دورة صيفية جديدة - الصفحة 11 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم المنزل و متطلباته

قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

دورة صيفية جديدة

إضافة رد
 
أدوات الموضوع انواع عرض الموضوع
قديم 2018-07-23, 06:52   رقم المشاركة : 151
معلومات العضو
ابني نور عيني
عضو مميّز
 
إحصائية العضو










M001

صباح النوور و النشاط و الهمة العالية 😉😉
يارب تكونو كامل بخير و عافية

راح نبدا روتيني الصباحي من عادتي نستيقظ على السادسة صباحا لكن اليوم حلاتلي النومة ههه😴😴😴
هويت البيت و استقهويت و أخذت دوش خفيف و راح نبدا نخمل داري ..

أختي رندة الفقوس اللي أخضر في الصورة عمري ماكليتو أما الصورة اللي حطتها الأخت أم شمسو هل هو البطيخ يشبهلو و اكيد كامل نعرفوه و ذوقو حلو









 


رد مع اقتباس
قديم 2018-07-23, 10:34   رقم المشاركة : 152
معلومات العضو
فن و أناقة
عضو جديد
 
إحصائية العضو










افتراضي

اقتباس:
المشاركة الأصلية كتبت بواسطة ابني نور عيني مشاهدة المشاركة
مساء النوور فراشات كاش نشاط 🙄🙄🙄

ألف ألف مبروك على الناجحين كامل و ربي يزيدهم نجاحات على نجاحات و يفرحهم بمستقبل زاهر إن شاء الله
...
البارح درنا الحفلة تاع خويا ما طليتش عليكم لأنو إنشغلت بزاف ...
درت تنظيف عميق لغرفة نومي ..
هاذ الشهر القادم عندي حافل ..أعراس و سوابع و خطوبات على هذا راني نوجد بلعقل كامل واش نسحق باش نكون واجدة
حبيت برك نقوللكم على فكرة شابة ..منكم أكيد اللي يعرفها ..أنا معتمدتها وصراحة دارتلي فرق في حياتي و هي أنو تكون عندك أجندة أو حتى كراس خاص بيك تكتبي فيها كل شيء ، أهدافك و تخطيط لحياتك ، واش حابة مثلا ديري في العطلة ،كاش صنعة أو لغة حابة تتعليمها ، ماسكات و عناية بنفسك صدقيني راح تتبدل حياتك ، لكن أكيد نظموا و خططوا حسب حياتكم وواش يناسبكم و ما تضغطوش على روحكم .

تقدري تدخلي الجانب الديني و الأسري مع أطفالك و زوجك ، خططي لليلة خاصة مع زوجك ، خرجة مع عائلتك ، و خاصة راح تفيدك في التحضير المسبق للمناسبات الكبيرة كالأعياد و رمضان و الأعراس ( نكتب في الأعراس العائلية كل شي من الألف للياء قبل شهرين من الحدث باش نجهز كل شيء ههه)


و الله جربوها راح تتنظم حياتكم و تولوا أكثر فاعلية و إنتاج و ماراحش تغفلوا على أي شيء لانو ببساطة الأجندة راح تفكركم بكل شيء ...
ختيني طريقة التدوين مهمة جدا لتنظيم الوقت، حتى ولا ما التزمتيش بكل وش تكتبي يبقى الفارق كبير مع كي ما تكتبيش..
حتى برنامج الوجبات الأسبوعي تقدري تديريلو مخطط يساعدك بزاف، تاني ولا كنتي من النسا لي يديرو المعجون ويحبو التجميد والتصبير تقدري تديري جدول تاع وش تديري في كل موسم..
أنا هاد المخططات الكبار هوما لي نحب نكتبهم في المفكرة، أما البرنامج اليومي أفضل نستعمل التطبيقات تاع الهاتف لتفادي تراكم الأوراق والدفاتر..
طريقة السبورة تاني تعجبني لي عندو وين يديرها









رد مع اقتباس
قديم 2018-07-23, 10:36   رقم المشاركة : 153
معلومات العضو
فن و أناقة
عضو جديد
 
