الجزء184 من واش طيبتي اليوم.... كوزينة التألق و النجاح

[ام هدول]

سحوبة ..اسمحيلي ما شفتش سؤالك ...البولوط كيما قللتك ...تحبي تغليه ولا تفوريه الاحسن طيبه على الطاجين خاصة تع الطين ...

[سحابة باردة]

سماح حبيبتي م هدول نيشان ذرك نجربو في الطاجين غدوى

[ام هدول]

اوكي سحوبة كي تجربيه قولينا كيفاش جاك ..تصبحو بخير

[حياة نور الدين]

السللام عليكن مزال ما رقدنتش راني كالخفاش ههه

ام هدول انت تحوسي ووتاكلي الجاج هههه وانا مقلقة عليك بصحتك تستاهلي انت وبناتك وربي يحفظلك اب هدول ويطيب العشرة بيناتكم ماشاء الله عليكم

ملوكتي نسبت نقولك الشربة تهوس بصحتكم حبيبتي

سحابة الفارميسال هايلة يعطيبك الصحة وشكرااا على البلوط بصح انا خاطيني

اميرة بصحتهم سلافك الحوت وماعليش منخافش عليك راكي طرتي صورتي واحدة هههه
وبصحتكم بطاطا كوشة

سعيدة بصحتك الرفيس حنونة

فيفي الكيك رجلك هااايل يعطيك الصحة

انا عشايا كان جواز خضر بالدجاج وسلطة مصورتش نسيت هههههه راكم تعروا كي يكون الضغط والبكا تع البيبي واااع اسمك تنسايه خخخ

[حياة نور الدين]

وبما انه حبيبتي ام فاطمة غائبة نقهويكم حتى ترجع ونتمنى تكون بخير






تصبحن على خير

[ام هدول]

اصبحنا واصبح المملك لله...الحمد لله...والشكر لله.....ربنا اتنا في الدنيا حسنة وفي الآخرة حسنه....ربنا ارزقنا رزقا حللا....وعيشا كريما.....وارحمنا برحمت الواسعة....يارب.....:
اللهم تقبلِ.كلمات خرجو من قلبي ....هكه....

[ام هدول]

شكرا حيوته عاى كلامك الطيب..وعاى الفطور....راكي قايمة بالواجب رغم مسؤولياتك....ربي. يكون عونك..ويسمعنا سكاع الخير على ام فاطمه ووالغايبات..

[nihal159]

صباح الخير مزين بالكراميل و الموز و اللوز ايفيلي عليكم ياحراير الجلفة، الله يبارك راكم تجريو ههههههه رفقا بالقوارير هههههههههههههههههه.
راني نراجع فالصفحات و أنا فالطريق رايحة للخدمة و الأهم اني صايمة، فاذا بي نشوف الروز معشوقي من يدين مريومة، يشهييييييييي كل جبة وحدها. حقا مريومة قلتيلي ابعثيلي كيكة الشكولا و الله ماخسارة فيك بصح ماريا راهي قضات على نصفها هههههههههههه عجبتها و النصف التاني ديتو لدارنا ليوم، مرة اخرى حبيبتي نتفكرك قبل الناس لكل نبعتلك سهمك.
زدت هبطت شوية لقيت ملوكة زادمة عليا بصحن جاري بالدبشة ههههههههههههه يعطيك الصحة راني صايمة خبيهولي لوقت الافطار.
أمنية و طياب لحراير، عيش سخون و حار ياحناني، يعطيك الصحة.
الهامو بنت البرج، اه اه يا خاليا...... اه اه يا خاليا........ المقروط معسل على جاليا ههههههههههههه لحنيها، المقروط خرجلك روووووووووعة يعطيك الف صحة و عافية.
شفت تاني حبيبة قلبي من صمصومتو الجوانية زيكا، توحشناك، الانتخابات اداتك علينا، ماعليهش اختي ربي يعينك و طلي علينا مرة على مرة بالجرنان نتاعك ههههه الخفوفي هايل خاصة هذيك الحوتة يمممممممممممممي نموت على السمك.
سحابة بصحتك الفرميسال، حتى حنا نديروها تجي خفيفة روعة، فكرتيني فيها، بصحتكم، مطرح مايسري يمري.
امورة الشطورة عم بتلون بالالوان نهههههههههه لحنيها تاع طيور بيبي هههههههه اميرة بصحتهم سلافك السمك و الدوراد روووووعة، أكف صحة و هنا على قلوبكم، كون كملتي و درتيلهم روز بلاكروفيت و قوليلهم غمصو عينيگم و تخيلو رواحكم في سطورا عند مطعم أماني ههههههه

