدي جهازك فقط والجهاز اليوم مراهوش حاجة ساهلة اصلا ادا جبتيه كما ينبغي الحال راكي نقصتي عليه
متعاوديش كلمة نعاونك او تحسسيه بالضعف ومتتنازليش على مهرك فقط متحمليهش فوق طاقته يعني راضاي بالموجود
ربي يهنيك

[Asma Bouanani]

أكيد مادامت قادرة علاش وحتى ولو رفض أهلها يمكن تعاونو في الخفاء وهذه إفادة ليها أكتر من الرجل وأهم إفادة أنها تعزز مكانتها في قلب زوجها ونظن هذا أمر بديهي يعني لايحتاج تساؤل لأن الفتاة التي لاتساعد خطيبها او زوجها تعتبر سطحية وباردة وتفكيرها محدود

[قرويجة]

مبادرة جيدة أن تساعديه تدل على حبك لهو تمنيك العيش معه في أقرب وقت كم هو إنسان محضوظ وفقك الله

[aroua]

والله ياختي كون جيت في مكانك ,ان كنت اعرف الشخص اعز المعرفة وكان من النوع لي يستاهل خاصة اذا كان عامل ,يعني عاونتيه برك ماشي كلش عليك فلا حرج في ذلك ,اما انني لا اعرفه وابدا من اول يوم انفق عليه فلا استطيع ذلك ابداااااااااا.ويستحسن انك تقوليلوا يدير واش قدر عليه ومن بعد كي تدخلي ساعديه والدار دارك