إحصائية العضو










افتراضي

اليوم نطيب فطوري ونرتب الدار ترتيب خفيف مبعد ننظف الثلاجة بإذن الله.. الصباح دوشت لبنوتتي ورضعتها وننات مبعد انطلقت في أشغال البيت










رد مع اقتباس
قديم 2018-07-23, 10:43   رقم المشاركة : 154
معلومات العضو
ابني نور عيني
عضو مميّز
 
إحصائية العضو










Rosiecheeks

أهلا أختي فن و أناقة
صحيح إستعمال تطبيقات الهاتف تفيد بززاف في التذكير بالمهام اليومية والتي تتكرر كل مدة معينة ، أنا مثلا نستعمل تطبيق any do هايل بززاف فيه تقدري تكتبي مهامك و بعد كم من الوقت تعاود تذكرك بهم ، و مميزات أخرى لهذا البرنامج ..
معليش أختي نسقسيك كيفاش تنظمي وقتك مع رضيعتك أنا كي كنت نرضع وليدي نحس بأنو ياخذ كل وقتي خاصة في الأربعة الأشهر الأولى ، و نخدم حاجة نخليها في النص و نروح عندو










رد مع اقتباس
قديم 2018-07-23, 11:05   رقم المشاركة : 155
معلومات العضو
رندة.
عضو مميّز
 
إحصائية العضو










افتراضي

صباح الخير
أهلا أم محمد وفن وأناقة، واش راكم اليوم؟؟
ان شاء الله تكونو كامل بخير
حبيت نشكر الأخت كرونو على تدبيرة الجافيل مع خمارة الحلوة لإزالة البقع الصعبة، جربتها اليوم في المطبخ وكانت نتيجتها فعّالة، ربي يجعلها في ميزان حسناتك ان شاء الله.
هذا هو الرابط تاعها
https://www.djelfa.info/vb/showthread.php?t=2152255









رد مع اقتباس
قديم 2018-07-23, 12:15   رقم المشاركة : 156
معلومات العضو
رندة.
عضو مميّز
 
إحصائية العضو










افتراضي

مرحبا فراشات
تقدرو تستخدمو هاذو اللوحات إلي يتعلمو بيهم التلاميذ الحروف والكتابة، هي طريقة عمليّة وسهلة.

تقدرو تكتبو فيها الأعمال إلي راح تقومو بيهم خلال اليوم.
وتكتبو ثاني مستلزمات المطبخ من مواد غذائية مخصوصة للطبخ.
وتعلقيّها في الجانب المخفي للثلاجة.

من جهة تكون قريبة ليك، ومن جهة تتخلصّي من كثرة الأوراق والفوضى إلي تسبّبها. وثاني تقدري تمحيها بسهولة في حالة كملتّي أشغالك منها،
و إذا كانت عندك تعديلات في برنامجك تقدري تمحيها وتعدلّي فيها ببساطة.









رد مع اقتباس
قديم 2018-07-23, 13:30   رقم المشاركة : 157
معلومات العضو
ابني نور عيني
عضو مميّز
 
إحصائية العضو










Rosiecheeks

شكرا أختي رندة على الفكرة مليحة وعملية










رد مع اقتباس
قديم 2018-07-23, 14:44   رقم المشاركة : 158
معلومات العضو
ام شمسو محمد
عضو مميّز
 
إحصائية العضو










افتراضي

سلام عليكم
مرحبا برندا و ام محمد و سالي و اختنا ذات الحضور المميز فن و اناقة و شكرا على الافكار المفيدة و القيمة لي راكم تشاركونا بيهم
انا مازلت مع الروتينات فقط ...و الحمد لله ...الصيف و الظروف ..
و احد اهم معالم الصيف التشكشوكة الطبق الرئيسي على مائدتنا الصيفية بكل الاشكال و الالوان ...و الحل الامثل لتجنب طول المقام قدام الفرن ههههه
العشا باذن الله حضرت البيتزا مبعدا نطيبها ....معشوقة الاطفال ...زوجي درتلو سلطة و فلفل و فواكه ....يكره البيتزا و يقول بلي راهي نتاج لهيمنة الفكر الغربي و تاثيرو على ولادنا من خلال الرسوم المتحركة و الا مافيهاش حتى تميز يخلي ولادنا يحبوها بشدة ...انا نحبها هههههه