[nihal159]

سعيدة بصحتك السفنج الله يبارك تاع حراير، خفيف يهبل.
ام يوسف، بصحتك لمحاجب و لمسمن، ربي يفرج عليك ان شاء الله.
ميمي هذي هي الكوزينة لازمها الكوراج و النفس الطويل ههههههههه هيا اجري و ماتخافيش مازالك صغيرة بصغرك.
سعيدة أكيد اختي رانا كامل نستفادو من بعض و لي تعرف حاجة تفيد بها خوتها
محتاجة عفو الله مرحبا بيك معانا حلوياتك يهبلو، ماتحرميناش من ابداعاتك.
ام هزار رلي يبارك فيك و يحفضلك هزار، فرحت بالرد نتاعك بزااااااااف، تعيشي يالحبيبة.
ام هدول بصحتك لغدا برا ماكاش خير من الجاج مجمر عالجمر، راني نجري على قد مانقدر ههههههههه وجديلي قرعة عصير اعطيهالي في نص الطريق نطلع بها السكر شوية هههههههههههخههه.
حيوتة حبيبتي بصحتك الجواز و ربي يعينك على التربية، و يعطيك الصحة على التشكيلة الرائعة من حلويات و كيكات.
امورة بصحتك بطاطا كوشة، سحابة البلوط انا نعرفو يغلوه، لكن تقدري تشويه فالطاجين كما القسطل، بصحتك التشميسة و التبوقيل هههههههه

[nihal159]

نسيت حيبتي فيفي لندن من خلف البحار، الكيكة جاتك رووووعة، بصحتك و سلامنا الحار لام فاطمة، ان ساء الله تكون بخير و ترجع معانا تزهينا بأطباقها.
عشايا لبارح كان بانيني، تفضلو.

[محتاجة لعفو الله]

السلام عليكم و رحمة الله و بركاته


ان شاء الله تكونوا صبحتوا كلكم بخير و بصحة و هناء نشكر كل وحدة رحبت بيا ربي يحفظكم ان شاء الله


ركم جايبينها الله يبارك مممممممممم الروايح راهم دايرين حالة


أمينة الطورطة خرجتلك تحفة ما شاء الله الاجاص نحطو برك في شاربات سخونة ولا نحطو فوق النار ؟؟؟؟


سحابة البلوط فعلا لا يقاوم نشفى كي كنت صغيرة كنت مدمنة عليه ناكل منو بكثرة شفيتولها 5دج للكأس



Fifilondon الكيك خرجلك هااااايل باين خفيف كاش خطرة نجربو باذن الله


أميرة بصحتكم بطاطا كوشة راهي تسخف


أم هدول بصحتكم التحويسة و الفطوووور ممممم حاجة خفيفة و ظريفة


حياة يعطيك الصحة على التشكيلة تاع القهوة راني اديت طبسي تاع لمسمن و التمر ممممم


نهال بصحتكم البانيني راهو يسخف مممممم

[محتاجة لعفو الله]

لبنات هاكم بنجوا بيدما يوصل وقت لفطووووور التالي ما يلحقش

[أم فاطمه]

السلام عليكم اخواتي الغليين على قلبي توحشتكم. كتير كتير
صباح الخير والهناء والسعادة على زهرات الكزينة الحلوين

اشكر كل الاخوات لي تحيرو عليا وسقساو عني عرفت معزتي عندكم حتى انا نعزكم كي اخواتي والله يعلم
انا كنت مريضة وزاد حبسولنا الانترنات كنو يعاودو. فيالخيطان لقدم بعدما تناولة الدواء رني الحمد للله

ورني رجعت تفضلو حلويات من الارشيف

.

.

.

.

.

.

.

.

.

.

حبابتي هدو اطباق طيبتهم وصورتهم فطيمة كي كنت مريضة اليوم رني دايرا الخرشف للغداء

[nihal159]

أهلين محتاجة عفو الله؛ المورنغ يهبل بصحتكم؛ الله غالب راني صايمة سينون و الله واحدة ماتلحق على فتفوتة ههههههههههه

[nihal159]

يآآآي يافرحتي رجعت أم فاطمة نوارة الكوزينة؛ بالشفا عليك يالحبيبة خليتينا محيرين عليك؛ الحمد لله على سلامتك.
أرشيفك لحلو لايعلى عليه بسم الله ماشاء الله؛ و الجديد كي العادة روعة؛ تسلم أيادي فاطمة على التحضير و التصوير؛ربي يحفظها إن شاء الله.