رد مع اقتباس
قديم 2018-07-23, 15:13   رقم المشاركة : 159
معلومات العضو
ام شمسو محمد
عضو مميّز
 
إحصائية العضو










افتراضي

هدرتو على سبورة الثلاجة لتنظيم المهام المنزلية ...فكرة رائعة


التصور المستقبلي هو وجود مركز تحكم للمنزل ...تقدر تكون في الثلاجة او عند المدخل او في اي مكان في البيت ...توفر افق تنظيمي لكل الاسرة و اخشى ان تصبح نقطة تواصل بينهم بالاوراق ....انا تعجبني الفكرة و انوي باذن الله ان اعتمدها في الحدود التنظيمية فقط










رد مع اقتباس
قديم 2018-07-23, 16:01   رقم المشاركة : 160
معلومات العضو
sali kanouza
عضو فعّال
 
الصورة الرمزية sali kanouza
 

 

 
إحصائية العضو










افتراضي

السلام عليكن ورحمة الله تعالى وبركاته
شكرا فراشات على الافكار المميزة والمفيدة
ههههه ام شمسو والله البيتزا كامل نحبوها الله غالب والصراحة لوكان غير جات فالاكل وفقط
نقدرو نميزو بين الحلال والحرام الان الغرب سيطر علينا في جميع المجالات ربي يسترنا ويستر جميع امة محمد يااااارب










رد مع اقتباس
قديم 2018-07-23, 17:35   رقم المشاركة : 161
معلومات العضو
ام هزار
عضو مميّز
 
الصورة الرمزية ام هزار
 

 

 
إحصائية العضو










افتراضي

مشاء الخيرات فراشاتي الجمسلات
بالنسبة للفقوس هو الاصفر و خاصة كي يكون حلو بمداق الحار روووووووعة
ام شمسو انا ثاني درت اليوم تشكشوكة و دجاجا مشوي في الغدا و في العشا يقاتلي شكشوكة و زيد الكرطوس و العنب نموت عليهم بصح ميش كيما الفقوس
بالنسبة للاجندة نحبها تكون ورقية لانو في النهاية كي نفشل نحلها و نشوف واش كنت ننجز ايا تحفزني من جديد
اما الملصقات على الثلاجة نتواصل بيها مع زوجي كي يعود واحد فينا غايب على البيت و خاصة في وقت العمل عملية جدا و مريحة
سلامي ليكم كل واحدة باسمها










رد مع اقتباس
قديم 2018-07-24, 09:53   رقم المشاركة : 162
معلومات العضو
sali kanouza
عضو فعّال
 
الصورة الرمزية sali kanouza
 

 

 
إحصائية العضو










افتراضي

صباح الخير فراشااااات
واش راكم
اليوم ان شاء الله عندي التنضيف العميق للارضياااات والعشية نروح لدارنا نبات وغدوة نبارك لبنت عمتي ونرجع لداري ان شاء الله
الغداء راح ندير فلفة وسباقيتي وفواكه والحمد لله
لبنات واش نبداو التنضيفات لعيد الاضحى مع بداية الشهر ولا نخلوها بعد العيد اعني قبل الدخول المدرسي واش راكم مخططين ان شاء الله










رد مع اقتباس
قديم 2018-07-24, 13:05   رقم المشاركة : 163
معلومات العضو
ام هزار
عضو مميّز
 
الصورة الرمزية ام هزار
 

 

 
إحصائية العضو










افتراضي

صباح الخير سالي و بصحتك النظافة و الدهاب الى بيت الاهل بالسلامة يا رب
انا اليوم نظفت ديبارة غرفة صغيرة تنظيف عميق بصح مليانة بالكراكيب طيشت نصها و تهنيت
للغدا درت بطلب من الزوج بربوشة بالجاج و الرايب و الحمد لله
بالنسبة لاقتراحك انا نوافقك و نزيدو نشوفو راي الفراشات










رد مع اقتباس
قديم 2018-07-24, 14:41   رقم المشاركة : 164
معلومات العضو
samophisique
عضو جديد
 
إحصائية العضو










vb_icon_m (6)

سلام فراشات الله يبارك نشاط وهمة ربي يدومها نعمة والله شوقتوني لتدوين مفكرة يومية الحق انا نرتب في راسي واش ندير لكن حوايج ياسر عدت ننساهم و بعدها نحس بالتوتر و الضغط الكتابة في الثلاجة نعتمدوها في الاسرة كيخرج اي واحد لكن نستعمل المفكرة والله عندي مدة فاشلة مانيش في الروتينات هذا راجع كما اظن استعمال المبرد طول اليوم مرضنا اليوم ندير باذن الله الساعة الاسبوعية و نبدا غرفة الاستقبال فراشات وين واصلين










رد مع اقتباس
قديم 2018-07-24, 15:42   رقم المشاركة : 165
معلومات العضو
رندة.
عضو مميّز
 
إحصائية العضو










افتراضي

مساء الخير عليكم
ان شاء الله تكونو كامل بخير

سالي يعطيك الصحة على النشاط والهمة العالية، بالنسبة لتنظيفات ماقبل العيد راني معاك وأمبعد نشوفو كيفاش نبداو.

أم هزار شكرا لأنك نحيتيلنا الجدل إلي كان قائم بين الفقوس1 والفقوس 2، هكا نشوفو أنو كل منطقة تتميّز بمُسمياتها للأشياء.

سامو فيزيك الكتابة تنحيلك كل هذاك التوتر والضغط تاع نسيان بعض الأمور، يبقالك فقط التنفيذ لأنو عقلك راح يرتاح من كثرة التخمام والتذكّر.
- كاين أمور نكتبوها مرة في العام وإلي هي أهدافنا الطويلة إلي حابيّن نحققوها خلال السنة (صيام بعض الأيام، شراء أثاث جديد، انجاب مولود جديد، التسجيل في احدى المراكز التكوينية، تعلّم لغة جديدة...).
- وكاين أمور أخرى نكتبوها مرة في الشهر لأنجازها خلال الشهر ويمكن أنها تتضمن أهداف صغيرة مجزأة من الأهداف الطويلة تاع العام لأنو اذا خططنا لأهداف طويلة لازم نبداو في التنفيذ باش ما تبقاش مجرد أحلام اليقظة، وهذا التنفيذ راح يتم تجزئته خلا أشهر السنة مثلا ( اقتناص فرص الأيام المباركة في الصيام كوقفة عرفة وعاشوراء، الذهاب للسوق ومعرفة أسعار الاثاث إلي راني حابة نضيفو لداري ونشوف ثاني الخيارات المتوفرة، التوقف عن حبوب منع الحمل وزيارة طبيبة النساء والتوليد، السؤال عن مواعيد التسجيلات في المراكز التكوينية والتخصصات المعروضة، شراء كتب لتعلّم اللغة الجديدة ومشاهدة أفلام وفيديوهات لتعلّم النطق بيها).
- وكاين إلي نكتبوها كل أسبوع تكون أقل من تاع الشهر وإلي رانا حابين ننجزوها خلال هذا الاسبوع مثلا ( تنظيف منطقة معينة، زيارة مريضة، دعوة ضيف للبيت، الخروج للنزهة...).
- وكاين إلي نكتبوها كل يوم وتتضمن الروتينات اليومية باش نأشرو (×) عليها ونتأكدو أننا قمنا بيها، وكاين العادات الحسنة إلي حابين ندخلوها في حياتنا كيما صلاة الضحى مثلا.









رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 07:33

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc